| e-texts navigator |
| Wylie |
66b1 ཟེ་དེ་འདི་སྙམ་དུ་ད་ནི་འདིས་བདག་བསོད་ཡང་དག་ན་བརྫུན་ཞིག་བྱའོ་སྙམ་བསམས་ནས་རྔོན་པ་ལ་ཁྱོད་བདག་ལ་དྲིན་ཅི་ཉེས་ཅེས་སྨྲས་སོ།། དེ་ནས་རྔོན་པས་འོ་ན་ཅི་ཞིག་སྨྲ་བར་སེམས་ཅེས་དྲིས་པ་དང་། བྲམ་ཟེས་བརྫུན་ཚིག་འདི།།
66b2 སྐད་སྨྲས་སོ།། རྒྱལ་པོ་ཡབ་རྒྱལ་བུ་མཐོང་བར་དགའ་བས་བདག་འ་དེར་རྒྱལ་བུ་ཕྱིར་འགུགས་སུ་འོངས་སོ་ཞེས་སྨྲས་མ་ཐག་ཏུ་རྔོན་པས་ཀྱང་བཀྲོལ་ཏེ་བཏང་ནས་སྔར་མ་གཏོགས་ཏེ་རྒྱུས་མ་ཤེས་སོ་ཞེས་བཟོད་པ་གསོལ་ནས་རྒྱལ
66b3 བུ་གང་ན་འདུག་པའི་གནས་བསྟན་ཏོ། ། དེ་ནས་བྲམ་ཟེ་དེ་རྒྱལ་བུའི་ཐད་དུ་ཕྱིན་པ་དང་། རྒྱལ་བུས་ཀྱང་རྒྱང་མ་ནས་བྲམ་ཟེ་འོངས་པ་མཐོང་ནས་རབ་ཏུ་དགའ་བའི་སེམས་སྐྱེས་ཏེ་བསུས་ནས་གུས་པར་ཕྱག་བྱས་ཏེ། ཁྱོད་ག་ལས
66b4 འོངས་ལམ་དུ་ཉོན་མོངས་ཤིང་དལ་བར་མ་གྱུར་ཏམ་ཅི་འདོད་ཅེས་སྤྲོ་བའི་གཏམ་བྱས་སོ། ། བྲམ་ཟེས་སྨྲས་པ། བདག་ལམ་རིང་པོ་ནས་འོངས་ཏེ་ལུས་ཐམས་ཅད་རྩེ་ཞིང་དལ་ཏེ་བཀྲེས་སྐོམ་མོ་ཞེས་སྨྲས་པ་དང་། རྒྱལ་བུས་ནང་དུ་ཁྲིད
66b5 ནས་སྟན་ལ་འདུག་ཏུ་བཅུག་སྟེ། ཤིང་ཐོག་དང་ཤིང་གི་འབྲས་བུ་དང་བཏུང་བའི་སྒོམ་མདུན་དུ་ཕབ་ནས། བྲམ་ཟེས་ཀྱང་སྐོམ་འཐུངས་ཤིང་ཐོག་ཟོས་ཏེ། ཐལ་བྱུ་རྒྱལ་བུ་ལ་འདི་སྐད་ཅེས་སྨྲས་སོ།། བདག་ནི་ཡུལ་ཀཻ་ལི་ཞེས་བྱ་བའི་མི
66b6 ཡིན་ཏེ། སྔ་ཞིག་ནས་རྒྱལ་བུ་སྦྱིན་པ་ལ་དགའོ་ཞེས་ཕྱོགས་བཅུར་གྲགས་ཤིང་ཐོས་པས། བདག་ནི་དབུལ་ཕོངས་ཏེ་རྒྱལ་བུ་ལ་སློང་དུ་འོངས་སོ།། རྒྱལ་བུས་སྨྲས་པ། བདག་ལ་ཡོད་པ་ལས་ཁྱོད་ལ་མ་བྱིན་ན་ནི་ཆགས་ཤིང་སེར་སྣ་བྱེད
66b7 པར་གྱུར་ན། བདག་ལ་ཅི་བདོག་པ་སྔར་བཏང་བས་ད་ནི་ཅི་ཡང་སྦྱིན་དུ་མེད་དོ།། བྲམ་ཟེས་སྨྲས་པ། དེ་ལྟར་ནོར་རྫས་སྦྱིན་དུ་མེད་ན་ཁྱོད་ཀྱི་བུ་མིང་སྲིང་གཉིས་བདག་རྒང་པོའི་འཁོལ་བའམ་བྲན་དུ་བྱིན་ཅིག་ཅེ་དེ་བཞིན་དུ་ལན་གཉིས་ལན
66b8 གསུམ་གྱི་བར་དུ་གནས་ནས། རྒྱལ་བུས་ཀྱང་ཁྱོད་ལམ་རིང་པོ་ནས་འོངས་ལ། བདག་གི་བུ་མིང་སྲིད་གཉིས་འདོད་པ་རབ་ཏུ་ལེགས་ཀྱིས་སྦྱིན་ནོ་ཞེས་སྨྲས་སོ།། དེའི་ཚེ་ན་བུ་མིང་སྲིང་གཉིས་རྩེར་སོང་སོང་བ་ལས་རྒྱལ་བུས་བོས་ནས་བུ་ལ
iiif viewer powered by OpenSeadragon
