| e-texts navigator |
| Wylie |
55b1 ཡུན་མི་རིང་བ་ཉིད་དུ་འགག་པའི་ཆོས་ཡིན་ནོ་ཞེས་བྱ་བར་རིག་ནས་དེ་ཉིད་ཏུ་རང་བྱང་ཆུབ་རྗེས་སུ་ཐོབ་བོ།། དེ་ནས་བཅོམ་ལྡན་འདས་རང་སངས་རྒྱས་དེའི་རྐྱེན་ཇི་ལྟ་བ་བཞིན་གྱིས། ཆོས་ཐོབ་པ་མཐོང་ནས་དེའི་ཚེ་ཚིགས་སུ་བཅད་པ་འདི་དག་སྨྲས་པ། ཡང
55b2 དག་བསྙེན་ནས་ཆགས་གྱུར་ལ། ། ཆགས་ལས་སྡུག་བསྔལ་འདི་བྱུང་སྟེ།། ཆགས་ལ་སྡུག་བསྔལ་འདི་འཇུག་པས། དེ་ཕྱིར་མཁས་པས་ཆགས་སུན་ཕྱུང་།། བསེ་རུ་ལྟ་བུར་ཅིག་པུ་སྤྱད།། དེ་ནས་བཅོམ་ལྡན་འདས་རང་སངས་རྒྱས་དེ་འདི་སྙམ
55b3 གྱུར་ཏེ། བདག་གིས་སེམས་ཅན་རྣམས་ཀྱི་ཕྱིར་དགའ་བ་མང་ཞིག་སྤྱད་པས་ན་སུལ་ཡང་ཕན་པ་བྱས་པ་མ་ཡིན་ཏེ། བདག་གིས་དེར་མུ་ཞིག་ལ་སྙིང་བརྩེ་བར་བྱ་ཞིང་། བདག་གིས་དེང་སུ་ཞིག་ལ་བསོད་སྙོམས་བླངས་ཏེ། ཡོངས་སུ་བཟའ་བར་བྱ་སྙམ
55b4 མོ། ། དེ་ནས་བཅོམ་ལྡན་འདས་རང་སངས་རྒྱས་དེ་མི་ལས་ཤིན་དུ་འདས་པའི་ལྷའི་སྤྱན་གྱིས་འཛམ་བུ་གླིང་འདི་ཀུན་དུ་བལྟས་པ་དང་། བཅོམ་ལྡན་འདས་རང་སངས་རྒྱས་དེས་འཛམ་བུ་གླིང་གི་ཟས་ལ་སོགས་པ་ཡོངས་སུ་ཟད་པ་མཐོང་སྟེ། གཞན་དུ་རྒྱལ
55b5 པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་དོ། ། དེ་འདི་སྙམ་དུ་གྱུར་ཏེ། བདག་གིས་ངེས་པར་རྒྱལ་པོ་གསེར་མདག་ལ་སྙིང་བརྩེ་བར་བྱ་ཞིང་། བདག་གིས་ངེས་པར་རྒྱལ་པོ་གསེར་མདོག་ལ་ཟས་ལྷག་མ་བྲེའུ་ཆུང་གང་ཞིག་ཡོད་པ་ལས
55b6 བླངས་ཏེ། ཡོངས་སུ་བཟའ་བར་བྱའོ་སྙམ་མོ།། དེ་ནས་བཅོམ་ལྡན་འདས་རང་སངས་རྒྱས་དེ། དེའི་རྫུ་འཕྲུལ་འདི་ལྟ་བུས་ནམ་མཁའ་ལ་མངོན་སུམ་དུ་སོང་སྟེ། ལུས་སྣང་བར་བྱ་བཞིན་དུ་རྫུ་འཕྲུལ་གྱིས་རྒྱལ་པོའི་ཕོ་བྲང་གསེར་ཅན་གང་ན་བ་དེར་སོང་ངོ་།།
55b7 དེའི་ཚེ་རྒྱལ་པོ་གསེར་མདག་བློན་པོ་ལྔ་སྟོང་ཙམ་དང་། ཁང་བཟངས་ཀྱི་སྟེང་ན་འཁོད་པར་གྱུར་ཏོ།། བཅོམ་ལྡན་འདས་རང་སངས་རྒྱས་དེ་རྒྱང་རིང་པོ་ནས་འདིར་འོང་བ་ན་སྒྲ་ཆེན་པོ་ལ་གཏོགས་པ་གཅིག་གིས་མཐོང་ངོ་།། མཐོང་ནས་སྣ་ཆེན་པོ་ལ་གརྨ
55b8 པ་དག་པོས་ནས་གྲོང་གི་གཙོ་བོ་དག་ལྟོས་ཤིག། འདི་ལྟར་རྒྱད་རིང་པོ་ནས་བྱ་དམར་པོ་འཕུར་བ་ཞིག་འོང་དོ།། སྣ་ཆེན་པོ་ལ་གཏོགས་པ་གཉིས་པས་སྨྲས་པ། གྲོང་གི་གཙོ་བོ་དག་འདི་ནི་བྱ་དམར་པོ་འཐུང་བ་མ་ཡིན་གྱི། འདི་ནི་སྲིན་པོ་མདངས་འབྲོག
iiif viewer powered by OpenSeadragon
