| e-texts navigator |
| Wylie |
59b1 བལ་གྱི་གླང་པོ་ཆེ་པད་མོའི་སྟེང་ནས་འགྲོ་བ་སུང་ཡ་ཞེས་བྱ་བ་སྟོབས་དང་ལྡན་པ་ཞིག་ཡོད་དེ་དེ་དག་ནམ་དགྲ་ཟླའི་རྒྱལ་ཁམས་གཞན་དང་འཐབ་པའི་ཚེ། བལ་གྱི་གླང་པོ་ཆེ་དེས་རྟག་ཏུ་རྒྱལ་བར་གྱུར་བས་ན་བྱེད་ལས་སུ་ཞིག
59b2 དེར་སོང་སྟེ་སློང་བར་ནུས་ཅེས་བགྲོས་ན། བློན་པོ་ལས་གང་ཡང་འགྲོ་ནུས་པ་མབྱུང་ངོ་།། དེའི་ནང་ན་བྲམ་ཟེ་མི་བརྒྱད་ཞིག་གིས་རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་གིས་སློང་ཞིང་མཆི་བར་འཚལ་ན་བདག་ཅག་གི་ཚོགས་དང
59b3 རྒྱགས་དང་སྦྱོར་ཅིག་ཅེས་གསོལ་པ་དང་། རྒྱལ་པོ་པ་དེའི་ཚོགས་དང་རྒྱགས་སྦྱར་ནས་བྲམ་ཟེ་དེ་དག་ལ་འདི་སྐད་ཅེས་བསྒོའོ།། གལ་ཏེ་ཁྱོད་ཀྱིས་བལ་གླང་དེ་ཁུགས་ཏེ་འོངས་ན་བྱ་དགའ་ཆེར་སྦྱིན་ནོ་ཞེས་གཙིགས་བྱས་སོ།། དེ་ནས་བྲམ་ཟེ་བརྒྱད
59b4 བོ་ཁོར་བ་ཐོགས་ཏེ་ལ་ལུང་བགྲོད་ནས་ཡུལ་ཡ་བ་གང་ན་བ་དེར་སོང་ངོ་། ། ཡུལ་དེར་བྱིན་ནས། རྒྱལ་པོའི་སྒོར་ཁོར་བ་ལ་རྐོམ་ཚུགས་བཅས་ཏེ་རྐང་པ་ཡ་ཅིག་གིས་འགྲེང་ཞིང་སྡོད་དོ།། དེ་ནས་རྒྱལ་བུའི་སྒོ་སྲུངས་ཕོ་བྲང་ནང་དུ་སོང་ནས།
59b5 ཕྱི་རོལ་ན་བྲམ་ཟེ་དག་ཅིག་ལྷགས་ཏེ། ཁར་བ་ལ་རྐོམ་ཚུགས་བཅས་ནས་རྐང་པ་ཡ་ཅིག་གིས་འགྲེང་ཞིང་སྡོད་དེ། བདག་ཅག་ནི་ལམ་རིང་པོ་ནས་ཆེད་དུ་འདིར་སློང་དུ་འོངས་སོ་ཞེས་མཆིའོ།། རྒྱལ་བུས་དེ་སྐད་ཅེས་སྨྲས་པ
59b6 ཐོས་ནས་རབ་ཏུ་དགའ་སྟེ། མོད་ལ་ཕྱི་རོལ་དུ་བྱུང་ནས་བསུས་ཏེ་ཕྱག་བྱས་སོ།། དཔེར་ན་ལ་དང་བུ་ཕྲད་པ་ཙམ་དུ་ཅིག་ལ་གཅིག་གིས་སྤྲོ་བའི་ཚིག་གིས་ཁྱེད་གང་ཕྱོགས་ནས་འོངས་ལམ་ཉོན་མ་མོངས་སམ། ཅི་འདོད་ཅི་སློང་ན་རྐང
59b7 པ་ཡ་ཅིག་འགྲོང་ཞེས་དྲིས་སོ། ། བྲམ་ཟེ་བརྒྱད་པོས་སྨྲས་མ། བདག་ཅག་ནི་རྒྱལ་བུ་ཁྱོད་སྦྱིན་པ་སྦྱིན་པ་ལ་རབ་ཏུ་དགའ་བས་ཕ་རོལ་པོ་ཅི་སློང་ཡང་ཡིད་དང་འགལ་བར་མི་མཛད་དོ་ཞེས་རྒྱལ་བུའི་ཡོན་ཏན་ཕྱོགས་མཚམས
59b8 བརྒྱད་དང་། ཡང་ནི་སྟེང་གི་གནམ་ལ་ཐུག། མར་ནི་སའི་མཐིལ་ལ་ཐུག་པ་མན་ཅད་དུ་གྲགས་ནི། ཁྱོད་ཀྱི་སྦྱིན་པའི་ཡོན་ཏན་ནེ་བསམ་གྱིས་མི་ཁྱབ་སྟེ། ཉེ་རིང་ཐམས་ཅད་ཀྱིས་བསྟོད་ཅིང་བསྒྲགས་པས་གང་ཡང་མ་ཐོས་པ
iiif viewer powered by OpenSeadragon
