| e-texts navigator |
| Wylie |
300b1 ལུང་དུ་མ་བསྟན་པའི་ཁམས་ཏེ། གསུམ་པོ་དེ་དག་གོ།། དགེ་བའི་ཁམས་ནི་གང་། མི་དགེ་བའི་ཁམས་ནི་གང་། ལུང་དུ་མ་བསྟན་པའི་ཁམས་ནི་གང་ཞེ་ན། གང་ཅིའང་རུང་སྟེ། ཆགས
300b2 པ་མེད་པ་དང་། ཆགས་པ་མེད་པ་དང་ལྡན་པ་དང་། གང་ཅིའང་རུང་སྟེ། ཞེ་སྡང་མེད་པ་དང་། ཞེ་སྡང་མེད་པ་དང་ལྡན་པ་དང་། གང་ཅི་རང་རུང་སྟེ། གཏི་མུག་མེད་པ་དང་། གཏི་མུག་མེད་པ
300b3 ལྡན་པ་དེ་ནི་དགེ་བའི་ཁམས་ཤེས་བྱའོ། ། གང་ཅིའང་རུང་སྟེ། ཆགས་པ་དང་། ཆགས་པ་དང་ལྡན་པ་དང་། གང་ཅིའང་རུང་སྟེ། ཞེ་སྡང་བ་དང་། ཞེ་སྡང་བ་དང་ལྡན་པ་དང་། གང་ཅིའང
300b4 རུང་སྟེ། གཏི་མུག་དང་། གཏི་མུག་དང་ལྡན་པ་དེ་ནི་མི་དགེ་བའི་ཁམས་ཤེས་བྱའོ།། དེ་གཉིས་ལ་མ་གཏོགས་པ་ནི་ལུང་དུ་མ་བསྟན་པ་ཉིད་དེ། དེ་ལྟར་ཁམས་གསུམ་རབ་ཏུ་ཤེས་སོ།།
300b5 གཞན་ཡང་ཁམས་གསུམ་རབ་ཏུ་ཤེས་ཏེ། གསུམ་གང་ཞེ་ན། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་སོ།། འདོད
300b6 པའི་ཁམས་གང་ཞེ་ན། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་དགས་དང་། ལྷ་མ་ཡིན་དང་། མི་དང་། རྒྱལ་ཆེན་བཞིའི་ལྷ་རྣམས་དང་། སུམ་ཅུ་རྩ་གསུམ་དང
300b7 འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཏེ། གང་དེ་དག་ལ་འདུན་པ་དང་། ཆགས་པ་དང་། ཞེ་སྡང་བ་དང་། གཏི་མུག་པ་དང་།
iiif viewer powered by OpenSeadragon
