| e-texts navigator |
| Wylie |
68a1 ཅག་ལམ་རྡེ་ག་ཅིག། བདག་ཅག་རང་འགྲོའོ་ཞེས་གནམ་ལ་ཡང་བལྟས་ཏེ། ཡང་འདི་སྐད་ཅེས་སྨྲས་སོ།། རི་གཉེན་གྱི་ལྷ་དང་ནགས་ཚལ་གྱི་གང་གི་ལྷ་རྣམས་བདག་ཅག་ས་ཅུང་ཟད་ཐུགས་རྩེ་བ་འམ་དགོངས་པ་མི་མངས
68a2 འམ་བདག་ཅག་ནི་ལམ་རིང་པོར་གཞན་གྱི་བྲན་ཁོལ་བྱེད་དུ་འགྲོ་སྟེ། མ་དང་བྲལ་བར་གྱུར་ན་བདག་ཅག་གི་མ་རི་ལ་ཤིང་ཐོག་ཚོལ་ཞིང་མདར་བཏང་སྟེ། མྱུར་དུ་བདག་ཅག་དང་ཕྲད་པར་ཤོག་ཅིག་མི་སྦྲན་ནམ་ཞེས་དེ་སྐད་སྨྲས་པ་དང་།
68a3 བུའི་མ་རི་ལ་འདུག་པའི་རྐང་པ་གཡོན་པའི་རྐང་མཐིལ་གཡའ་ཞིང་གཡོ་བ་དང་། མིག་གཡོན་པ་ཡང་འགུལ་ནུ་མ་གཉིས་ནས་ནུ་ཞེ་ཡང་རང་ཟག་པར་གྱུར་ནས་འདི་སྙམ་དུ་འདི་འདྲ་བའི་ལྷས་ངན་པ་གནའབྱུང་མ་མྱོ་ན་བདག་གི་བུ་གཉིས
68a4 ལ་ཡེ་འབྲོག་མ་བྱུང་ངམ་སྙམ་བསམས་ནས། ཤིང་ཐོག་གིས་ཅི་ཞིག་བྱ་སྙམ་སྟེ། ཤིང་ཐོག་པནཔ་ཡང་བཏང་ནས་མྱུར་བ་ང་ཕྱིར་གནས་སུ་འགྲོ་བར་ཆས་སོ།། དེའི་ཚེ་སུམ་བཅུ་རྩ་གསུམ་པའི་གནམ་གྱི་ལྷའི་དབང་པོ་རྒྱལ་བུས་གཞན་ལ་བུ་བྱིན
68a5 པར་ཤེས་ནས་བཙུན་མོས་དགེ་བར་བསམས་པའི་སེམས་ཀྱི་བར་ཆད་བྱེད་དུ་དོགས་པས། སེང་གེ་ཞིག་ཏུ་སྤྲུལ་ནས་ལམ་གྱི་སྲང་དུ་བསྡང་ངོ་།། བཙུན་མོས་སེང་གེ་ལ་སྦས་པ། ཁྱོད་ནི་གཅན་ཟན་གྱི་རྒྱལ་པོ། ཁེ་བོ་ནི་མིའི་རྒྱལ་མ་ཡིན
68a6 རི་ལ་འཁོད་པར་འདྲན་ཅུང་ཟད་ལམ་ལས་བྱོལ་ཏེ་བདག་ཐོང་ཤིག། བདག་ལ་བུ་མུ་དྲམ་ཤེད་མ་བྱེ་བ་གཉིས་ཤག་ཡོད་དེ། དེ་ཙམ་གྱི་བར་དུ་ཅི་ཡང་མ་ཟོས་པས་བདག་འོད་དུ་རེ་སྟེ་སྡོད་དོ།། སེང་གེས་ཀྱང་བྲམ་ཟེ་དེ་རྒྱད་རིང་དུ་ཐལ་བར་ཤེས
68a7 ནས་ལམ་ལས་བྱོལ་ཏེ་བཙུན་མོ་བཏང་ངོ་། ། བཙུན་མོ་ཕྱིར་གནས་སུ་འོངས་ནས་རྒྱལ་བུ་འབའ་ཤིག་སྣང་གི་བུ་གཉིས་མ་མཐོང་བས་བདག་ཉིད་འདུག་པའི་སྐྱིལ་བུར་བལྟས་ན་ཡང་བུ་མ་མཐོང་། བུ་གཉིས་འདུག་པའི་སྤྱིལ་པོར་བལྟས་ན
68a8 ཡང་བུ་མ་མཐོང་སྟེ། དེ་ནས་བུ་རྩེ་བའི་གནས་ཆུ་འགྲམ་དུ་བཅལ་ན་ཡང་མ་མཐོང་ངོ་།། སྔོན་བུ་དང་བརྩེ་བའི་རི་དགས་ཤ་བ་དང་། གཅན་ཙང་སེང་གེ་དང་སྤྲེའུ་ལ་སོགས་ཉེ་མདུན་ནས་ལུས་ས་ལ་རྡེབས་ཤིང་སྒྲ་འབྱིན་ལ། སྔོན་བརྩེ་བའི་རྫིང་བུའོ།།
iiif viewer powered by OpenSeadragon
