| e-texts navigator |
| Wylie |
67a1 འདི་སྐད་ཅེས་བསྐོའོ། ། བྲམ་ཟེ་འདི་ལམ་རིང་པོ་ནས་ཁྱེད་གཉིས་སློང་དེ་ནས་ཟེར་ནས་ཁོ་བོས་ཀྱང་སྦྱིན་པར་བྱས་ཀྱིས་བྱེད་གཉིས་འདའ་བྱི་བཞིན་སོང་གིག་ཅེས་བསྒོ་བ་དང་། བུ་གཉིས་རྒྱལ་བུའི་མཚན་དུ་བྲོས་ནས་དུ
67a2 སྟེ་འདི་སྐད་ཅེས་སྨྲས་སོ། ། བདག་ཅག་གིས་བྲམ་ཟེ་དུ་མ་ཡང་མཐོང་ན་འདི་འདྲ་བ་དག་མ་མཐོང་སྟེ། འདི་ནི་བྲམ་ཟེ་མ་ལགས་ཀྱི་ཡང་དག་པར་ཡི་དགས་ལགས་པས། དེ་བདག་ཅག་གི་མ་ཤིང་ཐོག་ཚོལ་དུ་མཆིས་པ་ལས་སླར་མ
67a3 འཁོར་བར་བདག་ཅག་གཉིས་ཡི་དགས་འདིའི་ཟས་སུ་སུལ་ན་གདོན་མི་འཚལ་བར་འགུམ་མོ། ། བདག་གི་མ་སླར་མཆིས་ཏེ་བུ་དང་མ་འཇལ་ན་ཇི་ལྟར་བ་དང་བེའུ་བྲལ་བ་ལྟར་ཏུ་ཞིང་ཆོངས་འདེབས་ཏེ་མི་དགའ་བའི་མྱ་ངན་གྱིས
67a4 གདུངས་པར་འགྱུར་རོ། ། རྒྱལ་བུས་བུ་ལ་བསྒོ་བ། ཁོ་བོས་སྦྱིན་པར་གནང་བས་གདང་དུ་མི་རུང་སྟེ་འདི་བྲམ་ཟེ་ཡིན་གྱི་ཡི་དགས་མ་ཡིན་པས་མི་ཟོས་ཀྱིས་ཁྱེད་གཉིས་འདིའི་ཕྱི་བཞིན་སོང་ཤིག། བྲམ་ཟེས་སྨྲས་པ། བདག་ནི་དེ་ཆོས་ཏེ
67a5 འགྲོའོ། ། གལ་ཏེ་བུའི་མ་འོངས་ན་འགྲོར་མེད་དེ་མ་བཏང་ན་རྒྱལ་བུས་བདག་ལ་བྱིན་པའི་དགེ་བའི་སེམས་བུའི་མས་ཟློག་ཅིང་ཉམས་པར་འགྱུར་དུ་དོགས་སོ།། རྒྱལ་བུས་སྨྲས་པ་བདག་གིས་སྦྱིན་པ་ཅི་བྱས་ཀྱང་ཐོག་མ་ནས་ཅི་ལ་ཡང
67a6 འགྱོད་པའི་སེམས་བྱུང་མ་མྱོང་ངོ་། ། དེ་ནས་རྒྱལ་བུས་ཆུ་སྣོད་ཐོགས་ནས། བྲམ་ཟེའི་ལག་པར་ཆུ་བླུགས་ནས་བུ་གཉིས་ཀྱི་ལག་པ་ནས་བཟུང་སྟེ་བྲམ་ཟེ་ལ་ཕུལ་བ་ནས་ཡང་རབ་ཏུ་གཡོས་སོ།། བུ་གཉིས་བྲམ་ཟེའི་ཕྱི་བཞིན་མཆིང
67a7 མ་བཏུབ་ནས། བྱིར་པ་རྒྱལ་བུའི་དྲུང་དུ་འོངས་ཏེ། པུས་མོས་ལ་བཙུགས་ནས་པ་རྒྱལ་བུ་ལ་འདི་སྐད་ཅེས་གསོལ་ཏོ།། བདག་ཅག་གཉིས་ཀྱིས་ཚེ་རབས་སྔ་མ་ལ་མི་དགེ་བའི་སྡིག་པ་ཅི་བགྱིས་ན་འདི་ལྟ་བུའི་སྡུག་བསྔལ་མྱོང
67a8 པར་གྱུར། བདག་ཅག་ནི་རྒྱལ་པོའི་རིགས་སུ་སྐྱེས་ན་ཅིའི་སླད་དུ་ཕ་རོལ་པོའི་བྲན་ཁོལ་ཏུ་གྱུར་ཅེས་ཕ་རྒྱལ་བུ་ལ་སྡིག་བཤགས་ན་འདིའི་རྒྱུ་འདིའི་རྐྱེན་གྱིས་སྡིག་པ་བྱང་ཞིང་བསོད་ནམས་སྐྱེས་ཏེ་གང་ནས་གང་དུ་སྐྱེས་ཀྱང་འདི
iiif viewer powered by OpenSeadragon
