| e-texts navigator |
| Wylie |
55a1 རྣམས་བཅས་པ་དང་སྐམ་པས་གས། ། ལ་བཅུ་གཉིས་པ་བྱུང་བར་མ། བརྟགས་གཉིས་དང་གསུས་དང་བག་དང་འདང་བདུག་ཅིག་གི་བར་དུ་ད་མང་དུ་སྨྲས་པ་དང་། བུད་མ་དང་བྱར་དྲང་བུམ་རྣམས་ས་པར་གྱུར་ན་དང
55a2 ཆེན་འཛམ་བུ་གླིང་གི་ཟས་ལ་སོག་པ་ཐམས་ཅད་ཡོངས་སུ་ཟད་དེ་གཞན་དུ་ན་རྒྱལ་པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་དོ། ། དེའི་ཚེ་དུས་གཞན་ཞིག་ན། བསྐལ་པ་བཞི་བཅུར་སྤྱད་པའི་བྱང་ཆུབ་སེམས་དཔའ
55a3 ཞིག་མི་འཛོད་འཇིག་རྟེན་གྱི་ཁམས་འདིར་ཕྱིན་པར་གྱུར་ཏོ། ། བྱང་ཆུབ་སེམས་དཔའ་དེས་གཞན་ཞིག་ཏུ་ནགས་ཁྲོད་ཞིག་ན་བུ་དང་མ་གཉིས་ཉལ་པོ་བྱེད་པ་ཞིག་མཐོང་ངོ་།། མཐོང་ནས་ཀྱང་འདི་སྙམ་དུ་གྱུར་ཏེ། ཨེ་མའོ་ཉོན་མོངས་སོ།། སེམས་ཅན་འདི
55a4 དག་ནི་ཉོན་མོངས་སོ། ། གང་གི་ཚེ་ཟླ་བ་དགུ་རུམ་དེ་ཉིད་དུ་གནས་ལ། དེ་ཉིད་ཀྱི་ནུ་མ་ལ་འགྲུས་ནས་དེ་ཉིད་དུ་དེ་ལྟར་བྱེད་འདི་འདྲ་བའི་སེམས་ཅན་ཆོས་མ་ཡིན་པའི་འདོད་ཆགས་ཀྱིས་ཞེན་པ། ལོག་པར་ལྟ་བ་འདོད་པ་མི་བཟད་པས་ཟིལ་གྱིས་མནོན་པ།
55a5 ཕར་མི་འཛིན་པ་མར་མི་འཛིན་པ་དགེ་སྦྱོང་དུ་མི་འཛིན་པ་བྲམ་ཟེར་མི་འཛིན་པ་རིགས་ཀྱི་རྒན་རབས་ལ་བཀུར་སྟི་མི་བྱེད་པ་རྣམས་ཀྱིས་བདག་ཆོག་སྟེ། འདི་འདྲ་བའི་སེམས་ཅན་རྣམས་ཀྱི་དོན་བྱང་ཆུབ་ཀྱི་སྤྱོད་པ་སྤྱད་པ་སུ་ཞིག་སྤྲོ། བདག་ནི་ངེས
55a6 པར་བདག་གཅིག་པུའི་དོན་སྒྲུབ་པོ་སྙམ་མོ། ། དེ་ནས་བྱང་ཆུབ་སེམས་དཔའ་དེ་བཞིན་དུ་ཤིང་ལྗོན་པའི་དྲུང་གང་ན་བ་དེར་སོང་སྟེ་ཕྱིན་ནས་ཤིང་ལྗོན་པའི་དྲུང་དེར་དཀྱིལ་མོ་དཀྲུང་བཅས་ནས་ལུས་སྲང་སྟེ། དགའ་བ་དང་བདེ་བ་དང་དྲན་པ་མངོན་དུ་བཞག
55a7 ནས་འདུག་གོ། ། དེ་ནས་བྱང་ཆུབ་སེམས་དཔའ་དེ་ཉེ་བར་ལེན་པའི་ཕུང་པོ་ལྔ་རྣམས་ལ། སྐྱེ་བ་དང་འཛག་པར་རྗེས་སུ་ལྟ་ཞིང་གནས་ཏེ། འདི་ནི་གཟུགས་ཏེ། གཟུགས་འདི་ནི་སྐྱེ་བའོ།། གཟུགས་འདི་ནི་འཇིག་པའོ།། འདི་ནི་ཚོར་བ་འདི་ནི་འདུ་ཤེས
55a8 འདི་ནི་འདུ་བྱེད། འདི་ནི་རྣམ་པར་ཤེས་པ་སྟེ། རྣམ་པར་ཤེས་པ་འདི་ནི་སྐྱེ་བའོ།། རྣམ་པར་ཤེས་པ་འདི་ནི་འཇིག་པའོ་ཞེས་དེ་ཉེ་བར་ལེན་པའི་ཕུང་པོ་ལྔ་པོ་རྣམས་ལ་སྐྱེ་བ་དང་འཇིག་པར་རྗེས་སུ་ལྟ་ཞིང་གནས་སོ།། གང་ཅུང་ཟད་སྐྱེ་བའི་ཆོས་དེ་ཐམས་ཅད་ནི།།
iiif viewer powered by OpenSeadragon
