| e-texts navigator |
| Wylie |
220a1 ཁྲི་ཕྲག་བརྒྱ་སྙེད་དུ་ཆར་པ་ལུས་ཀྱི་སྟེང་དུ་འབེབས་ཤིང་དེའི་ལུས་གཏུབས་པར་འགྱུར་རོ། ། དེ་ནས་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན
220a2 འདས་ཀྱིས་ཇི་ལྟར་གསུངས་པ་དེ་ལྟར་དགེ་འདུན་གྱི་ནོར་ལ་སྤྱོད་པ་སྡིག་ལྕི་བར་གསུངས་ཏེ། གལ་ཏེ་དེ་ལྟར་དགེ་བའི་ལས་ལ་ཕྱོགས་པ་དང་། སྦྱིན་བདག་ལ་སོགས་པ་ཇི་ལྟར་གཙུག
220a3 ལག་ཁང་གི་ནང་དུ་བསྟི་སྟར་བགྱིད་པ་དང་། ཕྱག་འཚལ་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷ་ཁང་དུ་འགྲོ་བ་ལ་སེམས་རྣམ་པ་གཉིས་ཡོད་དེ།
220a4 དགེ་བའི་སེམས་དང་། མི་དགེ་བའི་སེམས་སོ།། དེ་ལ་ཇི་ལྟར་ན་དགེ་བའི་སེམས་ཞེས་བྱ་ཞེ་ན། ལྷ་ཁང་དུ་ཕྱིན་པའི་ཚེ་སངས་རྒྱས་མཐོང་ན་ཕྱག་འཚལ་ཞིང་། དགེ་འདུན་ལ་བཀུར་སྟི་བྱེད་ཅིང་། མདོ་སྡེ་འདྲི
220a5 འམ། འདོན་ནམ། ཁྲིམས་ནོད་དམ། སྡིག་པ་བཤགས་པ་འམ། དཀོན་མཆོག་གསུམ་གྱི་སྤྱི་ནོར་ལ་སོགས་པ་གཏོང་ངམ། སྲོག་ལ་ཡང་མི་ཆགས་པར་དམ་པའི་ཆོས་འཛིན་པ་ནི་གོམ་པ་གཅིག་པོར
220a6 བས་ཀྱང་ལྷར་སྐྱེ་བར་འགྱུར་རོ། ། མ་འོངས་པའི་དུས་ན་ཁྱིམ་པ་དག་ཏུ་ཞུགས་ཏེ། དེ་དང་འདྲ་བའི་ལོངས་སྤྱོད་དང་ལྡན་པར་འགྱུར་རོ།། དེ་ནི་དགེ་བའི་མཆོག་དང་ལྡན་པ་ཡིན་ནོ།། དེ་ལ་གང་མི་དགེ
220a7 བ་ནི་ལྷ་ཁང་དུ་འཇུག་པའི་ཚེ། དགེ་འདུན་ལ་སློངས་མོ་དང་། བསྐྱི་བརྙ་བྱེད་པ་དང་། དགེ་འདུན་ལ་སྐྱོན་ཚོལ་ཞིང་། གླན་ཀ་ཚོལ་བ་དང་།། དགེ་འདུན་གྱི་ཞལ་ཟས་ཟོས་ཀྱང་ཚིམ་པ་མེད་ཅིང་། བཟ
220a8 ཤིང་དང་། ཤིང་ཏོག་དང་། ལྡུམ་སྦྱར་ལ་སོགས་པ། ཁྱིམ་དུ་ཁྱེར་བ་དེ་ལྟ་བུ་ནི་ཤིན་ཏུ་དམྱལ་བའི་འཁོར་ལོ་དང་། ཤིན་ཏུ་འབར་བ་དང་། རལ་གྲིའི་རི་དང་། རལ་གྲིའི་ཤིང་ལས
iiif viewer powered by OpenSeadragon
