| e-texts navigator |
| Wylie |
217a1 སྟོན་ཅིང་བཞུགས་སོ། ། དེ་ནས་དགའ་བོས་འགྲོ་བ་མང་པོའི་དོན་གྱི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ད་ལྟར་འཇིག་རྟེན་གྱི་ཁམས་འདིར་རིགས་འཐུན་པའི་ནང་འདི
217a2 སྐྱེས་པ་ལས་བཟང་པོ་ཡང་མཆིས་མི་སྡུག་པ་ཡང་མཆིས། དྲག་པོ་ཡང་མཆིས་ཞན་པ་ཡང་མཆིས་དབུལ་པོ་ཡང་མཆིས་ཕྱུག་པོ་ཡང་མཆིས་ཉོན་མོངས་པ་ཡང་མཆིས། བདེ་བ་ཡང་མཆིས་བཙན་པ་ཡང་མཆིས
217a3 མ་རབས་ཀྱང་མཆིས། སྐད་ནི་མི་མཚུངས་ཚིག་ནི་མི་འཐུན། ལ་ལ་ནི་ལོ་བརྒྱ་ལོན་ནས་མཆི་བ་ཡང་མཆིས།། ལ་ལ་ནི་སུམ་བཅུ་འམ། བཅུ་ལོན་ནས་མཆི་བ་ཡང་མཆིས། ལ་ལ་ནི་བྱང་བཞིན་བཟང་ཡང་དབུལ་ལ། ལལ
217a4 ནི་མི་སྡུག་པ་ལ་ཕྱུག་པ་ཡང་མཆིས། ཉམས་རྩལ་ཆེ་བ་ནི་མ་རབས་ཀྱི་ནང་ན་ཡང་མཆིས། ཉམས་བརྩལ་ཆུང་ལ་གྲལ་མཐོ་བ་ཡང་མཆིས། ལ་ལ་ནི་ཉོན་མོངས་ལ་ཚེ་རིང་བ་ཡང་མཆིས། ལ་ལ་ནི་སྐྱིད་ཅིང་ཚེ་ཐུང
217a5 ལ་ལ་ནི་ལེགས་པར་སྤྱོད་པ་ལ་བྲུར་དང་ཕྲད་། ལ་ལ་ནི་མི་དགེ་བ་སྤྱོད་པ་ལ་ལགས་པའི་དོན་དུ་འགྱུར་བ་ཡང་མཆིས། དཀར་ཞིང་ཤ་བཟང་ལ་མི་གཡོ་བ་ཡང་མཆིས། ལ་ལ་ནི་སྔོ་ཞིང་གནག་ལ་མདངས་དང་ལྡན
217a6 པ་ཡང་མཆིས་ལ་ལ་ནི་ལུས་ཆུང་ཞིང་ཐུང་ལ་སྙིང་བརྩལ་དང་ལྡན་པ་ཡང་མཆིས། ལ་ལ་ནི་ཆེ་ཞིང་རིང་ཡང་གཞན་གྱི་བྲན་གཡོག་བགྱིད་པ་ཡང་མཆིས། ལ་ལ་ནི་བུ་ཆ་མང་བ་ཡང་མཆིས། ལ་ལ་ནི་རྨང་བ་ཡང་།
217a7 མཆིས། ལ་ལ་ནི་རྟག་པར་ཕྱི་རོལ་དུ་འཁྱམ་ལ་བཀྲེས་པ་ཡང་མཆིས། ལ་ལ་ནི་ཕོ་བྲང་གི་ནང་ན་འདུག་ཅིང་གོས་དང་ཟས་ཀྱིས་མི་བྲེལ་ཏེ་ལོངས་སྤྱོད་པ་ཡང་མཆིས།། གཞོན་ན་དབུལ་ཞིང་ནས་ན་ཕྱུག་ཅིང་བཙན
217a8 པ་ཡང་མཆིས། དྲང་རྐན་ཆེ་ཞིང་འགལ་བར་མི་བྱེད་པཾ་ལས་གྱོད་ལ་ཐོག་པ་ཡང་མཆིས། ཕ་ནི་བྱམས་བུ་ནི་སྲི་ཞུ་ཆེ་སྟེ། གཙུག་ལག་གི་ཡིག་དང་གཞུང་སྨོས་ཤིང་བཤད་པ་ཡང་མཆིས། སྤུན་མི་འཐུན་ནས
iiif viewer powered by OpenSeadragon
