| e-texts navigator |
| Wylie |
220b1 སོགས་པའི་དམྱལ་བར་ཤིན་ཏུ་སྡུག་བསྔལ་ལན་པར་འགྱུར་རོ། ། དེ་ནི་མི་དགེ་བའི་མཆོག་ཅེས་བྱའོ།། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་ཁྱོད་མ་འོངས་པའི་ཚེ་ངའི་ཉེ་གནས་རྣམས་ལ་དོ།།
220b2 མཆོག་གསུམ་གྱི་དཀོར་ལ་མ་སྤྱོད་པར་འདུག་ཅིག་ཅེས་གྲོས་ཐོབ་ཤིག། དེ་ལྟར་མ་གྱུར་ཅེ། བཅོམ་ལྡན་འདས་ཀྱིས་གསུངས་པ་ལྟར་བྱས་ན། སངས་རྒྱས་བྱམས་པ་འཇིག་རྟེན་དུ་འབྱུང་བའི་ཚེ་གདོན་མི་ཟ
220b3 བར་གྲོལ་ལོ། ། བཅོམ་ལྡན་འདས་ཀྱིས་བཀའ་སྩལ་པ། ཚེ་འདི་ལ་གཞན་གྱི་ནོར་འཕྲོག་ན། ཚེ་ཕྱི་མ་ལ་ཤིན་ཏུ་གྲང་བའི་དམྱལ་བར་ལྷུང་ངོ་།། དར་གྱི་སྲིན་བུར་འགྱུར་ཏེ། བཙོ་ཞིང་བཞུ་བར་འགྱུར་རོ།།
220b4 ཚེ་འདི་ལ་སངས་རྒྱས་ཀྱི་སྐུ་གཟུགས་དང་མདོ་སྡེ་ལ་མར་མེ་ཡིས་སྣང་བ་མེད་པར་བྱེད་ཅིང་མི་དགེ་བ་ནི་ཁོ་ར་ཁོར་ཡུག་གི་མུན་ནག་གི་སེམས་ཅན་དམྱལ་བར་འགྱུར་རོ།། ཚེ་འདི་ལ་ཤན་པ་བྱེད་ཅིང་སེམས
220b5 ཅན་མང་པོའི་སྲོག་གཅོད་པ་ནི་རལ་གྲི་དང་། རལ་གྲི་ནགས་ཚལ་གྱི་སེམས་ཅན་དམྱལ་བར་ལྟུང་ངོ་།། ཚེ་འདི་ལ་ཁྲ་དང་ཁྱི་ལ་སོགས་པ་གཏོར་ཞིང་སྔོན་པ་བྱེད་པ་ལ་དགའ་བ་ནི་ལྕགས་ཀྱི་སོག་ལེའི་དམྱལ་བར་ལྷུང་ངོ་།།
220b6 ཚེ་འདི་ལ་ལོག་པར་གཡེམ་པ་ལ་དད་པ་ཆེ་བ་ནི་ཟངས་ཀྱི་ཀ་བ་དང་། ལྕགས་ཀྱི་བྲག་གི་སེམས་ཅན་དམྱལ་བར་ལྷུར་རོ།། ཚེ་འདི་ལ་ཆུང་མ་མང་དུ་བླངས་པ་ནི་ལྕགས་ཀྱི་གཏུན་གྱི་དམྱལ་བར་ལྟུང་ངོ་།། ཚེ་འདི་ལ་བུད་མེད
220b7 སྐྱེས་པ་དང་མང་དུ་ཉལ་བ་ནི་སྦྲུལ་གདུག་པའི་དམྱལ་བར་ལྟུང་སྟེ། ཚེ་འདི་ལ་བསྲེག་ཅིང་བཙོ་བའི་ཐལ་བ་འབེབས་པའི་དམྱལ་བར་ལྷུང་སྟེ། ཚེ་འདི་ལ་ཕག་དང་ཁྱིའི་སྤུ་གཏོགས་པས་ནི་ཤིན་ཏུ་བསྐོལ་བའི་དམྱལ
220b8 བར་ལྟུང་ངོ་། ། ཚེ་འདི་ལ་ཕག་དང་ཁྱི་དང་རྟའི་འབྲས་བུ་བཏོན་པས་ནི་རྡོ་ཟུག་རྔུའི་དམྱལ་བར་ལྷུང་ངོ་།། ཚེ་འདི་ལ་ཚད་མར་དུ་འཐུངས་པ་མྱོས་པ་ཟངས་ཁུ་འཐུང་བའི་དམྱལ་བར་སྐྱེའོ།། ཚེ་འདི་ལ་སེམས་ཅན
iiif viewer powered by OpenSeadragon
