| e-texts navigator |
| Wylie |
219a1 གཙང་ས་ཆུད་པ་ནི་འཕགས་པ་ལ་མ་མཛད་པ་ལས་འངསས།། གླ་གང་དང་རོལ་མ་ལ་དགའ་བ་ནི། རལ་མོ་མཁན་དུ་སྐྱེའོ།། འདོད་ཆགས་ཆེ་བ་ནི་བྱ་ལས་འདས་སོ།། ལྭ་བ་ཅན་ན
219a2 ལྡོག་པ་ལས་འོངས་སོ། ། ཁ་དམན་པ་ནི་ཚིག་རྩུབ་མོ་སྨྲ་བ་ལས་འོངས་སོ།། མཚན་དང་མི་ལྡན་པ་ནི་ཁྱི་དང་། ཕག་དང་། རྟའི་འབྲས་བུ་བཏོན་པ་ལས་འོངས་སོ།། ལྕེ་ཐུང་པ་ནི་བཙུན་པ་དང་བླ་མ་ལ་ཁ་བྱས་པ
219a3 དང་རྟོག་ཏུ་འཕྱས་པ་ལས་འོངས་སོ། ། གཞན་གྱི་ཆད་མ་ལ་གཡེམ་པ་བྱས་པ་ནི་དང་མོ་དང་། ངུར་པར་སྐྱེའོ།། གཉེན་དགུ་ལ་གཡོག་བྱས་པ་ནི་བྱིའུ་མཆིལ་བར་སྐྱེའོ།། མདོ་སྡེ་དང་གཙུག་ལག་གི
219a4 ཡི་གེ་སྤྱོད་ཅིང་སེར་སྣས་གཞན་ལ་མི་གཏོན་པ་ནི་ཚེའི་དུས་བྱས་ནས་ཐང་གི་སྲིན་བུར་སྐྱེའོ། ། མདའ་གཞུ་ཐོགས་པ་དང་། རྟ་ཞོན་པ་ལ་དགའ་བ་ནི། ཚེ་ཕྱི་མ་ལ་འཕར་བ་དང་། སྤྱང་གིར་སྐྱེའོ།།
219a5 སྐྲ་ཐུད་པ་དང་། མགོ་རྒྱན་བཏགས་པ་ལ་དགའ་བ་ནི། ཚེ་ཕྱི་མ་ལ་སྲིན་བུ་མཆུ་རེངས་སུ་སྐྱེའོ།། ཉལ་ཞིང་ཟ་བ་ལ་དགའ་བ་ནི་ཚེ་ཕྱི་མ་ལ་ཕག་ཏུ་སྐྱེའོ།། དར་མཚོན་གྱི་གོས་ལ་དགའ་བ་ནི་བྱིའུ
219a6 ཁྲེའུར་སྐྱེའོ། ། མི་སྙན་ཟློས་ཤིང་། ཀུ་རེ་ལ་དགའ་བ་ནི་བྱ་ནེ་ཙོ་རུ་སྐྱེའོ།། ཕྲ་མ་བྱེད་པ་ལ་དགའ་བ་ནི། ཚེ་ཕྱི་མ་ལ་ལྟོ་འཕྱེ་མགོ་དྲུག་པར་སྐྱེའོ།། མ་འོས་པར་ཀུ་རེ་བྱེད་པ་ལ་དགའ་བ་ནི། ཚེ་བྱི
219a7 མ་ལ་སྲིན་བུ་རྨོངས་པར་སྐྱེའོ། ། གཏམ་ངན་སྐྱེལ་བ་ལ་དགའ་བ་ནི་ཚེ་ཕྱི་མ་ལ་སྲིན་བྱར་སྐྱེའོ།། མི་ལ་གནོད་པ་དང་ངན་ཏུ་དགའ་ཞིང་གཏམ་ལ་སྲེད་པ་ནི་ཚེ་ཕྱི་མ་ལ་ལར་སྐྱེའོ།། མི་སྤངས་པ་ལ་དགའ་བ་ནི
219a8 ཚེ་ཕྱི་མ་ལ་སྲིན་བུ་དོ་ལོག་ཏུ་སྐྱེའོ། ། ཚེ་སྔ་མ་ལ་ཤིང་ལྷམ་གྱོན་ཞིང་། ལྷ་ཁང་དུ་འགྲོ་བ་ནི་ཚེ་ཕྱི་མ་རྟར་སྐྱེའོ།། ཚེ་སྔ་མ་ལ་འཕྱེན་བག་མེད་པར་བཏད་པས་ནི་ཚེ་འདི་ལ་སྲུར་བར་སྐྱེའོ།། ཚེ་སྔ་མ་ལ་དགེ
iiif viewer powered by OpenSeadragon
