| e-texts navigator |
| Wylie |
315b1 ངན་ཀྱང་རུང་བགོ་བཤའ་བྱས་ནས་ཟ་བ། དུས་གསུམ་དུ་དེ་བཞིན་གཤེགས་པ་ལ་ལྟ་བ། ཆོས་ཉན་པར་འདོད་པ། གཏམ་སྣ་ཚོགས་བྱུང་བ་ལ་སྤོབས་པ་དང་ལྡན་པ། སེམས་ཅན
315b2 ཐམས་ཅད་ཀྱིས་མཐོང་ན་དགའ་བ་དེ་མཐོང་ངོ་། ། མཐོང་ནས་འདི་སྙམ་དུ་སེམས་ཏེ། ཅི་གྲོང་ཁྱེར་གྱི་དབུལ་པོ་འདི་ཡི་དམ་ལ་བརྟན་ནམ། མི་བརྟན་པ་བདག་གིས་བརྟག་གོ་སྙམ
315b3 མོ། དེ་ནས་ལྷའི་དབང་པོ་བརྒྱ་བྱིན་གྱིས་མི་མང་པོ་མངོན་པར་སྤྲུལ་ནས། གྲོང་ཁྱེར་གྱི་དབུལ་པོ་ངེས་པ་ལ་ཚིག་ངན་པ་དག་གི་གཤེ་ཞིང་སྤྱོ་བར་བྱེད་དེ། བོང་བ་དང་། དྲབྱུག
315b4 པ་དང་། མཚོན་ཆ་དག་ཀྱང་བསྟན་ན། དེས་པ་དེ་བཟོད་པའི་སྟོབས་ཀྱིས་དང་དུ་ལེན་པར་བྱེད་དེ། མི་འཁྲུག་ཅིང་གནོད་སེམས་མི་སྐྱེད་དོ།། དེ་ནས་ལྷའི་དབང་པོ་བརྒྱ་བྱིན་གྱིས་མི་གཞན་དག་ཅིག།
315b5 ཏུ་སྤྲུལ་ནས་ངེས་པ་དེའི་མདུན་དུ་བཞག་སྟེ། ངེས་པ་དེ་ལ་དགའ་བའི་ཚིག་གིས་ཁོ་བོ་ཅག་ནི་ཁྱོད་ཀྱི་དོན་བྱེད་པར་འདོད་པ་ཡིན་གྱིས། ཇི་སྟེ་ཁྱོད་འདོད་པ་ལྟ་ན། ཁྱོད་ལ་སྡིག་པའི་དགྲ་གང་ཡིན་པ
315b6 དག་ཁོ་བོ་ཅག་གིས་ཚར་གཅད་པར་བྱའོ་ཞེས་སྨྲས་སོ། ། དེས་པས་སྨྲས་པ། གྲོགས་པོ་དག་ཐོང་། དེ་སྐད་མ་ཟེར་ཅིག། གལ་ཏེ་མི་འདི་དག་གིས་ཁོ་བོའི་ལུས་དུམ་བུ་བརྒྱར་དུམ་བུ་དུམ་བུར་གདུབས
315b7 སུ་ཟིན་ཀྱང་། ཁོ་བོ་ནི་མི་འདི་དག་ལ་སྡིག་པའི་སེམས་མི་སྤྱད་དེ། གྲོགས་པོ་དག་འཇིག་རྟེན་དག་ནི་དགེ་བ་དང་། མི་དགེ་བའི་ཕྱོགས་གཉིས་ལ་གནས་ལ། དེའི་འགྲོ་བ་ནི་གཉིས་ཁོ་ན་སྟེ། དགེ་བ
iiif viewer powered by OpenSeadragon
