| e-texts navigator |
| Wylie |
303b1 སྡུག་བསྔལ་འཕགས་པའི་བདེན་པ་དང་། སྡུག་བསྔལ་ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་འཕགས་པའི
303b2 བདེན་པ་བཞི་པོ་དེ་དག་གོ། ། ཕུང་པོ་ལྔ་རྣམས་དང་། ཁམས་དྲུག་པོ་དག་དང་། ནང་གི་སྐྱེ་མཆེད་དྲུག་པོ་དང་། ཕྱིའི་སྐྱེ་མཆེད་དྲུག་པོ་དག་གང་ཡིན་པ་དེ་ནི་སྡུག་བསྔལ་ཞེས
303b3 བྱ་བ་སྟེ། སྡུག་བསྔལ་དེ་ནི་མི་རྟག་པ་དང་། སྡུག་བསྔལ་བ་དང་། ནད་དང་། འབྲས་དང་། ཟུག་རྔུ་དང་། སྡིག་པ་དང་། བདག་མེད་པ་དང་། རབ་ཏུ་འཇིག་པའི་ཆོས་ཉིད་དུ་བལྟའོ།།
303b4 འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ངའོ་སྙམ་དུ་མངོན་པར་ཞེན་པ་དང་། བདག་གི་བདག་ནི་འདི་ཡིན་ནོ་སྙམ་དུ་བདག་ཏུ་མངོན་པར་ཞེན་པ་དང་། འབྱུང
303b5 པར་འགྱུར་རོ་སྙམ་པ་དང་། འབྱུང་བར་མི་འགྱུར་རོ་སྙམ་པ་དང་། གཟུགས་ཅན་དུ་འགྱུར་རོ་སྙམ་པ་དང་། གཟུགས་ཅན་མ་ཡིན་པར་འགྱུར་རོ་སྙམ་པ་དང་། འདུ་ཤེས་ཅན་དུ་འགྱུར་རོ།།
303b6 སྙམ་པ་དང་། འདུ་ཤེས་ཅན་མ་ཡིན་པར་འགྱུར་རོ་སྙམ་པ་དང་། འདུ་ཤེས་ཅན་མ་ཡིན་ལ། འདུ་ཤེས་ཅན་མ་ཡིན་པའང་འདུ་ཤེས་ཅན་མ་ཡིན་པར་འགྱུར་རོ་སྙམ་པ་དང་། ཕུང་པོ
303b7 རྣམས་བདག་གོ་སྙམ་པ་དང་། ཕུང་པོ་རྣམས་ལས་བདག་གཞན་ནོ་སྙམ་པ་དང་། ཕུང་པོ་རྣམས་ལ་བདག་གི་སྙམ་པ་དང་། བདག་ལ་ཕུང་པོ་རྣམས་སྙམ་པ་དང་། ཁམས་རྣམས་དང་།
iiif viewer powered by OpenSeadragon
