| e-texts navigator |
| Wylie |
71a1 ཁྱོད་ང་ལ་མི་དགའ་འམ་འོན་ཏེ་བྲམ་ཟེ་ལས་འཇིགས་ཅེས་དྲིས་ན། བྱིས་པ་ན་རེ་བདག་ཅག་ནི་རྒྱལ་པོ་ཆེན་པོ་ལ་མི་དཀའ་བ་འམ་བྲམ་ཟེ་ལ་སྐྲག་པ་ཡང་མ་ལགས་ན་ཐོག་མ་རྒྱལ་པོ་ཆེན་པོའི་ཚ་བོ་ལས་ད།
71a2 ལྷ་མིའི་བྲན་ཁོལ་དུ་གྱུར་པས་ག་ལ་ན་ཡང་མིའི་བྲན་ཁོལ་རྒྱལ་པོའི་བད་དུ་འདུག་པའི་ཆོས་མེད་པས་མི་སྤོབས་སོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས་ལྷག་པར་མྱ་ངན་གྱིས་གདུངས་པར་གྱུར་ཏེ་མི་དགའ་བར་གྱུར
71a3 ནས་བུས་གསོལ་པ་བཞིན་དུ་བྲམ་ཟེ་ལ་རིན་བྱིན་ཅིག་ཅེས་བསྒོ། ནས་བུ་གཉིས་གདོད་རྒྱལ་པོའི་བར་དུ་བླངས་སོ།། བུ་གཉིས་རྒྱལ་པོས་བླངས་ནས་ཕྱག་གིས་བུ་གཉིས་ཀྱི་མགོ་ནས་བླུགས་ཏེ་འདི་སྐད་ཅེས་སྨྲས་སོ།། བྱེད་རིལ
71a4 གནས་པ་ན་ཟས་སུ་ནི་ཙི་ཟ་གོས་སུ་ནི་ཙི་གྱོན་ཞེས་དྲིས་ན། བུ་གཉིས་ནར་ཟས་སུ་ནི་ཤིང་གི་འབྲས་བུ་ཤིང་ཐོག་ཟ། གོས་སུ་ནི་ལྤགས་པ་དང་སྣམ་བུ་གྱོན་ཏེ། བྱམ་པོ་དང་རྩེ་དགའ་བས་མྱ་ངན་གྱི་སེམས་མེད་དེ་ཞེས་གསོལ་ཏོ།
71a5 དེ་ནས་རྒྱལ་པོས་བྲམ་ཟེ་དེ་ལ་ཕྱི་རོལ་ཏུ་སོང་ཤིག་ཅེས་བསྒོ་བ་དང་། བུ་གཉིས་ཀྱིས་རྒྱལ་པོ་ལ་འདི་སྐད་ཅེས་གསོལ་ཏོ།། བྲམ་ཟེ་འདི་རབ་ཏུ་བཀྲེས་སྐོམ་གྱིས་ཉེན་ན། དེ་ལ་ཁ་ཟས་ཀྱིས་ཚིམ་པར་མཛད་དུ་གསོལ། རྒྱལ་པོས་སྨྲས་པ།
71a6 ཁྱོད་ལ་མི་དགའ་བ་འམ་མཁོན་དུ་འཛིན་པ་མེད་པར་ཕྱིར་ཁ་ཟས་སྦྱིན་པར་སེམས། བུས་སྨྲས་པ། བདག་གི་ཕ་བྱང་ཆུབ་ཀྱི་ལམ་ལ་དགའ་བས་ནོར་རྫས་ཀྱིས་སྦྱིན་དུ་མེད་དེ་བདག་གི་ལུས་ཀྱིས་སློང་བ་ལ་བྱིན་པ་ཡང་བདག་ཅག་ལ
71a7 དབང་བའི་བདག་པོ་ལགས་ཏེ། འདིས་བདག་ཅག་ལ་བཀོལ་བའི་ལས་ཙམ་བྱེད་དུ་མ་བཅུག་པ་ཡང་ཐོག་མ་བས་བསནཱ་པ་ལྟར་མ་གྱུར་ཏེ། དེ་སྙིང་རྗེའི་སེམས་ཙམ་ཡང་མ་མཆིས་ཏེ་ལྟོགས་ཤིང་སྐོམ་པ་བཞིན་དུ་འདུག་པ་འདི
71a8 མིག་གིས་ཀྱང་སུ་ཞིག་གིས་བཟོད། བདག་གི་ཕས་ནི་བུ་ཡང་མི་ཕངས་པར་ཕ་རོལ་པོ་ལ་སྦྱིན་པ་བྱེད་ན་རྒྱལ་པོ་ཆེན་པོས་ནི་མི་གཅིག་གི་ཁ་ཟས་ཙམ་ལ་སེར་སྣ་མཛད་དམ་ཞེས་གསོལ་པ་དང་། རྒྱལ་པོས་ཀྱང་བམ་ཟེ་དེ་ལ་ཁ་ཟས
iiif viewer powered by OpenSeadragon
