| e-texts navigator |
| Wylie |
309b1 ཙམ་ཡང་སྲིད་པ་ལ་མོས་པར་མི་བྱེད། སྲེད་པར་མི་བྱེད་ཀྱི། འདོར་ཏེ་སྐད་ཅིག་དེ་ལ་དེ་མ་ཐག་ཏུ་མྱ་ངན་ལས་འདས་པ་ཐོབ་པའི་ཕན་ཡོན་མཐོང་ནས། མགོ་དང་གོས་ལ་མེ་འབར་བ་བཞིན
309b2 དུ་འཕགས་པའི་བདེན་པ་བཞི་པོ་དག་ཁོང་དུ་ཆུད་པ་དང་། རྟོགས་པར་བྱ་བའི་ཕྱིར་འདུན་པ་དང་། རྩོལ་བའི་ཤས་ཆེ་བ་དེ་ནི་ཉན་ཐོས་ཀྱི་ཐེག་པ་ཞེས་བྱའོ།། མོས་པ་འབྲིང་དང་། དབང་པོ
309b3 འབྲིང་དང་། དབེན་པར་དགའ་བ་དང་། རང་གི་དོན་དུ་ལྷུར་ལེན་པ་དང་། བསམ་གཏན་དང་། སྙོམས་པར་འཇུག་པ་ལ་གནས་པར་བརྩོན་པ་དང་། རྟེན་ཅིང་འབྲེལ་པར་འབྱུང་བ་ལ་རབ་ཏུ
309b4 རྣམ་པར་འབྱེད་པ་ལ་མཁས་པ་དང་། རང་བྱང་ཆུབ་ཏུ་སྨོན་པ་དང་། རང་བྱང་ཆུབ་ཏུ་སྨོན་ལམ་འདེབས་པ་དེ་ནི་རང་སངས་རྒྱས་ཀྱི་ཐེག་པ་ཞེས་བྱའོ།། མོས་པ་ཁྱད་པར་དུ་འཕགས་པ།
309b5 དབང་པོ་ཁྱད་པར་དུ་འཕགས་པ། སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་སྒྲོལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན
309b6 པ་ཉིད་ཐོབ་པར་བྱ་བའི་ཕྱིར། སངས་རྒྱས་ཀྱི་ཆོས་ཐམས་ཅད་ཡོངས་སུ་བསྐང་བར་འདོད་པ་དང་། ཕ་རོལ་ཏུ་ཕྱིན་པ་དྲུག་ཡོངས་སུ་བསྐང་བར་འདོད་པ་དང་། འཇིག་རྟེན་གྱི་དོན་དུ་འཁོར་བའི
309b7 སྡུག་བསྔལ་ལ་མི་ལྟ་བ་དང་། འཁོར་བའི་བདེ་བ་ལའང་སྨོད་པ་མང་བ་ཡིན་ན། འཁོར་བའི་སྡུག་བསྔལ་ལ་སྨོད་པ་མང་བ་ལྟ་སྨོས་ཀྱང་ཅི་དགོས་ཏེ། ཚུལ་ཁྲིམས་དང་སྤྱོད་པ་ཁྱད་པར་དུ
iiif viewer powered by OpenSeadragon
