| e-texts navigator |
| Wylie |
64a1 སེམས་ཀྱིས་ཏིང་ངེ་འདོན་ཏུ་ཞུགས་པ་དང་། མོད་ལ་ཆུའི་ནང་ནས་རི་ཆེན་པོ་ཞག་བྱུང་ནས་ཆུའི་རྒྱུན་བཅད་དོ།། དེ་ནས་རྒྱལ་བུ་དང་བཙུན་མོས་གོས་བརྫེས་ཏེ། ཆུརྒལ་ནས་པར་རྒལ་མ་ཐག་ཏུ་རྒྱལ་བུ་ཡང་འདི
64a2 སྙམ་དུ་བསམས་སོ། ། ཐལ་བྱུང་སོང་བར་གྱུར་ན་ཆུ་འཁྱིལ་པ་འདིས་སེམས་ཅན་མང་དུ་འཆི་སྟེ། གྲོག་སུང་མང་པོ་ཆུས་ཁྱེར་བར་འགྱུར་རོ་སྙམ་བསམས་ནས། རྒྱལ་བུ་ཕྱིར་ཚུལ་བལྟས་ཏེ་འདི་སྐད་ཅེས་སྨྲས་སོ།། ཆུ་ཁྱོད་ས
64a3 མཁོ་བཞིན་དུ་རྒྱུན་ཏུ་འབབ་ཅིང་གལ་ཏེ་བདག་འདོད་པ་ཞིག་འོངས་ན་ཡང་ཐར་པར་བྱོས་ཤིག་ཅེས་སྨྲས་མ་ཐག་ཏུ་ཆུ་ཡང་སྔ་མ་ཁོ་བཞིན་དུ་འབབ་པར་གྱུར་ཏོ། ། དེ་ནས་སོང་བ་ལས་རི་དན་ཏིག་ཏུ་ཕྱིན་ནས་རྒྱལ་བུས་རི་དེ་ལ་བལྟས
64a4 ནས་རི་དེ་རང་རོང་དང་ཟད་ཟེད་དུ་འདུག་ལ་ཤིང་མང་པོ་རབ་ཏུ་རྒྱས་ཤིང་བྱ་སྣ་ཚོགས་ཀྱང་སྙན་པའི་སྒྲ་འབྱིན། འབབ་ཆུ་དང་། ཆུ་མིག་དང་། མཚེའུ་དང་། ལྟེང་ཀ་དང་། ལྡན་ཏེ་ཆུ་ནི་མངར་འབྲས་བུ་ནི་ཞིམ། ཆུ་བྱ་དང་། ངང་ངུར་དང་།
64a5 འཇོལ་མོ་དང་། རི་སྐགས་ལ་སོགས་པ་བྱ་རྣམ་པ་སྣ་ཚོགས་ཀྱང་གནས་པ་མཐོང་ནས་རྒྱལ་བུས་བཙུན་མོ་ལ་ཡང་འདི་སྐད་ཅེས་སྨྲས་སོ།། རི་འདི་ལ་བལྟས་ན་ཤིང་དང་ཚལ་གནམ་ལ་རེག་པ་ཙམ་དུ་སྐྱེས་ན་ཡང་། བརྡས་པ་འམ་བཅད
64a6 པ་མེད་པས་ཆུ་མིགཞིམ་པོ་ལ་འཐུང་ཞིང་འབྲས་བུ་མངར་བ་ཟ་སྟེ། རི་འདི་ལ་བསྒོམ་པ་དག་ཡོད་པས་འདིར་གནས་པར་བྱའོ།། རྒྱལ་བུ་རི་དེ་ལ་ཕྱིན་པ་ན་རི་དེ་ལ་གནས་པའི་འདབ་ཆགས་བྱ་དང་གཅན་ཟན་དང་རི་དགས་ཐམས་ཅད་རབ་ཏུ
64a7 དགའ་ནས་རྒྱལ་བུ་བསུས་སོ། ། དེའི་ཚེ་རི་དེ་ལ་སྒོམ་པའི་དགེ་སློང་ཨ་ཆུ་ཏ་ཞེས་བྱ་བ་ལོ་ལྔ་བརྒྱ་ལོན་པ། ཡོན་ཏན་མཆོག་དང་ལྡན་པ་ཞིག་གནས་ཏེ། རྒྱལ་བུ་དེ་དེའི་དྲུང་དུ་སོང་ནས་ཕྱག་བྱས་ཏེ་ཕྱོགས་ཅིག་ཏུ་འདུག་ནས་འདི་སྐད་ཅེས
64a8 སྨྲས་སོ། ། འདི་ལ་གང་ཕྱོགས་ན་འབྲས་བུ་དང་ཆུ་མིག་བཟང་པོར་ལྡན་པ་གནས་སུ་རུང་བ་ཅི་ཡོད་ཅེས་དྲིས་པ་དང་། ཨ་ནུ་ཏ་ས་སྨྲས་པ། རི་འདི་གནས་ཐམས་ཅད་དུ་བསོད་ནམས་དང་ལྡན་པའི་ས་གཞི་ཡིན་པས་གང་དུ་གནས་ཀྱང་རུང
iiif viewer powered by OpenSeadragon
