| e-texts navigator |
| Wylie |
313a1 དོག་རྐུན་པོས་མཆོད་བྱེད་ཤོག། ལྷུན་མཉམ་པའི་གསེར་དང་དས་དག་དང་།། གོས་དང་རིན་པོ་ཆེ་ཡི་ཕུང་པོ་དང་།། གཞལ་མེད་འང་བཅུས་བཞོན་དང་མལ་ཆད་ལ
313a2 བཟའ་བ་མཐའ་ཡས་དག་ནི་སྦྱིན་པར་ཤོག། འགྲོ་བའི་བསམ་པ་ལམ་གྱི་རྫོགས་བྱེད་ཅིང་།། སྐྱབས་དང་ལུས་དང་ཕ་འདྲར་གྱུར་པར་ཤོག། བཟོད་ལ་དགའ་ཞིང་ཚུལ་ཁྲིམས་གཙང་བ་དང་།།
313a3 འགྲོ་ལ་ཆོས་ནི་རབ་ཏུ་སྔོན་གྱུར་ཅིག། བྱང་ཆུབ་ཐེག་པ་མཆོག་ནི་རྙེད་པ་དང་།། དཀོན་མཆོག་གསུམ་ཕྱིར་གོ་ཆ་སྲ་བ་བགོ། ཕ་རོལ་ཕྱིན་པ་ཡོངས་སུ་རྫོགས་བྱེད་ཅིང་།། སངས་རྒྱས་ཆོས་རྣམས
313a4 ཡོངས་སུ་རྫོགས་བྱེད་ཤོག། སྡིག་པ་ཀུན་དང་བྲལ་ཞིང་ལུས་ངག་དང་།། ཡིད་ཀྱི་ལས་མཐའ་དགེ་བ་མཆོག་གྱུར་ཅིག། བྱང་ཆུབ་ལས་ནི་མི་ལྡོག་བདག་འགྱུར་ཞིང་།། བྱང་ཆུབ་དགའ་དང
313a5 ཆུབ་སེམས་དཔར་གྱུར། ། སྲིད་དང་སྲིད་པར་བྱང་ཆུབ་སེམས་དཔའ་དང་།། སངས་རྒྱས་རྣམས་ཀྱི་དགེ་བ་ཀུན་ལ་སློབ།། བདག་གི་ཆོས་རྣམས་དེ་དག་ཀུན་ལ་ཡང་།། འཇིག་རྟེན་ཐམས
313a6 ཅད་རབ་ཏུ་དགོད་པར་བགྱི། ། དེ་དེ་ལྟར་བདག་དང་གཞན་དག་གིས་དགེ་བའི་རྩ་བ་བསགས་པ་རབ་ཏུ་ཤེས་སོ།། དེ་ཤེས་རབ་དེ་དང་ཡེ་ཤེས་དེ་མངོན་སུམ་དུ་བྱ་བར་འདོད་པ་དང་། ཡིད
313a7 ལ་བྱ་བར་འདོད་པ་ནའང་སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་སྒྲོལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན་པ་ཉིད་ཐོབ་པར་བྱ་བ་དང་།
iiif viewer powered by OpenSeadragon
