| e-texts navigator |
| Wylie |
322b1 སྐད་ཅེས་སྨྲས་སོ། ། ངེས་པ་དེ་ལྟར་ང་ནི་དབུལ་ལ། ཁྱོད་ནི་ཕྱུག་པར་ཁྱོད་ལ་དབང་སུ་ཡོད། ངེས་པས་སྨྲས་པ། ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
322b2 རྒྱས་མཉན་ཡོད་འདི་ཉིད་ན་བཞུགས་པ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། ངས་མཐོང་ཡང་མཐོང་ངོ་།། ངེས་པས་སྨྲས་པ། ལྷ་དེ་ནི་ལྷ་དང་བཅས་པའི་འཇིག་རྟེན་གྱི་མིག
322b3 ཏུ་གྱུར་ཅིང་ཚད་མར་གྱུར་པ་སྟེ། དེ་ནི་བདག་གི་དཔང་ལགས་སོ།། རྒྱལ་པོས་སྨྲས་པ། སོང་ལ་དེ་བཞིན་གཤེགས་པ་དེ་སྤྱན་དྲོངས་ཤིག་དང་། དེས་ཇི་སྐད་དུ་ལུང་བསྟན་པ་དེ་བཞིན་དུ
322b4 ངས་གཟུང་བར་བྱའོ། ། ངེས་པས་སྨྲས་པ། སྟོན་པ་དེ་ལ་ངན་བུ་འམ།། ཕོ་ཉ་གཞན་གཏང་འོས་མ་ལགས།། འདིར་ནི་བདག་གིས་བསམ་བགྱིས་ན།། དེ་མཁྱེན
322b5 ནས་ནི་གཤེགས་པར་འགྱུར། ། འཇིག་རྟེན་འདིའམ་ཕ་རོལ་ལ།། དེ་ནི་མི་མཁྱེན་ཅང་མི་མངའ།། ཐུགས་ཀྱིས་བསམ་པ་མཁྱེན་ནས་ཀྱང་།། འདྲེན་པ་དེ་ནི་གཤེགས་པར་འགྱུར།།
322b6 སེམས་ཅན་རྣམས་ལ་ཐུགས་བརྩེ་བས།། དེ་ལ་ང་རྒྱལ་སྐྱོ་མི་མངའ།། སེམས་ཅན་རྣམས་ལ་ལེགས་དགོངས་པས།། ཤིན་རབ་ཏུའང་གཤེགས་འགྱུར་གྱིས།། རྒྱལ་ཆེན་བདག་གིས
322b7 གསོལ་པ་ལ། ། ད་ནི་ལེགས་པར་ཐུགས་ཆེས་མཛོད།། གང་གིས་སྟོན་པ་འདིར་གཤེགས་པའི།། བདེན་པའི་བྱིན་བརླབ་བགྱི་བར་འཚལ།། མེ་ཏོག་སྤོས་དང་མེ་ཏོག་འཕྲེང་།། རྒྱལ་མཚན
iiif viewer powered by OpenSeadragon
