| e-texts navigator |
| Wylie |
317b1 བདག་ལའང་སླུ་ཞིང་ཕ་རོལ་ཡང་སླུ་ལ། འཕགས་པའང་སླུ་བ་ཡིན་ཏེ། གྲགས་པ་ཉམས་པར་བྱེད་པ་དང་། ཡིད་མི་ཆེས་པ་དང་། ཡིད་དུ་མི་འོང་བར་བྱེད་པ་དང་། བརྙེས་པར་བྱེད་པ་དང་།།
317b2 སེམས་ཡོངས་སུ་གདུང་བར་བྱེད་པ་ཡིན་ནོ།། ཀྱེ་གྲོགས་པོ་བརྫུན་དུ་སྨྲ་བ་ནི་ཁ་མནམ་པར་བྱེད་པ་དང་། ལུས་སྨད་པར་བྱེད་པ་དང་། ལྷའི་ཡིད་དུ་མི་འོང་བར་བྱེད་པ་ཡིན་ནོ།། ཀྱེ་གྲོགས་པོ་བརྫུན
317b3 དུ་སྨྲ་བ་ནི། དགེ་བའི་རྩ་བ་རྣམས་ལ་རྐུ་བ་དང་། དྲན་པ་ཞུགས་པར་བྱེད་པ་དང་། མཐོ་རིས་ཀྱི་ལམ་ལ་སྒྲིབ་པ་ཡིན་ནོ།། ཀྱེ་གྲོགས་པོ་བརྫུན་དུ་སྨྲ་བ་ནི། འཕགས་པ་རྣམས་ཀྱིས་བཙན་པར་མི
317b4 བྱ་བ་དང་། ཡང་དག་པར་སྨྲ་བ་རྣམས་ཀྱི་ནང་དུ་ཚིག་མི་མཛེས་པ་དང་། མཁས་པ་རྣམས་ཀྱིས་སྤད་པ་དང་། སྡིག་པ་ཐམས་ཅད་ཀྱི་རྩ་བ་དང་། བརྟུལ་ཞུགས་ཡོངས་སུ་སྐོང་བའི་རྩ་བ་གཅོད་པ་དང་།
317b5 ངན་འགྲོ་ཐམས་ཅད་ཀྱི་རྩེ་བར་གྱུར་པ་ཡིན་ནོ།། དེ་ནས་དེའི་ཚེ་གྲོང་ཁྱེར་གྱི་དབུལ་པོ་ངེས་པས་ཚིགས་སུ་བཅད་པ་འདི་དག་སྨྲས་སོ།། བརྫུན་དུ་སྨྲ་བའི་ཁ་ནས་ནི།། རུལ་བའི་དྲི་ཡང་མནམ་པར
317b6 འགྱུར། ། དགོན་པ་ཇི་ལྟར་བཅོམ་པ་བཞིན།། སྔོན་གྱི་དཀར་རྣམས་སྤོང་བར་བྱེད།། རྨོངས་པས་བདག་དང་ལྷ་རྣམས་དང་།། འཕགས་རྣམས་ཡིད་ཀྱང་འབྱུང་བར་བྱེད།། མི་ནི་གང་ཞིག
317b7 བརྫུན་ཟེར་བ། ། དེ་ནི་རྟག་ཏུ་དོགས་པར་འགྱུར།། བརྫུན་དུ་སྨྲ་བར་བྱེད་པ་དེ།། སྡིག་པ་ཀུན་གྱི་རྩ་བ་དང་།། དཀའ་ཐུབ་ཅན་གྱི་རྩ་བཅོད་དང་།། ངན་འགྲོར་འགྲོ་བ་ཞེས་ཀྱང་བྱ།། གལ་ཏེ་འཛམ
iiif viewer powered by OpenSeadragon
