| e-texts navigator |
| Wylie |
58a1 རྒྱ་གར་སྐད་དུ། ཨཱརྱ་ཛིན་བུ་ཏྲ་ཨངྒ་སད་དྷི་སུ་ཏྲ། བོད་སྐད་དུ། འཕགས་པ་རྒྱལ་བ་དོན་གྲུབ་ཀྱི་མདོ།། བམ་པོ་དང་པ།། འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་མཉན་དུ་ཡོད་པ་ན་འཛེ་ཏའི་ཆལ་མགོན
58a2 མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་དང་དགེ་སློང་མ་དང་། དགེ་བསྙེན་པ་དང་དགེ་སྙེན་མགྲངས་མེད་པ་དང་ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན་འདས་འཛུམ་པ་མཛད་ནས་ཞལ་གྱི་སྒོ་ནས་འོད་ཟེར་ཁ་དོག
58a3 སྣ་ལྔ་དང་ལྡན་པ་བཀྱེ་བ་དང་། ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་གོས་ཆགས་བཅོས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་གིས་སངས་རྒྱས་ཀྱི་ཞ་འབྲིང་ལོ་ཉི་ཤུ་བགྱིས་ཀྱི་བར་དུ་དེ
58a4 འདྲ་བར་གཞད་པ་མ་མཐོང་ན་བཅོམ་ལྡན་འདས་ཀྱིས་སངས་རྒྱས་སྔོན་འདས་པ་འམ་མ་བྱོན་པ་འམ་ད་ལྟར་བཞུགས་པའི་སངས་རྒྱས་ལ་དགོངས་སམ་དེ་མ་ལགས་པ་ཅི་ལ་དགོངས་པ་དོན་བསྟན་དུ་གསོལ། བཅོམ་ལྡན་འདས་ཀྱིས་ཀུན
58a5 དགའ་བོ་ལ་བཀའ་སྩལ་པ། སངས་རྒྱས་འདས་པ་འམ་མ་འོངས་པ་འམ་ད་ལྟར་བཞུགས་པ་ལ་དགོངས་པ་མ་ཡིན་གྱི། སྔོན་པར་དྲན་པར་སྔོན་བསྐལ་པ་གྲངས་མེད་པ་འདས་པའི་ཕ་རོལ་ན་སྦྱིན་པ་སྦྱིན་པའི་དངོས་པོ་ལ་དགོངས་ཏེ།
58a6 དེའི་ཚེ་དེའི་དུས་ན་ཡུལ་ལ་བ་ཞེས་བྱ་བར་རྒྱལ་པོ་དགེ་བ་ཞེས་བྱ་བ་དྲང་པོའི་ཆོས་ཀྱི་ཡུལ་གྱི་སྲིད་འཛིན་ཏེ། འགྲོ་བ་མང་པོ་སྐྱོང་བ་ཞིག་བྱུང་ངོ་།། རྒྱལ་པོ་དེ་ལ་བློན་པོ་ན་བཞི་སྟོང་ཡོད་དེ། རྒྱལ་ཕྲན་དྲུག་བཅུ་ལ་དབང་བསྐུར་རོ།། གྲོང་ཁྱེར་ཆེན
58a7 པོ་བརྒྱད་བརྒྱ་དང་བལ་གྱི་གླང་པོ་ཆེ་ལྔ་བརྒྱ་ཡོད་དེ། རྒྱལ་པོ་ལ་བཙུན་མོ་ཉི་ཁྲི་ཡོད་ཀྱང་སྲས་མི་མདའ་བས་རི་དང་རླུང་གི་ལྷ་མཉན་པོ་ལ་མཆོད་འབྲས་བྱས་ནས་བཙུན་མོ་དམ་པ་ལ་སྲས་མདའ་བར་གྱུར་ཏེ། བཙུན་མོའི་མལ་ཆ་དང་ཟས་དང
58a8 སྐོམ་ལ་སོགས་པ་ཡོ་བྱད་པདམ་ཞིང་བཟང་པོར་སྦྱར་ནས་རྒྱལ་པོ་ཉིད་ཀྱིས་རིམ་གྲོ་བྱས་ཏེ། ཟླ་བ་བཅུར་ཚད་ནས་རྒྱལ་བུ་གཅིག་བཙས་སོ།། ཕོ་བྲང་གི་བཙུན་མོ་ཉི་ཁྲི་སྙེད་ཀྱང་རྒྱལ་བུ་ཞིག་བཙས་ཤེས་ཐོས་ནས་ཐམས་ཅད་དགའ
iiif viewer powered by OpenSeadragon
