| e-texts navigator |
| Wylie |
53a1 དེ་བཞིན་ནོ། ། བཅོམ་ལྡན་འདས་ཀྱི་རང་བཞིན་ནི་འདི་ལྟ་སྟེ། གྱ་ཆེ་ཞིང་དགེ་ལ་གྲགས་པ་དང་སྒྲ་དང་ཚིགས་སུ་བཅད་པས་མངོན་པར་འཕགས་པ་སྟེ། འདི་ལྟར་བཅོམ་ལྡན་འདས་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར
53a2 རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་བསྒྱུར་བ་བླ་ན་མ་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ། ལྷ་དང་བཅས་པའི་འཇིག་རྟེན་དང་བདྲང
53a3 དང་བཅས་པ་དང་ཚངས་པ་དང་བཅས་དགེ་སྦྱོང་དང་བྲམ་ཟེར་བཅས་པ་དང་ལྷ་དང་མིར་བཅས་པ་འདི་རྣམས་རང་གི་མངོན་པར་མཁྱེན་པས་མངོན་སུམ་དུ་མཁྱེན་པར་མཛད་ནས་དམ་པའི་ཆོས་སྟོན་ཏེ། ཐོག་མར་དགེ་བ་བར་དུ་དགེ་བ་ཐ་མར་དགེ་བ་དོན་བཟང
53a4 པོ་ཚིག་འབྲུ་བཟང་པོ་མ་འདྲེས་པ། ཡོངས་སུ་རྫོགས་པ་ཡོངས་སུ་དག་པ་རྣམ་པར་བྱང་བ་ཚངས་པར་སྤྱོད་པ་ཡང་དག་པར་རབ་ཏུ་སྟོན་ཏོ།། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཇི་ལྟར་ངས་སྦྱིན་པའི་འབྲས
53a5 བ་ཨུ་དང་སྦྱིན་པ་ལ་འགོད་པའི་རྣམ་པར་སྨིན་པ་ཤེས་པ་ལྟར་སེམས་ཅན་རྣམས་ཀྱིས་ཀྱང་སྦྱིན་པའི་འབྲས་བུ་དང་སྦྱིན་པའི་ལ་འགོད་པའི་རྣམ་པར་སྨིན་པ་ཤེས་པར་གྱིས་ཤིག་གང་འདི་ཁམ་ཕྱི་མའི་འམ་ཕྱི་མ་ཅིག་པོ་དེ་ཡང་གཞན་དག་ལ་མ་བྱིན་མ
53a6 བགོས་པར་བདག་གིས་མི་བཟའ་བར་བགྱིས་ཤིག། སེར་སྣའི་སེམས་ཀྱི་དྲི་མ་སྐྱེས་པས་ཀུན་ནས་བཀྲིས་ཏེ་མ་འདུག་ཅིག། དགེ་སློང་དག་གང་གི་ཕྱིར་ཇི་ལྟར་ངས་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་ཤེས་པ་ལྟར། སེམས
53a7 ཅན་རྣམས་ནི་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་མི་ཤེས་ཏེ། དེ་ལྟ་བས་ན་སེམས་ཅན་རྣམས་གང་འདི་ཁམ་ཕྱི་མའི་ཁམ་ཕྱི་མ་ཅིག་པོ་དེ་ཡང་། གཞན་དག་ལ་མ་བྱིན་མ་བགོས་པར་བདག་ཉིད་ཟ་བར་བྱེད། སེར་སྣའི་སེམས
53a8 ཀྱི་དྲི་མ་སྐྱེས་པས་ཀུན་ནས་བཀྲིས་ཏེ་འདུག་གོ། ། དེ་ཅིའི་ཕྱིར་ཞེ་ན། དགེ་སློང་དག་སྔོན་བྱུར་བ་འདས་པའི་དུས་ན། རྒྱལ་པོ་གསེར་མདོག་ཅེས་བྱ་བ་གཟུགས་པཟང་པ་མཛས་བསྟན་དྲུགཔཔ་དོག་བཟང་པ་རྒྱས་པ་མཆོག་དང་ལྡན་པ་ཞིག་བྱུང་ངོ་།། རྒྱལ་པོ
iiif viewer powered by OpenSeadragon
