| e-texts navigator |
| Wylie |
65b1 དང་ཕྲད་ནས་ཁྱོག་རྣམས་ཀྱིས་ཁྱིམ་ཐབ་ཀྱི་གཟུག་འདི་འདྲའོ་ཞེས་ཙེ་དྲི་ཞིང་བགད་ནས། ཁྱོད་ནི་དཔེ་མེད་པར་བཟང་ཞིང་སྡུག་ན། ཙ་ལྷོར་འདི་འདྲ་བའི་ཆུང་མ་བྱེད་ཅེས་སྨྲས་པ་དང་། ཆུང་མས་ཁྱོག་དེ་དག་ལ་འདི་སྐད་ཅེས་སྨྲས་སོ།།
65b2 རྐང་བའི་མགོ་ནི་ཤིང་ལ་བ་མོ་ཆགས་པ་ལྟར་སྐྱེ་བ་དེ་ནང་ནུབ་ཏུ་ཤི་བར་དགའ་ན་ཤིར་མ~ཾ་བཀྲུབ་ཇི་ལྟར་བྱ། དེ་ནས་ཆུ་སྣོད་ཐོགས་ནས་ཕྱིར་ཁྱིམ་དུ་འོངས་ཏེ། ཁྱིམ་ཐབ་ལ་འདི་སད་ཅེས་སྨྲས་ས།། བདག་ཆུ་ཆུར་སང་སོང་བ་ལས། ལམ
65b3 དུ་ཁྱོག་གཞོན་ནུ་དག་ཅིག་དང་ཕྲང་དེ་དེ་དག་བདག་ལ་ཅོ་འདྲི་ཞིང་བཀང་ནས། དེ་ཁྱོད་ཀྱིས་བཀོལ་བའི་བྲན་ཁོལ་ཡོད་ན་ཆུ་ཆུ་ཡང་མི་དགོས་ཏེ། གཞན་གྱི་དབྱས་པར་ཡང་མི་འགྱུར་རོ།། ཁྱིམ་ཐབ་ཀྱིས་སྨྲས་པ། བདག་ཅག་ནི་ཤིན་ཏུ
65b4 ཡང་དབུལ་ཕོངས་པ་ཡིན་ན་བྲན་ཁོལ་ག་ལས་སྙེད་པར་འགྱུར། ཆུང་མས་སྨྲས་པ། གལ་ཏེ་བདག་གི་ཕྱིར་བྲན་ཁོལ་མ་བཙལ་ན་བདག་ཀྱང་འགྲོ་སྟེ། ཁྱོད་དང་ལྷན་ཅིག་མི་གནས་སོ་ཞེས་ཆུང་མས་ཀྱང་འདི་སྐད་ཅེས་སྨྲས་སོ།། ཁོ
65b5 མོས་ཐོས་ན་རྒྱལ་བུ་དོན་གྲུབ་སྦྱིན་པ་མ་འོས་པར་བྱིན་པས་ཡབ་རྒྱལ་པོས་རི་དན་ཏིག་ཅེས་བྱ་བར་སྤངས་སོ། ། རྒྱལ་བུ་དེ་ལ་བུ་ཁྱེའུ་གཅིག་དང་བུ་མོ་གཅིག་ཡོད་ཅེས་གྲག་གིས། ཁྱོད་དེ་སློང་དུ་སོང་ཤིག། ཁྱིམ་ཐབ་ཀྱིས་སྨྲས་པ། རྀ
65b6 དན་ཏིག་ཅེས་བྱ་བ་འདི་ནས་དཔག་ཚད་དྲུག་སྟོང་ལྷག་ཙམ་གཅིག་གི་ལམ་སོ་ཡོད་ལ། སྔོན་ལ་ལུང་བགྲོད་ཀྱང་མ་མྱོང་ནད་ཅི་ལྟར་བགྲོད་པར་བྱ། ཆུང་མས་སྨྲས་པ། བདག་གི་ཕྱིར་བྲན་ཁེལ་མ་བཙལ་ན་བདག་འགེགས་ཏེ་འཆའོ་ཞེས
65b7 སྨྲས་པ་དང་། ཁྱིམ་ཐབ་ཀྱིས་སྨྲས་པ། གཉིས་ན་ཁོ་བོ་ནི་གཅིག་གིས་བསད་ཀྱང་བསླའོ།། ཁྱོད་ཤི་བར་མི་འདོད་དོ་ཞེས་སྨྲས་ནས་ཁྱོད་ཀྱིས་བདག་སློང་དུ་འགྲོ་བར་དད་ན་ཁོ་བའི་རྒྱགས་དང་དགོས་པ་སྦྱོར་ཅིག་ཅེས་བསྒོའོ།། ཆུང་མས
65b8 སྨྲས་པ། ད་སོང་ཤིག་རྒྱགས་དང་དགོས་པ་ཡང་མེད་དོ་ཞེས་སྨྲས་ནས། བྲམ་ཟེས་རྒྱགས་རང་སྦྱར་ཏེ་རྐང་པས་ལམ་དུ་ཞུགས་ཏེ་སོང་ངོ་།། དེ་ནས་བྲམ་ཟེ་ཡུལ་ཡ་བ་ཞེས་བྱ་བ་ག་ལ་བ་དེར་སོང་སྟེ་དེར་ཕྱིན་པ་དང་། རྒྱལ་པོའི་ཕོ
iiif viewer powered by OpenSeadragon
