| e-texts navigator |
| Wylie |
328b1 བཅང་བར་བགྱིའོ། ། རྒྱལ་པོས་སྨྲས་པ། དེས་པ་གལ་ཏེ་དེ་ལྟར་རས་བཅོས་བུ་ཟུང་འདི་དག་ཁྱོད་མི་ལེན་ན་ཁོ་བོ་ལ་སྙིང་བརྩེ་བའི་ཕྱིར་རྐང་པས་རྫིས་ཤིག། ངེས་པས་ལྷ་དེ་བཞིན་དུ
328b2 བགྱིའོ་ཞེས་སྨྲས་ནས། རས་བཅོས་བུ་ཟུང་དེ་དག་ལ་རྐང་པས་བརྫིས་ཏེ་སོང་ངོ་།། རྒྱལ་པོས་སྨྲས་པ། ངེས་པ་རས་བཅོས་བུ་ཟུང་ཁྱོད་ཀྱི་རྐང་པའི་སྨན་མར་གྱུར་པ་འདི་རྣམས་ཇི་ལྟར
328b3 བྱ་ངེས་པས་སྨྲས་པ། རྒྱལ་པོ་ཆེན་པོ་སེམས་ཅན་དབུལ་པོ་གཅེར་བུ་གོས་མ་མཆིས་པ་གང་ལགས་པ་དེ་དག་ལ་སྩོལ་ཅིག། རྒྱལ་པོས་ངེས་པ་དེ་ལྟར་བྱའོ་ཞེས་སྨྲས་ནས། རྒྱལ
328b4 པོའི་མི་རྣམས་ལ་བསྒོ་སྟེ། དེ་དག་གིས་ཀྱང་ཇི་སྐད་བསྒོ་བ་བཞིན་དུ་བྱས་སོ།། རས་བཅོས་བུ་ཟུང་དེ་དག་དབུལ་པོ་དེ་དག་གིས་བགོས་མ་ཐག་ཏུ་འདི་སྙམ་དུ་སེམས་བསྐྱེད་དེ། བདག
328b5 ཅག་གིས་ངེས་པ་ལ་ཇི་ལྟར་ལན་བླན་པར་བྱ་སྙམ་པ་ལས། སངས་རྒྱས་ཀྱི་བྱིན་གྱི་རླབས་དང་། དྲི་བའི་སྨོན་ལམ་གྱི་སྟོབས་ཀྱིས། དེ་དག་གིས་བར་སྣང་ལས་ཚིགས་སུ་བཅད་པ་འདི
328b6 དག་ཐོས་སོ། ། འདོད་པ་བཞིན་དུ་ལན་ནི་བླ་ན་བྱ་བ།། མེ་ཏོག་དང་ནི་སྤོས་དང་བྱུག་པ་དང་།། ཟས་སྐོམ་ནོར་རྣམས་ཀྱིས་ཀྱང་མི་ནུས་ཏེ།། བྱང་ཆུབ་སེམས་ཀྱིས་ངེས་པ་དགའ་བར་འགྱུར
328b7 ངེས་པ་གོས་དང་ཟས་འདོད་མ་ཡིན་ཏེ། ། རྙེད་དང་བཀུར་སྟི་གྲགས་པ་འདོད་མ་ཡིན།། ངེས་པ་བྱང་ཆུབ་སེམས་ལས་ཆོས་འདོད་དེ།། བྱང་ཆུབ་སེམ་གྱིས་ངེས་པ་དགའ་བ་སྟེ།
iiif viewer powered by OpenSeadragon
