| e-texts navigator |
| Wylie |
306a1 རྒྱལ་པོ་ཆོམ་རྐུན་སྒེའུ་བསྡིགས་གསད་ཐུག་དང་། ། སྡུག་བསྔལ་རྣམ་པ་སྣ་ཚོགས་བརྒྱ་ཡིས་ཕོངས་གྱུར་པ།། སེམས་ཅན་ཉམས་ཐག་གྱུར་ཅིང་སྡུག་བསྔལ་དེ་དག་ཀུན།། འཇིགས་མཆོག་མི་བཟད་བརྒྱ་པོ་དེ་ལས་ཐར་གྱུར་ཅིག། གང
306a2 དག་བརྡེགས་ཤིང་བཅིངས་པས་བཅིངས་གཟིང་བ། ། ཕོངས་པ་སྣ་ཚོགས་དག་ན་གནས་གྱུར་ཅིང་།། ཉོན་མོངས་སྟོང་ཕྲག་དུམས་དཀྲུགས་ནས་ཀྱང་།། འཇིགས་པ་མི་བིཟད་མྱ་ངན་སྣ་ཚོགས་རྙེད།། དེ་དག་ཐམས་ཅད་བཅིངས་ལས་གྲོལ་གྱུར་ཅིག། བས
306a3 བདག་ནི་བརྡེགས་ལས་ཐར་པར་ཤོག། གསད་པ་རྣམས་ཀྱང་སྲོག་དང་ལྡན་གྱུར་ཅིག། བོངས་གྱུར་ཐམས་ཅད་འཇིགས་པ་མེད་པར་ཤོག། སེམས་ཅན་གང་དག་བཀྲེས་སྲེད་སྐམ་གྱིས་གཟིར།། དེ་དག་ཟས་སྐོམ་སྣ་ཚོགས་རྙེད་པར་ཤོག། ལོང་བས
306a4 གཟུགས་རྣམས་སྣ་ཚོགས་མཐོང་གྱུར་ཅིག། འོན་པས་ཡིད་འོང་སྒྲ་རྣམས་ཐོས་པར་ཤོག། གཅེར་བུ་རྣམས་ཀྱིས་སྣ་ཚོགས་གོས་རྙེད་གྱུར།། སེམས་ཅན་དབུལ་པོས་གཏེར་རྣམས་རྙེད་པར་ཤོག། ནོར་འབྲུར་ན་ཆེན་སྣ་ཚོགས་མང་པོ་ཡིས།། སེམས་ཅན
306a5 ཐམས་ཅད་བདེ་དང་ལྡན་པར་ཤོག། གང་ཡང་སྡུག་བསྔལ་ཚོར་བས་གནོད་མ་གྱུར།། སེམས་ཅན་ཐམས་ཅད་བལྟ་ན་སྡུག་པ་དང་།། གཟུགས་བཟང་མཛེས་ཤིང་ཚུལ་དུ་ཤིས་པར་ཤོག། རྟག་ཏུ་བདེ་བ་དུ་མ་སྩོགས་གྱུར་ཅིག། ཡིད་ཀྱིས་ཟས་སྐོམ་རབ
306a6 འབྱོར་བསོད་ནམས་དག། བསམས་མ་ཐག་ཏུ་དེ་དག་གྲུབ་གྱུར་ཅིག། རྫ་རྔ་ཅང་ཏེའུ་བི་བད་སྒྲ་སྙན་དང་། ཆུ་མིག་མཆེའུ་རྫིང་བུ་སྟེང་ཀ་དག། གསེར་གྱི་པད་མ་ཨུ་དཔལ་པད་མ་ཅན།། ཟས་སྐོམ་གོས་ནར་མུ་ཏིག་ནོར་བུ་དབྱིག། རྒྱན་གསེར་རིན་ཆེན
306a7 སྣ་ཚོགས་བཻ་དཱུརྱ། ། དེ་དག་བསམས་མ་ཐག་ཏུ་གྲུབ་གྱུར་ཅིག། འཇིག་རྟེན་གད་ནའང་སྡུག་བསྔལ་སྦྲ་མ་བྱུང་།། སེམས་ཅན་གཅིག་ཀྱང་མི་འཕྲོད་མཐོང་མ་གྱུར།། དེ་དག་ཐམས་ཅད་ཁ་དོག་རྒྱ་ཆེར་དང་།། ཕན་ཚུན་དུ་ནི་འོད་བྱེད་འགྱུར་བར་ཤོག། མིའི
306a8 འཇིག་རྟེན་ཕུན་སུམ་ཚོགས་གང་ཡོད། ། དེ་དག་བསམས་པར་སྐྱེ་བར་དེ་དག་གྱུར།། བསམ་པ་ཐམས་ཅད་བསམས་མ་ཐག་ཏུ་ཡང་།། བསོད་ནམས་འབྲས་བུས་ཡོངས་སུ་རྫོགས་པར་ཤོག། སྤོས་དང་ཕྲེང་བ་དག་དང་བྱུག་པ་དང་།། གོས་དང་ཕྱེ་མ
iiif viewer powered by OpenSeadragon
