| e-texts navigator |
| Wylie |
69b1 མིར་སྐྱེས་པའི་ཆུང་མའི་ནང་ན་ཆུང་མ་འདི་ནི་ཤིན་དུ་ཡང་བཟང་ཤིང་མཛེས་ཏེ་རྒྱལ་པོའི་བུ་མོ་ཡིན་ན། རྒྱལ་པོ་དེ་ལ་བུ་མོ་འདི་ཅིག་པུ་ལས་མེད་དེ། ཆུང་མ་འདི་ནི་བདག་ལ་ཆུ་གང་ཆེ་བས་ཁ་ཟས་བཙོ་བ་དང་སྲེག་པ་ཡང་ལག་དར་ཏེ་བྱེད། བཟའ
69b2 བདང་བཏུང་བ་ན་ཀྱང་ངན་ཅེས་མི་འཁོད་སྟེ། རྟག་ཏུ་འགྲུབ་ཆེ་ལ་བྱང་བཞིན་ཡང་བཟང་ལ་མཛེས་པས་ཁྱོད་ཁྱེར་ན་བདག་དགའོ་ཞེས་སྨྲས་སོ།། བྲམ་ཟེས་རྒྱལ་བུ་ལ་སྨྲས་པ། བདག་ནི་བྲམ་ཟེ་མ་ཡིན་གྱི་བརྒྱ་བྱིན་ལྷའི་དབང་པོ་ཡིན་ཏེ་ཆེད་དུ
69b3 ཁྱོད་བཀྲམ་པའི་ཕྱིར་འོངས་སོ་ཡིན་ན་ཞེས་ཕྱིར་བརྒྱ་བྱིན་གྱི་ལུས་བཟའ་བོང་བསྒྱུར་ནས། ཁྱེད་ཅི་དང་ཅིང་སྔོན་ཅེས་སྨྲས་སོ།། དེ་ནས་བཙུན་མོས་གུས་པར་ཕྱག་འཚལ་ཏེ་བློན་ལམ་རྣམ་པ་གསུམ་ཞིག་གསོལ་ཏོ།། གང་ཞན་གཅིགས
69b4 བདག་གི་བུ་ཁྲིད་པའི་བྲམ་ཟེ་ཕྱིར་ཡང་བདག་གི་ཡུལ་དུ་སོང་བར་གྱུར་ཅིག། གཉིས་སུ་ན་བདག་གི་བུ་གཉིས་བཀྲེས་པ་དང་སྐོམ་པས་སྡུག་བསྔལ་བར་མ་གྱུར་ཅིག། གསུམ་དུ་ན་རྒྱལ་བུ་དང་བདག་ཅག་གཉིས་ཀྱང་ཕྱིར་བདག
69b5 ཅག་གི་ཡུལ་དུ་མྱུར་དུ་འཁོར་བར་གྱུར་ཅིག་ཅེས་སྨྲས་པ་དང་། བརྒྱ་བྱིན་ལྷའི་དབང་པོས་ཀྱང་དེ་བཞིན་དུ་སྨོན་ལམ་གྲུབ་པར་གྱུར་ཅིག་ཅེས་སྨྲས་སོ།། རྒྱལ་བུས་སྨྲས་པ། བདག་ནི་སེམས་ཅན་ཐམས་ཅད་སྐྱེ་བ་དང་རྒ་བ་དང་ན་བ་དང་འཆི
69b6 བའི་སྡུག་བསྔལ་ལས་སྒྲོལ་བར་གྱུར་ཅིག་ཅེས་སྨོན་ལམ་བཏབ་པ་དང་། བརྒྱ་བྱིན་ལྷའི་དབང་པོས་སྨྲས་པ། སྨོན་ལམ་འདི་ཤིན་དུ་རྒྱ་ཆེ་སྟེ་བླ་ན་མེད་པ་ཡིན་ནོ།། གལ་ཏེ་མཐོ་རིས་སུ་སྐྱེ་ཞིང་ཉི་ཟླ་ལ་དབང་བའི་བདག་པོར་འདོད་དམ།
69b7 འཇིག་རྟེན་གྱི་རྒྱལ་པོར་འདོད་དམ། ཚེ་རིང་ཞིང་ཡུན་ཏུ་གནས་པར་འདོད་ན། བདག་གིས་སྦྱིན་ནུས་ཀྱིས་ཁྱོད་ཀྱིས་སྨྲས་མའི་སྨོན་ལམ་ཁམས་གསུམ་ལས་མཆོག་ཏུ་འདས་པ་ཡིན་པས་བདག་གིས་ནུས་པ་མ་ཡིན་ནོ།། རྒྱལ་བུས
69b8 སྨྲས་པ། ད་ལྟར་རེ་ཤིག་ཏུ་ཕྱུག་པོར་གྱུར་ཏེ། སྔོན་པས་ཀྱང་ལྷག་པར་རྟག་པར་སྦྱིན་པ་བྱིན་ཞིང་ཡབ་རྒྱལ་པོ་དང་བློན་པོ་རྣམས་དང་། བདག་ཅག་ཕྲད་པར་ཤོག་ཅིག་ཅེས་སྨྲས་པ་དང་། བརྒྱ་བྱིན་གྱིས་སྨོན་པ་བཞིན་དུ་ངེས་པར
iiif viewer powered by OpenSeadragon
