| e-texts navigator |
| Wylie |
77b1 ནམ་མཁའ་ལ་འགྲོ་ཞིང་དགའ་བའི་ཟས་དང་ལྡན་པ་དགའ་བའི་ཟས་ཟ་བ་དག་ཚེ་རིང་བས་ཡུན་རིང་པོར་འཁོད་དོ། ། དགེ་སློང་དག་གང་འཇིག་རྟེན་འདི་ཆགས་པའི་དུས་ལ་བབ་སྟེ། འཇིག་རྟེན་ཆགས་པ་ན་ནམ་མཁའ
77b2 སྟོང་པ་ལ་ཚངས་པའི་གཞལ་མེད་ཁང་དག་མངོན་པར་འགྲུབ་ལ། ཡང་འོད་གསལ་གྱི་ལྷའི་རིས་ཀྱི་སེམས་ཅན་འགའ་ཚེ་ཟད་ཅིང་ལས་ཟད་ལ། བསོད་ནམས་ཟད་པ་ཞིག་ཤི་འཕོས་ནས་ཚངས་པའི་གཞལ་མེད་ཁང
77b3 སྟོང་པར་སྐྱེ་སྟེ་དེ་དེ་ན་གཅིག་བྲ་ནཱ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པར་གནས་སོ། ། དེ་ནས་སེམས་ཅན་དེ་ཡུན་རིང་པོ་ལས་འདས་པ་དང་། སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ་བདག་དང་སྐལ
77b4 མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་སེམས་ཅན་དེའི་སེམས་ཀྱིས་སྨོན་པ་དང་། འོད་གསལ་གྱི་ལྷའི་རིས་ཀྱི་སེམས་ཅན་གཞན་ཚེ་ཟད་ཅིང་ལས་ཟད་པ་ལ་བསོད་ནམས་ཟད་པ་ཞིག་ཤི
77b5 འཕྲོས་ནས་ཚངས་པའི་གཞལ་མེད་ཁང་དུ་སེམས་ཅན་དེ་དང་བསྐལ་པ་མཉམ་པར་སྐྱེས་སོ། ། དེ་ནས་སེམས་ཅན་དེ་འདི་སྙམ་དུ་བདག་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་ཏེ། བདག
77b6 ཡུང་རིང་པོར་གནས་པ་ལས་འདས་པས་སྲེད་པ་སྐྱེས་ཤིང་མི་དགའ་བར་གྱུར་སྟེ། ཀྱེ་མ་བདག་དང་སྐལ་པ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་བདག་གི་སེམས་ཀྱིས་དེ་ལྟར་སྨོན་པ་དང་། སེམས་ཅན
77b7 འདི་དག་འདིར་བདག་དང་སྐལ་པ་མཉམ་པར་སྐྱེས་པ་ལས་ན་སེམས་ཅན་དེ་དག་ནི་བདག་གིས་སྤྲུལ་ཏོ། ། བདག་སེམས་ཅན་འདི་དག་དང་དངོས་པོ་རྣམས་ཀྱི་བར་གྱུར་པ་སྟེ་དབང་ཕྱུག་གོ།། བྱེད་པ་པོའོ།། འབྱིན་པ་པོའོ།།
77b8 འབྱིན་བྱེད་དོ་སྙམ་མོ་སེམས་ཅན་དེ་དག་ཀྱང་འདི་སྙམ་དུ་སེམས་ཏེ། སེམས་ཅན་འདི་དག་ནི་བདག་ཅག་གིས་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་པར་མཐོང་ངོ་།། དེ་ཡུན་རིང་པོར་གནས་པ
iiif viewer powered by OpenSeadragon
