| e-texts navigator |
| Wylie |
68b1 ཆུ་ཡང་སྐམས་པར་མཐོང་ནས་ཕྱིར་རྒྱལ་བུ་གངན་བ་དེར་སོང་སྟེ་བྱིན་པ་དང་རྒྱལ་བུ་ལ་བདག་གི་བུ་གཉིས་གར་ཞེས་དྲིས་ན། རྒྱལ་བུ་ཅང་མི་སྨྲའོ།། བཙུ་ན་མས་ཡང་སྨྲས་པ། བདག་ནམ་ཤིང་ཐོག་ཐོགས་ཏེ་ཕྱིར་གནས་སུ་འཁོར་བ་ན་བདག
68b2 གེ་རུ་གཉིས་རྒྱད་མ་ནས་ཆུག་ཅིང་མདུན་དུ་བསུས་ཏེ། རྡེག་འཆོས་ན་ཡང་ཕྱིར་ལངས་ཏེ་དགྲ་མཆོང་ཞིང་ཨ་མ་འོངས་ཨ་མ་འོངས་སོ་ཞོས་འབོད་དེ། བདག་འདུག་པ་ན་གཉི་ཀ་གཡས་གཡོན་ན་འདུག་ཅིང་ཕྲག་པ་འམ་ལུས་ལ་རྡུལ
68b3 གོས་ན་ཡང་འཕྱེ་བཞིན་སྨྲ། ། ང་བདག་གི་བུ་ག་རེ་མ་མཐོང་ན་གཞན་ལམ་བྱིན་ནམ། འདི་ལྟར་མ་མཐོང་བས་བདག་གི་སྙིང་གས་པར་འགྱུར་གྱི། བདག་གི་བུ་ག་ལ་འདུག་མྱུར་དུ་སྨྲོས་ཤིག། བདག་མྱོས་པར་འགྱུར་རོ་ཞེས་དེ་ལྟར
68b4 ལན་གཉིས་ལན་གསུམ་གྱི་བར་དུ་དྲིས་ཀྱང་ལན་མ་སྨྲས་སོ། ། བཙུན་མོས་ཡང་སྨྲས་པ། ལྷག་པར་སྡུག་བསྔལ་གྱིས་གདུངས་ཏེ། བུ་གཉིས་མ་མཐོང་བ་ལྟ་ཆོད་ཡོད་ན། རྒྱལ་བུས་ལན་མ་གཏེར་བས་ལྷག་པར་མྱོས་ཤིང་འཁྲུགས་པར
68b5 གྱུར་ཏོ། ། རྒྱལ་བུས་སྨྲས་པ། ཡུལ་ཀོ་ལི་ཞེས་བྱ་བ་ནས་བྲམ་ཟེ་ཞིག་འོངས་ཏེ། བདག་ལ་བུ་གཉིས་བསླངས་པ་ལས་བདག་གིས་བྱིན་ནོ།། བཙུན་མོས་རྒྱལ་བུས་སྨྲས་པ་ཐོས་མ་ཐག་ཏུ་རི་རྡིབ་པ་ལྟར་ས་ལ་འགྱེལ་ཏེ་འགྲེ་ཞིང
68b6 ཚེ་དེས་བཏབ་པོ། ། རྒྱལ་བུས་སྨྲས་པ་རེ་ཤིག་སྡོད་ཅིག། ཁྱོད་སྔོན་འདས་པའི་དུས་ན་སངས་རྒྱས་མར་མེ་མཛད་ཀྱི་ཚེ་དམ་ཇི་ལྟར་བཅས་པ་མི་དྲན་ནམ། དེའི་ཚེ་དེའི་དུན་བདག་ནི་ཐམ་ཟའི་བུ་གཞོན་ནུ་ཞེས་བྱ། ཁྱོད་ནི་བྲམ་ཟེའི་བུ་མོ
68b7 སུན་ད་རི་ཀ་ཞེས་བྱ་སྟེ། ཁྱོད་ནི་དེའི་ཚེ་མེ་ཏོག་པད་མོ་བདུན་ཞིག་ཐོགས་བདག་ལ་དངུལ་གྱི་དོང་ཙེ་ལྔ་ཞིག་ཡོད་དེ། ཁྱོད་ལས་པད་མོ་ལྔ་ཞིག་ཉོས་ནས་སངས་རྒྱས་ལ་ཕུལ་བར་བྱས་པ་ལས་ཁྱོད་ཀྱིས་པད་མོ་ལྷག་མ་གཉིས་པོ་ཡང
68b8 དེ་ལ་བྱིན་ཏེ། སངས་རྒྱས་ལ་འབུལ་གྱིས་སྨོན་ལམ་དུ་ཡང་བདག་སྐྱེ་བ་ཕ་རོལ་དུ་རྟག་པར་ཁྱོད་ཀྱི་ཆུད་མར་ཤོག་ཅིག་ཅེས་སྨོན་ལན་བཏབ་པ་ལས་བདག་དེའི་ཚེ་ཁྱོད་དང་འདི་སྐད་ཅེས་དམ་མ་བཅས་སམ། ཁྱོད་བདག་གི
iiif viewer powered by OpenSeadragon
