| e-texts navigator |
| Wylie |
53b1 གསེར་མདོག་དེ་ཕྱག་སྟེནོར་མང་ལ་ལོངས་སྤྱོད་ཆེ་ཞིང་བདག་དབང་བ་མང་བ་དང་དབྱིག་དང་ཡོ་བྱད་མང་བ་དང་ནོར་དང་འབྲུ་དང་ནོར་བུ་དང་མུ་ཏིག་དང་མན་ཤེལ་དང་བྱི་རུ་མང་བ་དང་། གསེར་དང་དངུལ་མང་བ་དང་གླང་པོ་ཆེ་དང་རྟ་དང་། བ་ལང་དང་རྟ་རྒོད་མ
53b2 མང་བ་དང་མཛོད་དང་བ་བ་ཡོངས་སུ་གང་བ་ཞིག་བྱུང་ངོ་། ། རྒྱལ་པོ་གསེར་མདོག་གི་ཕོ་བྲང་གྲོང་ཁྱེར་གསེར་ཅན་ཞེས་བྱ་བར་གཏགས་ཏེ། ཆུར་ནི་ཤར་ནས་ནུབ་དུ་དཔག་ཚད་བཅུ་གཉིས་ཡོད་དེ།། ཞེང་ནི་ལྷོ་ནས་བྱད་དུ་དཔག་ཚད་བདུན་ཡོད་དེ།
53b3 འབྱོར་པ་དང་རྒྱས་པ་དང་བདེ་བ་དང་། ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ་རྣམས་ཀྱིས་གང་ངོ་།། རྒྱལ་པོ་གསེར་མདོག་ལ་གྲོང་ཁྱེར་བརྒྱད་ཁྲི་ཡོད་དེ། འབྱོར་པ་དང་རྒྱས་པ་དང་། བདེ་བ་དང་ལོ་ལེགས་པ་དང་། ཉམས་དགའ་ཞིང་སྐྱེ་བོ
53b4 མང་པོ་དང་མི་མང་པོ་རྣམས་ཀྱིས་གང་ངོ་། ། གྲོངས་ཡ་ཕྲག་ལྔ་བདུན་འབུམ་ཡོ་དང་། འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ་རྣམས་ཀྱིས་གང་ངོ་།། རི་འོར་བ་དྲུག་ཁྲི་ཡོད་དེ། འབྱོར་པ་དང་རྒྱས་པ་དང་།
53b5 བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ་རྣམས་ཀྱིས་གོདོ།། རྒྱལ་པོ་གསེར་མདོག་གི་བློན་པོ་ཁྲི་བརྒྱད་སྟོང་ཡོད་དོ།། བུད་མེད་སླས་ཉི་ཁྲི་ཡོད་པར་གྱུར་ཏོ།། དེ་ནས་རྒྱལ་པོ་གསེར་མདོག་ཆོས་དང་ལྡན་པའི་ཆོས་ཀྱི་རྒྱལ་པོའི
53b6 ཆོས་ཀྱི་རྒྱལ་སྲིད་བྱེད་པར་གྱུར་ཏོ། ། རྒྱལ་པོ་གསེར་མདོག་ཐམས་ཅད་སྦྱིན་པར་བྱེད་དེ། དེས་ཐ་ན་རང་གི་ལུས་ཀྱི་ཤ་མན་ཆད་ཡོངས་སུ་མི་གཏོང་བ་ཅི་ཡང་མེད་དོ།། དེའི་དུས་ན་མི་རྣམས་ཀྱི་ཚེ་ཚད་ལོ་བརྒྱད་ཁྲི་བཞི་སྟོང་ཐུབ་པར་གྱུར་ཏོ།། དེའི་ཚེ
53b7 དུས་གཞན་ཞིག་ན། རྒྱལ་པོ་གསེར་མདོག་ཅིག་པུ་དབེན་པར་ནང་དུ་ཡང་དག་འཇོག་ལ་ཞུགས་ནས་སེམས་ཀྱིས་སེམས་ཀྱི་ཡོངས་སུ་རྟོག་པ་འདི་སྙམ་དུ་སྐྱེས་ཏེ། གང་བདག་གིས་ངེས་པར་ཚོད་པ་ཐམས་ཅད་ལ་ནི་ལ་གཅན་དང་ཤོ་གམ་རྣམས་མི
53b8 དབབ་པར་བྱའོ། ། འཛམ་བུའི་གླིང་གི་མི་ཐམས་ཅད་ལ་ནི་དཔྱ་དང་སྒྱུ་རྣམས་མི་དབབ་པར་བྱའོ་སྙམ་མོ་དེ་ནས་རྒྱལ་པོ་གསེར་མདོག་གིས། རྩིས་པ་དང་སྣ་ཆེན་པོ་ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་པོས་ཏེ། འདི་སྐད་ཅེས་སྨྲས་སོ།།
iiif viewer powered by OpenSeadragon
