| e-texts navigator |
| Wylie |
83b1 ཡོད་སྙམ་ནས་འཇིག་རྟེན་ཕ་རོལ་ཡོད་དམ་ཞེས་དྲི་བ་དྲིས་ན་བདག་གིས་དེ་ལ་འཇིག་རྟེན་ཕ་རོལ་ཡོད་དོ་ཞེས་ལུང་བསྟན་པར་བྱའོ། ། འཇིག་རྟེན་ཕ་རོལ་མེད་པ་མ་ཡིན་ནམ། ཡོད་པ་ཡང་ཡིན་མེད་པ་ཡང་ཡིན་ནམ་ཡོད་པ་ཡང་མ་ཡིན
83b2 མེད་པ་ཡང་མ་ཡིན་ནམ། དེ་འཇིག་རྟེན་འདི་ལྟ་བུ་འམ་འོན་ཏེ་མ་ཡིན། རྣམ་པ་གཞན་ཞིག་གམ་འོན་ཏེ་མ་ཡིན། མ་ཡིན་ནམ་འོན་ཏེ་མ་ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན། དེ་འཇིག་རྟེན་ཕ་རོལ་མ་ཡིན་ནམ་འོན་ཏེ་མ་ཡིན
83b3 འདི་ལྟ་བུ་མ་ཡིན་ནམ་འོན་ཏེ་མ་ཡིན་ཞེས་དྲི་བ་འདྲི་ན། བདག་གིས་འཇིག་རྟེན་ཕ་རོལ་ཞེས་བྱ་བ་མ་ཡིན་ནམ་འོན་ཏེ་མ་ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན་ཞེས་ལུང་བསྟན་པར་བྱའོ།། དགེ་སྦྱོང་དང་བྲམ་ཟེ་དེ་གཏི་མུག་གི
83b4 འཇིགས་པ་དང་། གཏི་མུག་གིས་འཇིགས་སྐྲག་པ་དང་། དེས་གཏི་མུག་ཉིད་ཡོངས་སུ་སྨད་པས་གཞི་དེ་དང་གླིང་དེ་དང་མགོན་དེ་དང་སྐྱབས་དེ་དང་གཞོལ་བ་དེ་ལ་གནས་སོ།། ལྷ་མི་སྤོང་བ་དྲི་བ་དྲིས་པ་དང་ཚིག་རླུང་བསྐུར་བ་འདི་ནི
83b5 གཞི་བཞི་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ།། དགེ་སྦྱོང་དང་བྲམ་ཟེ་སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྷ་མི་སྤོང་བ་དྲི་བ་དྲིས་པ་དང་ཚིག་རླུང་བསྐུར་བ་དེ་ཐམས་ཅད་ནི་གཞི་བཞི་པོ་འདི་ལྟ
83b6 སྟེ། དེ་ལས་མི་ལྷག་མི་མངལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་འདི
83b7 ལྟར་མཆོག་ཏུ་འཛིན་པ་དག་ནི་སྔ་མ་བཞིན་ནོ། ། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། སྔོན་གྱི་མཐའ་དང་ལྡན་པ་ལྟ་བར་སོང་བདག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་ལྟ་བར་སོང
83b8 བ་བཅཝ་བརྒྱད་པོ་འདི་དག་སྟེ། དེ་ལས་མི་ལྷག་མི་མང་ཞེས་བྱ་བ་ནས་ལྷག་པར་མཁྱེན་ཏོ་ཞེས་བྱ་བའི་བར་དུ་སྔ་མ་བཞིན་ནོ།། དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ།། དགེ་སློང་དག
iiif viewer powered by OpenSeadragon
