| e-texts navigator |
| Wylie |
318b1 ཡིན་གྱི། ལྷ་དང་མིར་ཞུགས་པ་དག་གི་ནི་མ་ཡིན་ནོ།། ཁྱེད་གཉིས་ཀྱི་ལུས་ནི་སྒྱུ་མ་དང་རྨི་ལམ་གྱི་རང་བཞིན་ལྟ་བུར་ཁོ་བོས་མཐོང་ངོ་།། ཁྱེད་གཉིས་ཀྱི་གཟུགས་ནི་ལྦུ་བ་དང
318b2 ཆུ་བུར་དང་། སྡིག་ཆུ་ལྟ་བུར་མཐོང་ངོ་།། ཁྱེད་ཙམ་དན་གྱི་ལྡེ་གུས་བྱུགས་པ་ནི་ལགས་པ་རློན་པ་ཤས་ཡོག་པ་ལྟ་བུར་མཐོང་ངོ་།། ཁྱེད་ཀྱི་རྒྱན་དང་ལྒབ་ལྦུབ་ནི་མིག་སླུ་བའི་སྒྱུ་མ་བྱས
318b3 པ་ལྟ་བུར་མཐོང་ངོ་། ། ཁྱེད་ཀྱི་ལང་ཚོ་ནི་མི་རྟག་པ་དང་འགྱུར་བའི་ཆོས་ཅན་དུ་མཐོང་ངོ་།། བསོད་ནམས་མ་ཡིན་པར་མཐོང་བའི་ཕྱིར་ཁྱེད་གཉིས་ལ་ཁོ་བོ་མ་ཆགས་སོ།། ཁྱེད་གཉིས་ནི
318b4 སྤྲེའུ་དང་བུད་མེད་ཀྱི་སེམས་ལྟ་བུར་གྱུར་པ་རྣམས་ཀྱི་བསྙེན་བཀུར་བྱེད་པ་ཡིན་གྱི། ། སེམས་དྲན་པས་ཀུན་ནས་སྲུང་བ་དག་གི་ནི་མ་ཡིན་ནོ།། ཆེ་ཞེ་དག་འདོད་པ་ལ་རྟེན་པ་ནི་མི་སྡུག
318b5 པའོ། ། འདོད་པ་ལ་རྟེན་པ་དེ་ནི་དྲི་ང་བའོ།། འདོད་པ་ལ་རྟེན་པ་ནི་རུལ་བའོ།། འདོད་པ་ལ་རྟེན་པ་ནི་ཤིན་ཏུ་སྡུག་བསྔལ་བའོ།། འདོད་པ་ལ་རྟེན་པ་ནི་བདེ་བ་ཐམས་ཅད་ཡོངས་སུ་འགྲིབ
318b6 པར་བྱེད་པའོ། ། འདོད་པ་ལ་རྟེན་པ་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་རྟེན་པའོ།། འདོད་པ་ལ་རྟེན་པ་ནི་ངན་འགྲོ་ན་གནས་པའོ།།
318b7 འདོད་པ་ལ་རྟེན་པ་ནི་འཐབ་པ་དང་། རྩོད་པ་དང་། འགྱེད་པ་དག་ལ་རྟེན་པའོ།། འདོད་པ་ལ་རྟེན་པ་ནི་མི་མཐུན་པ་དང་གོར་ན་གནས་པའོ།། འདོད་པ་ལ་རྟེན་པ་ནི་ཕྱིན་ཅི་ལོག་སྐྱེད་པའོ།།
iiif viewer powered by OpenSeadragon
