| e-texts navigator |
| Wylie |
304a1 ཉན་ཐོས་རྣམས་ལ་ཡང་། ། གུས་པ་མ་ལགས་གང་བགྱིས་པ།། དེ་དག་ཐམས་ཅད་བདག་འཆགས་སོ།། གང་ཡང་རང་སངས་རྒྱས་རྣམས་དང་། བྱང་ཆུབ་སེམས་དཔའ་རྣམས་ལ་ཡང་།། གུས་པ་མ་ལགས་བགྱིས་པ་རྣམས།། དེ་དག་ཐམས་ཅད་བདག
304a2 འཆགས་སོ། ། དམ་ཆོས་སྨྲ་བ་རྣམས་ལ་ཡང་།། གུས་པ་མ་ལགས་བགྱིས་པ་དང་།། ཆོས་ལའ་དགུས་པར་མ་བགྱིས་པ།། དེ་དག་ཐམས་ཅད་བདག་འཆགས་སོ།། བདག་གིས་རྟག་ཏུ་མི་ཤེས་པས།། དམ་པའི་ཆོས་ནི་སྤངས་པ་དང་།། པ་མ་རྣམས་ལམ་གུས་གང་།། དེ་དག
304a3 ཐམས་ཅད་བདག་འཆགས་སོ། ། བླུན་པ་དང་ནི་བྱིས་པ་དང་།། འདོད་ཆགས་ཞེ་སྡང་གཏི་མུག་དང་།། ང་རྒྱལ་དྲེགས་པས་བསྒྲིབས་བགྱིས་པ།། དེ་དག་ཐམས་ཅད་བདག་འཆགས་སོ།། བདག་ནི་ཕྱོགས་བཅུའི་འཇིག་རྟེན་དུ།། སྟོབས་བཅུ་རྣམས་ལ་མཆོད་པར་ཤོག།
304a4 བདག་ནི་ཕྱོགས་བཅུར་སེམས་ཅན་རྣམས།། སྡུག་བསྔལ་ཀུན་ལས་འདོན་གྱུར་ཅིག། སེམས་ཅན་བསམ་གྱིས་མི་ཁྱབ་ཀུན།། ས་བཅུ་དག་ལ་འགོད་པར་ཤོག། ས་བཅུ་དག་ལ་གནས་ནས་ཀྱང་།། ཐམས་ཅད་དེ་བཞིན་གཤེགས་གྱུར་ཅིག། ཇི་སྲིད་སྡུག་བསྔལ་རྒྱ
304a5 མཚོ་ལས། ། དེ་ཀུན་ཐར་བགྱིད་ནུས་སྲིད་དུ།། སེམས་ཅན་རེ་རེའི་ཕྱིར་ཡང་ནི།། བསྐལ་པ་བྱེ་བར་སྤྱོད་པར་ཤོག། གསེར་འོད་དམ་པ་ཞེས་བགྱི་བ།། ལས་རྣམས་ཐམས་ཅད་བྱང་བྱེད་པ།། ཟབ་མོ་དག་ནི་སྟོན་པ་འདི། སེམས་ཅན་དེ་དག་སྟོན་གྱུར་ཅིག། གང་གིས
304a6 བསྐལ་པ་སྟོང་རྣམས་སུ། ། སྡིག་པ་ཤིན་དུ་མི་བཟང་བགྱིས།། ལན་ཅིག་རབ་ཏུ་བཤགས་པ་ཡིས།། དེ་དག་ཐམས་ཅད་བྱང་བར་འགྱུར།། གང་གིས་ལས་ཀྱི་སྒྲིབ་པ་རྣམས།། མྱུར་དུ་ཡང་དག་ཟད་འགྱུར་བ།། གསེར་འོད་དམ་པ་དགེ་བ་ཡི།། བཤགས་པ་འདི་དག
304a7 བཤགས་ནས་ནི། ། རིན་ཆེན་འབྱུང་གནས་མཆོག་བཅུ་པོ།། ས་བཅུ་ལ་ནི་གནས་པར་ཤོག། སངས་རྒྱས་ཡོན་ཏན་སྣང་གྱུར་ཅིག། སྲིད་པའི་ཚེ་ལས་སྒྲོལ་བར་ཤོག། སངས་རྒྱས་རྒྱ་མཚོ་ཆུ་བོ་དང་།། ཡོན་ཏན་རྒྱ་མཚོ་ཟབ་མོད།། སངས་རྒྱས་ཡོན་ཏན་བསམ
304a8 ཡས་ཀྱིས། ། ཐམས་ཅད་མཁྱེན་དུ་རྫོགས་པར་ཤོག། ཏིང་འཛིན་བརྒྱ་ཕྲག་སྟོང་རྣམས་དང་།། གཟུངས་རྣམས་བསམ་གྱིས་མི་ཁྱབ་དང་།། དབང་སྟོབས་བྱང་ཆུབ་ཡན་ལག་གིས།། སྟོབས་བཅུ་དམ་པར་འགྱུར་བར་ཤོག། དགོངས་པའི་ཐུགས་ཀྱིས་སངས་རྒྱས
iiif viewer powered by OpenSeadragon
