| e-texts navigator |
| Wylie |
57b1 རས་ཀྱི་ཆར་བབ་པོ།། ཞག་བདུན་དུ་ཟས་རྣམ་པ་སྣ་ཚོགས་ཀྱི་ཆར་བབ་པོ།། ཞག་བདུན་དུ་རིན་པོ་ཆེ་སྣ་བདུན་ལ་གསེར་དང་དངུལ་དང་ཤེལ་དང་། བཻ་དཱུརྱ་དང་མུ་ཏིག་དམར་པོ་དང་རྡོའི་སྙིང་པོ་དང་། སྤུག་རྣམས་ཏེ་རིན་པོ་ཆེ་སྣ་བདུན་པོ་འདི་དག
57b2 གི་ཆར་བབ་པོ། ། རྒྱལ་པོ་གསེར་མདོག་གི་མཐུས་འཛམ་བུའི་གླིང་གི་མི་ཐམས་ཅད་ཀྱི་དབུལ་བ་ཡང་དག་པར་བཅད་པར་གྱུར་ཏོ།། དགེ་སློང་དག་དེའི་ཚེ་དེའི་དུས་ན་རྒྱལ་པོར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་ཀྱི་སོམ་ཉི་དང་ཡིད་གཉིས
57b3 སུ་མི་བྱའོ། ། དགེ་སློང་དག་དེའི་ཚེ་དེའི་དུས་ན་རྒྱལ་པོ་གསེར་མདོག་ཅེས་བྱ་བ་བྱུང་བ་དེ་ནི་ང་ཉིད་ཡིན་པར་བལྟ་བར་བྱའོ།། དགེ་སློང་དག་རྣམ་གྲངས་དེས་ཀྱང་འདི་ལྟར་རིག་པར་བྱ་སྟེ། ཇི་ལྟར་ངས་སྦྱིན་པའི་འབྲས་བུ་དང་སྦྱིན་པ་ལ་འགོད་པའི
57b4 རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ཀྱིས་ཀྱང་སྦྱིན་པའི་འབྲས་བུ་དང་སྦྱིན་པ་ལ་འགོང་བའི་རྣམ་པར་སྨིན་པ་ཤེས་པར་གྱིས་ཤིག། གང་ཁམ་ཕྱི་མའི་ཁམ་ཕྱི་མ་ཅིག་པོ་དེ་ཡང་གཞན་དག་ལ་མ་བྱིན་མ་བགོས་པར་བདག་གི།
57b5 བར་མི་བྱའོ།། སེར་སྣའི་སེམས་ཀྱི་དྲི་མ་སྐྱེས་ཀུན་ནས་དཀྲིས་ཏེ་འདུག་པར་མི་བྱའོ།། ཇི་ལྟར་ངས་ཤེས་པ་དེ་བཞིན་དུ་འདི་ལྟར་སེམས་ཅན་དག་གི་སྦྱིན་པ་ལ་འགོད་པའི་རྣམ་པར་སྨིན་པ་མི་ཤེས་ཏེ། དེ་ལྟ་བས་ན་སེམས་ཅན་གང་ཁམ་ཕྱི།
57b6 མ་ཕྱི་མའི་ཁམ་གཅིག་པོ་དེ་ཡང་གཞན་དག་ལ་མ་བྱིན་མ་བགོས་པར་བགོས་ཉིད་ཀྱིས་བཟའ་བར་མི་བྱའོ།། སེར་སྣའི་སེམས་ཀྱི་དྲི་མ་སྐྱེས་པས་ཀུན་ནས་དཀྲིས་ཏེ་འདུག་པར་མི་བྱའོ།། སྔོན་གྱི་དགེ་དང་མི་དགེ་བྱས་པ་ཆུད་མི་ཟ།། མཁས་པ་དག་ལ
57b7 བརྟེན་པ་ཆུང་ནི་མི་ཟ་སྟེ། ། འཕགས་པའི་སྐྱེ་བོས་ལེགས་པར་བཤད་པ་ཆུད་མེ་ཟ།། བྱས་པ་གཟོལ་བྱས་པ་རྣམས་ཀྱང་ཆུད་མི་ཟ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ
57b8 དག་དང་། ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །། གསེར་མདོག་གི་སྔོན་གྱི་སྦྱོར་བ་ཞི་བྱ་བ་རྫོགས་སྷོ།།
iiif viewer powered by OpenSeadragon
