| e-texts navigator |
| Wylie |
54b1 པོ་དག་ཁྱེད་རྣམས་ངེད་ལ་འཛམ་བུའི་གླིང་གི་ཟས་ལ་སོགས་པ་ཐམས་ཅད་བསྡུས་ཤིག། ཟས་ལ་སོགས་པ་བསྡུས་ཏེ། གཅོལ་ལ་གྲོངས་ཤིག། བཙལ་ཏེ་བགྲངས་ནས་གྲོང་དང་གྲོང་ཁྱེར་དང་། གྲོང་རྡལ་དང་རྒྱལ་པོའི་ཕོ་བྲང་འཁོར་ཐམས་ཅད
54b2 དུ་བད་བ་བཟང་པོ་གཅིག་རྩིགས་ཤིག་ཅེས་སྒོའོ། ། དེ་ནས་རྩིས་པ་དང་སྣ་ཆེན་པོ་ལ་གཏོགས་པ་དང་ཐོན་པོ་དང་། བསྒོ་བ་དང་འཁོར་རྣམས་ཀྱིས་རྒྱལ་པོ་གསེར་མདོག་གི་ལྟར་མཉན་ནས་འཛམ་བུའི་གླིང་གི་ཟས་ལ་སོགས་པ་ཐམས་ཅད་བསྡུས
54b3 སོ། ། ཟས་ལ་སོགས་པ་བསྡུས་ནས་གཅལ་བགྲངས་ཏེ། གྲོང་དང་གྲོང་ཁྱེར་དང་ཟོང་རྡལ་དང་རྒྱལ་པོའི་ཕོ་བྲང་འཁོར་རྣམས་བད་པ་ཅིག་བྱས་ནས་བླུགས་སོ།། བང་པ་གཅིག་བྱས་ནས་བླུགས་ཏེ། རྒྱལ་པོ་གསེར་མདོག་གལ་བ་དེར་སོང་ཏེ་ཕྱིན
54b4 ནས་རྒྱལ་པོ་གསེར་མདོག་ལ་འདི་སྐད་ཅེས་སྨྲས་སོ། ། ལྷ་མཁྱེན་པར་མཛོད་ཅིག། གྲོང་དང་གྲོང་ཁྱེར་དང་གྲོང་རྡལ་དང་རྒྱལ་པོའི་ཕོ་བྲང་འཁོར་ཐམས་ཅད་ཀྱི་ཟས་ལ་སོགས་པ་བསྡུས་སོ།། བསྡུས་ནས་ཀྱང་གཅལ་ཞིང་བགྲངས་ལགས་སོ།།
54b5 གཅལ་ཞིང་བགྲངས་ནས་གྲོང་དང་གྲོང་ཁྱེར་དང་གྲོང་རྡལ་དང་། རྒྱལ་པོའི་ཕོ་བྲང་འཁོར་ཐམས་ཅད་དུ་བང་པ་བགྱིས་ནས་སྩལ་ཀྱང་ལགས་ཀྱིས་ཁྱོད་གང་གི་དུས་ཉིད་དགོངས་སམ། དེ་ནས་རྒྱལ་པོ་གསེར་མདོག་གིས་གྲངས་པ་དང་རྩིས་པ
54b6 དང་། ཡི་གེ་བའི་མི་རྣམས་བོས་ནས་འདི་སྐད་ཅེས་སྨྲས་སོ།། གྲོང་གི་གཙོ་བོ་དག་ཁྱེད་རྣམས་དེད་ལ། འཛམ་བུའི་གླིང་གི་མི་ཐམས་ཅད་གྲོངས་ཤིག། དམན་ཚད་ལེགས་པར་གྲོངས་ལ། འཛམ་བུ་གླིང་གི་མི་ཐམས་ཅད་ཀྱི་བཟའ་བ
54b7 ལེགས་པར་མཉམ་པར་བགོ་བར་བགྱིས་ཤིག། གྲངས་པ་དང་རྩེས་པ་དང་ཡི་གེ་བའི་མི་རྣམས་ཀྱིས་རྒྱལ་པོ་གསེར་མདོག་གི་ལྟར་མཉན་ནས། འཛམ་བུ་གླིང་གི་མི་ཐམས་ཅད་ལེགས་པར་བགྲངས་སོ།། རྒྱལ་པོ་གསེར་མདོག་མན་ཆད
54b8 ལེགས་པར་བགྲངས་ནས་འཛམ་བུའི་གླིང་གི་མེ་ཐམས་ཅད་བཟའ་བ་མཉམ་པར་འགོད་དོ། ། ལོ་བཅུ་གཅིག་གི་བར་དུ་ནི་ཤི་བ་མེད་དོ།། ལོ་བཅུ་གཉིས་པ་བྱུང་བའི་ཚེ་ཟླ་བ་ཅིག་ལ། དེར་མང་དུ་སྐྱེས་པ་དང་བུད་མེད་དང་ཁྱེའུ་དང་བུ་མོ
iiif viewer powered by OpenSeadragon
