| e-texts navigator |
| Wylie |
205b1 ཁ་ཅིག་ནི་བཙལ་ན་གདོད་ཐོབ་པར་འགྱུར་ལ། ཁ་ཅིག་ནི་མ་རྩལ་བར་ཡང་རྙེད་པར་འགྱུར་བ་དང་། ཁ་ཅིག་ནི་བྱུག་ཀྱང་སེར་སྣ་ཆེ་ལ། ཁ་ཅིག་ནི་དབུལ་པོར་གྱུར་ཀྱང་གཏོང་བ་ལ་དགའ་བ་དང་། ཁ་ཅིག་ནི་ཚིག
205b2 སྦས་པ་རྣམས་མཉེན་ཞིང་དེས་ལ། ཁ་ཅིག་ནི་ཚིག་སྨྲས་པ་རྣམས་གཏུམ་ཞིང་བརླང་བ་དང་། ཁ་ཅིག་ནི་མང་པོ་ཀུན་གྱིས་བཀུར་ཞིང་སྟེད་དུ་སྡུག་པར་འགྱུར་ལ། ཁ་ཅིག་ནི་མང་པོ་ཀུན་གྱི་མ་ཐག་རིང་དུ་སྤོང་བར་བགྱིད་པ
205b3 དང་། ཁ་ཅིག་ནི་བྱམས་པའི་སེམས་ཀྱིས་སྲོག་ཆགས་གསོ་བར་བགྱིད་ལ། ཁ་ཅིག་ནི་སྲོག་ཆགས་དཔག་ཏུ་མ་མཆིས་པ་དག་བསོད་པར་བགྱིད་པ་དང་། ཁ་ཅིག་ནི་ཡངས་པ་མང་པོ་ཀུན་གྱིས་ཡིད་དུ་མཆི་བར
205b4 འགྱུར་ལ། ཁ་ཅིག་ནི་གཞན་དག་གིས་སྤོང་བར་བགྱིད་པ་དང་། ཁ་ཅིག་ནི་ཆུང་མ་དང་གྱོས་སྐྱུག་ལ་སྩོགས་པས་སྡང་བར་འགྱུར་ལ། ཁ་ཅིག་ནི་གཉེན་བཤེས་ཀུན་དགའ་བར་འགྱུར་བ་དང་། ཁ་ཅིག་ནི་ཆོས་ཀྱི་ཚིག
205b5 མཉན་པར་དགའ་བ་དང་། ཁ་ཅིག་ནི་མདོ་སྡེ་ཐོས་ནས་གཉིད་ལོག་བགྱིད་པ་དང་། ཁ་ཅིག་ནི་དཔའ་ཞིང་རྩལ་དང་ལྡན་ཡང་ཞེས་མ་མཆིས་ལ། ཁ་ཅིག་ནི་ཚིག་འབྲུ་དང་དོན་དགལ་སློབ་པར་མོས་པ་དང་། ཁ་ཅིག
205b6 ནི་དུད་འགྲོའི་དབྱིབས་ཐ་དད་པ་སྣ་ཚོགས་བགྱིས་པ་དག་གདའ་ན། བཅོམ་ལྡན་འདས་དེ་དག་གིས་འབྲས་བུ་གང་ལགས་པ་རྒྱ་ཆེར་བཀས་བཤད་དུ་གསོལ།། འཁོར་མང་པོ་རྣམས་ཀྱིས་ཐོས་ཤིང་རྟོགས་པར
205b7 འགྱུར་ལ་སེམས་རྩེ་གཅིག་ཏུ་དགེ་བ་ལ་གཞོལ་བར་འགྱུར་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་ཇི་ལྟར་དྲིས་པ་དེ་དེ་བཞིན་ཏེ། རྣམ་པར་སྨིན་པ་མྱོང་བར་མི་མཚུངས
205b8 པར་གྱུར་པ་དེ་དག་ཐམས་ཅད་ནི་ཚེ་རབས་སྔ་མ་དག་ལས་ཀྱི་སྤྱོད་པ་མི་མཉམ་པའི་དབང་གིས་ན་ཐ་དད་པའི་བྱེ་བྲག་བརྒྱ་སྟོང་མང་པོ་མྱོང་བར་གྱུར་པ་ཡིན་ཏེ། ཚེ་འདི་ལ་བྱད་བཞིན་སྡུག་པ་གང་ཡིན་པ་དེ་ནི
iiif viewer powered by OpenSeadragon
