| e-texts navigator |
| Wylie |
319a1 འདོད་པ་ལ་རྟེན་པ་ནི་སྲེད་པའི་བཀལ་ཉལ་ལ་གནས་པའོ།། འདོད་པ་ལ་རྟེན་པ་ནི་རྣམ་པར་རྨོངས་ཤིང་ཤིན་ཏུ་རྨོངས་ལ་ཀུ་ཏུ་རྨོངས་པའོ།། འདོད་པ་ལ་རྟེན་པ།
319a2 ནི་ཉེ་བར་གཟིར་ཅིང་རྣམ་པར་གཟིར་ལ་ཀུན་ཏུ་གཟིར་བའོ།། འདོད་པ་ལ་རྟེན་པ་ནི་ཀུན་དུ་གདུངས་ཤིང་རྣམ་པར་གདུངས་ལ་ཡོངས་སུ་གདུངས་པའོ།། འདོད་པ་ལ་རྟེན་པ་ནི་མི་དགེ་བའི
319a3 རྗེས་སུ་འཇུག་ཅིང་དགེ་བ་ཡོངས་སུ་ཉམས་པར་བྱེད་པའོ། ། འདོད་པ་ལ་རྟེན་པ་ནི་མི་དགེ་བའི་རྩ་བ་སྐྱེད་པའོ།། འདོད་པ་ལ་རྟེན་པ་ནི་དགེ་བའི་སྤྲིན་གྱི་དྲ་བས་ཀུན་ནས་ཁེབས་པའོ།། འདོད་པ
319a4 ལ་རྟེན་པ་ནི་སྲིན་མོ་དང་འདྲིས་པར་བྱེད་པ་དང་། གཟུགས་མི་སྡུག་པ་དང་འདྲིས་པར་བྱེད་པ་དང་། ཤ་ཟ་མོ་དང་འདྲིས་པར་བྱེད་པའོ།། འདོད་པ་ལ་རྟེན་པ་ནི་བ་གླང་དང་། བོང་བུ་དང་།
319a5 ཁྱི་དང་། ཕག་དང་། རྔ་མོ་དང་། གླང་པོ་ཆེ་དང་། རྟ་དང་། ལུག་དང་། ཝ་ལ་རྟེན་པའོ།། འདོད་པ་ལ་རྟེན་པ་ནི་སྐྱེས་བུ་དམ་པ་མ་ཡིན་པ་ལ་རྟེན་པའོ།། འདོད་པ་ལ་རྟེན་པ་ནི་ཚུལ
319a6 ཁྲིམས་དང་། ཐོས་པ་དང་། གཏོང་བ་ཡོངས་སུ་འདོར་བ་ལ་རྟེན་པའོ།། འདོད་པ་ལ་རྟེན་པ་ནི་བརྟུལ་ཞུགས་དང་དཀའ་ཐུབ་འདོར་བའོ།། འདོད་པ་ལ་རྟེན་པ་ནི་ཤིན་དུ་བག་མེད་པའོ།།
319a7 འདོད་པ་ལ་རྟེན་པ་ནི་ཉོན་མོངས་པ་ཤིན་དུ་འཕེལ་བར་བྱེད་པའོ།། འདོད་པ་ལ་རྟེན་པ་ནི་ཤིན་ཏུ་བར་དུ་གཅོད་བྱེད་པའོ།། དེ་ནས་དེའི་ཚེ་གྲོང་ཁྱེར་གྱི་དབུལ་པོ་ངེས་པས་ཚིགས
iiif viewer powered by OpenSeadragon
