| e-texts navigator |
| Wylie |
316a1 ཕྱོགས་ཀྱི་ནི་བདེ་འགྲོའོ། ། མི་དགེ་བའི་ཕྱོགས་ཀྱི་ནི་ངན་འགྲོའོ།། དེ་བས་ན་ཁོ་བོ་ནི་སེམས་ཅན་ཕ་རོལ་ཚིག་པ་ཟ་བར་བྱེད་པའང་མི་འདོན་ན། གཙེ་བ་ལྟ་ཅི་སྨོས། དེ་ནས
316a2 དེའི་ཚེ་ཚོགས་སུ་བཅད་པ་འདི་དག་སྨྲས་སོ། ། ས་བོན་ཚ་བ་རྣམས་ཀྱི་ནི།། འབྲས་བུ་ཚ་བ་སྐྱེ་བར་འགྱུར།། ས་བོན་མངར་བ་རྣམས་ཀྱི་ནི།། འབྲས་བུ་མངར་བ་སྐྱེ་བར་འགྱུར།། དཔེ་ཟླར་བྱས
316a3 པ་འདི་ཡིས་ནི། ། སྡིག་པའི་རྣམ་སྨིན་ཚ་བ་དང་།། དཀར་པོའི་འབྲས་བུ་མངར་བ་ཡང་།། མཁས་པའི་མིས་ནི་ཤེས་པར་འགྱུར།། རྟག་ཏུ་ལུས་དང་ངག་ཡིད་ཀྱིས།། སྡིག་པ་རྣམ་གསུམ
316a4 མི་བྱ་ཞིང་། ། གཞན་དག་བྱེད་ཀྱང་མཁས་པ་ཡིས།། རྗེས་སུ་དགའ་བར་མི་བྱའོ།། ལུས་དང་ངག་དང་ཡིད་རྣམས་ཀྱི།། དཀར་པོ་རྣམ་གསུམ་རྟག་ཏུ་བྱ།། གང་དག་དགེ་བ་སྤྱོད་བྱེད་པ།།
316a5 གཞན་དག་ལ་ཡང་ཡི་རང་བྱ།། དེ་ནས་ལྷའི་དབང་པོ་བརྒྱ་བྱིན་གྱིས་དུས་གཞན་ཞིག་ན། ངེས་པ་ལ་དབྱིག་དང་གསེར་མང་པོ་བསྟན་ནས་འདི་སྐད་ཅེས་སྨྲས་སོ།། ངེས་པའོ།།
316a6 ནི་ལས་ཁྱེར་ལ་བྱིན་པ་བྱིན་ཅིག། བསོད་ནམས་དག་གྱིས་ཤིག། གོས་དང་རྒྱན་དག་ཀྱང་ཐོགས་ཤིག། ཁྱོད་ངན་ཅིང་དབུལ་བས་ཅི་ཞིག་བྱ།། དེས་པས་སྨྲས་པ། གྲོགས་པོ་སྔོན་སེམས་ཅན
316a7 རྣམས་ལ་ལུས་ཀྱིས་ཉེས་པར་སྤྱད་པ་དང་། ངག་དང་ཡིད་ཀྱིས་ཉེས་པར་སྤྱད་པས་འདིར་དབུལ་པོ་ཞེས་བྱ་བར་གྱུར་ཏོ།། དེ་བས་ན་ཁོ་བོ་ནི་མ་བྱིན་པར་ལེན་པ་བྱེད་པར་མི་འདོད་དོ།། བརྒྱ་བྱིན་གྱིས།།
iiif viewer powered by OpenSeadragon
