| e-texts navigator |
| Wylie |
320a1 དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། ལྷའི་བུ་མོ་ཉི་འོད་སོང་ནས། ལྷའི་དབང་པོ་བརྒྱ་བྱིན་ལ་ཚིགས་སུ་བཅད་དེ་སྨྲས་པ།། དེས་ནི་འདི་ན་བུད་མེད་རྣམས་ཀྱི
320a2 སྐྱོན་ཡང་དག། གང་ལ་དེ་དག་ཤིན་ཏུ་མཐོང་བར་དོགས་མ་མཆིས།། ཇི་ལྟར་དེ་ཡི་སེམས་ནི་ཡུལ་ལས་ལོག་གྱུར་པ།། དེ་ལྟར་འདོད་པ་རྣམས་ལ་སེམས་ནི་ཆགས་མ་མཆིས།།
320a3 དེ་ནས་ལྷའི་དབང་པོ་བརྒྱ་བྱིན་གྲོང་ཁྱེར་གྱི་དབུལ་པོ་ངེས་པའི་ཐད་དུ་སོང་ནས་ཚིགས་སུ་བཅད་དེ་སྨྲས་པ། ཅི་ཞིག་དོན་གཉེར་ངེས་པ་ཆོས་སྤྱོད་པ།། བརྟུལ་ཞུགས་དེ་ནི
320a4 སྤྱོད་པ་རྣམ་དག་སྨྲོས། ། འདི་ཡིས་ཉི་ཟླ་འམ་ཡང་ན་དབང་པོ་འམ།། ཚངས་པའམ་ལྷ་རྒྱལ་ཅི་ཞིག་ཁྱོད་སློང་བྱེད།། ངེས་པས་སྨྲས་པ། ཉི་མ་ཟླ་བ་དེ་བཞིན་བརྒྱ་བྱིན་དང་།། ཚངས
320a5 པའང་རྒྱལ་པོའམ་འདི་ན་གཞན་དག་ཀྱང་། ། འགྲོ་བ་རྒྱ་ཆེན་གང་ཡོད་དེ་དག་ཀུན།། གར་བྱེད་ལྟ་བཞིན་མི་རྟག་མི་བརྟན་ན།། མཁས་པ་སུ་ཞིག་དེ་ལ་དགའ་བར་བྱེད།། གང་ལ་སྐྱེ
320a6 མེད་ན་མང་འཆི་བ་མེད། ། སྡུག་དང་མི་སྡུག་རྣམས་དང་ཕྲད་པའང་མེད།། འགྲོ་བ་གྲོལ་མཛད་སངས་རྒྱས་འགྱུར་བྱ་ཞེས།། དེ་ཐོབ་བྱ་ཕྱིར་སེམས་ཀྱི་སྤྱོད་པ་ངེས།། བརྒྱ་བྱིན་གྱིས་སྤྲས
320a7 པ། ཕན་བྱེད་ཁྱོད་ཀྱི་ཚིག་ལ་རྗེས་སུ་ཡི་རང་སྟེ།། ཁྱོད་ཀྱིས་སྨོན་ལམ་བདབ་པ་ལེགས་པར་གྲུབ་གྱུར་ཅིག། བདུད་རྣམས་སྡེར་བཅས་མྱུར་དུ་ངེས་པར་བཅོམ་ནས་ནི།། ཤཱཀྱ་སེང
iiif viewer powered by OpenSeadragon
