| e-texts navigator |
| Wylie |
317a1 ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་བྱམས་པའི་སེམས་དང་ལྡན་ནོ།། ཕྱིན་ཅི་ལོག་བཞིས་སེམས་བསླད་པ་དག་ནི་མ་བྱིན་པར་ལེན་པར་བྱེད་ཀྱི།། མཁས
317a2 པ་དག་ནི་སེམས་ཕྱིན་ཅི་མ་ལོག་པ་ཡིན་ནོ། ། གཞན་ཡང་སེམ་ཅན་དབུལ་པོ་གང་ཡིན་པ་དེ་དག་ཁོ་བོས་ཚིགས་སུ་བཅད་པ་དག་གིས་བཤད་ཀྱིས་ཉོན་ཅིག། བྱེ་བ་ཕྲག་སྟོང་གཏེར་ཡོད་ཀྱང་།།
317a3 གང་དག་ལ་ནི་གཏོང་མེད་པ།། དེ་དག་འཇིག་རྟེན་འདིར་དབུལ་ཞེས།། ཐོས་མང་རྣམས་ཀྱིས་དེ་སྐད་བཤད།། གང་ལ་ཟན་གཅིག་མེད་ཞིན་དུ།། དེ་ནི་གཏོང་ལ་རབ་གནས་ན།། དེ་ནི་འཇིག་རྟེན་ནོར
317a4 ཆེ་ཞེས། ། ཡང་དག་གཟིགས་པ་རྣམས་ཀྱིས་བཤད།། གང་ལ་སྡིག་མེད་འཕགས་པ་ནི།། རྣམ་པ་ཀུན་གྱིས་མཛེས་པ་ཡིན།། བྱིས་པ་སྡིག་པ་བྱེད་པ་ནི།། ཤིན་ཏུ་བརྒྱན་ཀྱང་མཛེས་མ་ཡིན།།
317a5 མཁས་པ་དག་གིས་སྤྱོད་བླ་ཡི།། བྱིས་པས་བསྔགས་པ་དེ་ལྟ་མིན།། བྱིས་པ་སྡིག་པ་བསྔགས་པར་བྱེད།། མཁས་པ་དག་ནི་སྡིག་ལ་སྨོད།། དེ་ནས་ལྷའི་དབང་པོ་བརྒྱ་བྱིན་གྱིས་དུས
317a6 གཞན་ཞིག་ན་མི་གཞན་ཞིག་སྤྲུལ་ཏོ། ། དེ་ནས་མི་དེས་གསེར་མང་པོ་ཁྱེར་ཏེ། ངེས་པ་ལ་འདི་སྐད་ཅེས་སྨྲས་སོ།། ཀྱེ་ངེས་པ་གསེར་ཁྱེར་ལ་ཁོ་བོ་མི་གཞན་ཞིག་དང་རྩོད་པ་དེ་ལ་ཁྱོད་གཅིག་པུས་ཆེ་བཞི
317a7 བྱ་བར་ཁོ་བོས་བྱས་ཀྱིས། དེར་ཁོ་བོའི་ཚེ་བཞི་གྱིས་ཤིག། ངེས་པས་སྨྲས་པ། གྲོགས་པོ་ཐོང་། ཁྱོད་དེ་སྐད་མ་ཟེར་ཅིག། ཁོ་བོ་ནི་བརྫུན་ཟེར་དུ་མི་འདོད་དོ།། ཀྱེ་གྲོགས་པོ་བརྫུན་དུ་སྨྲ་ནི
iiif viewer powered by OpenSeadragon
