| e-texts navigator |
| Wylie |
330a1 ནི་མཐོང་བ་རྣམས་ལ་མཆོག་ཏུ་དཀའ་བར་མཛད། ། བདག་ནི་རྒྱལ་ལ་སྲོག་གིས་སྐྱབས་སུ་མཆི་བར་བགྱི།། ལྷ་ཡི་བུ་མོ་མཆོག་ནི་འདོད་ཆགས་ཆགས་གྱུར་པ།། གང
330a2 གིས་མཐོང་བ་དེ་ཡང་ཆོས་ལ་དགའ་བར་འགྱུར། ། དགའ་བས་དྲན་པ་ཤིན་ཏུ་རྒྱ་ཆེན་ཐོབ་འགྱུར་ཏེ།། དགའ་བས་སྡུག་ལ་འདོད་པའི་དགའ་དང་བྲལ་བར་འགྱུར།། མཚན་མཆོག་སུམ་ཅུཿ
330a3 གཉིས་དག་གི་རྒྱན་རྣམས་ཀྱིས། ། ལེགས་པར་བརྒྱན་པ་གསལ་བའི་ཡོན་ཏན་མཆོག་མངའ་བ།། གསུང་མཆོག་མི་ཡི་དམ་པ་གསུང་ནི་རྣམ་པར་དཀ། མཚུངས་པ་མེད་པའི་འོད
330a4 མངའ་ཁྱོད་ལ་བདག་ཕྱག་འཚལ། ། འཕགས་པ་འཛམ་བུའི་ཆུ་བོའི་གསར་མདོག་ཕྱག་མཐིལ་སྡུག། ཐུབ་པའི་སྐུ་སྟོད་སེང་གེའི་འདྲ་ཞིང་གླང་ཆེན་སྟབས།། སྤྲིན་ཚུགས་ལེགས་ཤིང
330a5 ཤང་ལེགས་ཚེམས་སྙོམས་ཐགས་བཟང་མཛེས། ། དཔལ་གྱི་སྙིང་པོ་ཤཱཀྱ་ཐུབ་མཆོག་ཁྱོད་ལ་འདུད།། རྒྱལ་བ་ཡོན་ངན་བརྒྱ་ཕྲག་དག་གིས་རྒྱས་གྱུར་པ།། བདེ་གཤེགས་ཤིན་ཏུ་དགའ་བསྐྱེད
330a6 མཛད་བསྟོད་པ་ཡི། ། བསོད་ནམས་ཡོན་ཏན་མཐའ་ཡས་བསྒྲུབ་པ་གང་ལགས་པ།། དེ་ཡིས་འདིར་ནི་འཇིག་རྟེན་སངས་རྒྱས་མཉམ་གྱུར་ཅིག། དེ་ནས་རིགས་ཀྱི་བུ་རེས
330a7 པབ་སྐྱེ་བོའི་ཚོགས་ཆེན་པོ་དེ་དག་གིས་ཡོངས་སུ་བསྐོར་ནས། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག
iiif viewer powered by OpenSeadragon
