| e-texts navigator |
| Wylie |
312a1 རྣམས་ཀུན་གྱི་བདེ་གཤེགས་ལ། ། མགོ་བོས་གསོལ་བ་མཐའ་ཡས་རབ་ཏུ་འདེབས།། སྔོན་དང་འདི་དང་སྐད་ཅིག་ཙམ་ཡང་རུང་།། བདག་གིས་སྡིག་པ་གང་དང་ཀང
312a2 བགྱིས་པ། ། སྡིག་པ་དེ་དག་ཐམས་ཅད་སྨད་པར་བགྱི།། སྡིག་པ་ཐམས་ཅད་བདག་གིས་སྤང་བར་བགྱི།། སྐད་ཅིག་ཙམ་ཡང་བདག་གིས་དགེ་བ་འདི།། མ་ལུས་པར་ནི་ཡང་དག་གཟུང་བར་བགྱི།
312a3 ཚེ་ཡིས་ཇི་ཙམ་ཐུབ་ཀྱི་བར་དུ་ནི།། དགེ་བ་ཀུན་ལ་གནས་པར་འགྱུར་བར་འཚལ།། སངས་རྒྱས་དག་དང་བྱང་ཆུབ་སེམས་དཔའ་རྣམས།། བྱང་ཆུབ་ཆོས་ཀྱི་འཁོར་ལོ་རབ་བསྐོར་བ།། འཇིག
312a4 རྟེན་འདིར་ནི་བྱུང་དང་བྱུང་གྱུར་དང་། ། འབྱུང་འགྱུར་རྣམས་ཀྱི་དགེ་བ་ཐམས་ཅད་དང་།། རྒྱལ་བ་རྣམས་དང་འཕགས་པ་ཐམས་ཅད་ཀྱི།། ཚུལ་ཁྲིམས་དང་ནི་ཡེ་ཤེས་ཏིང་འཛིན་དང་།། རྣམ་གྲོལ་ཚེ
312a5 དང་ཆོས་རྣམས་གང་ཡིན་པ། ། དེ་དག་འཇིག་རྟེན་རྣམས་ལ་ཕན་གྱུར་ཅིག། འགྲོ་བ་ལྔ་ཡི་སེམས་ཅན་ཐམས་ཅད་དག། བྱུང་དང་བྱུང་གྱུར་འབྱུང་བར་འགྱུར་རྣམས་ཀྱི།། དགེ་བ་དག་ལ་བདག་ནི་ཕྱི
312a6 ཕྱིར་ཞིང་། ། མགོ་བོས་མཐའ་ཡས་རྗེས་སུ་ཡི་རང་ངོ་།། ཡོན་ཏན་ཡང་དག་དགེ་བ་མཐའ་ཡས་པ།། དེ་དག་ཐམས་ཅད་འགྲོ་བ་མ་ལུས་པས།། སེམས་ཅན་རེ་རེ་དང་ནི་བདག་ཉིད་ལའང་།།
312a7 ཡོད་པར་བདག་ནི་སྨོན་ལམ་མཐའ་ཡས་འདེབས།། བདག་གི་དགེ་བ་དག་ནི་འདས་པ་དང་།། མ་འོངས་པ་དང་ད་ལྟར་ཐམས་ཅད་ཀྱིས།། འཇིག་རྟེན་དག་གི་ཁམས་ནི་ཐམས་ཅད་དུ།།
iiif viewer powered by OpenSeadragon
