| e-texts navigator |
| Wylie |
131a1 ཞབས་བཀྲུས་ཏེ། ནང་དུ་ཡང་དག་འཇོག་པའི་ཕྱིར་གཙུག་ལག་ཁང་གི་ནང་དུ་གཤེགས་སོ།། དེ་ནས་བཅོམ་ལྡན་འདས་ཕྱེ་མ་རེང་ནང་དུ་ཡང་དག་འཇོག་ལས་བཞེངས་ནས་དགེ་སློང་གི་དགེ་འདུན་གྱི་གང་ལ་གདན་བཤམས་པ་ལ་བཞུགས།
131a2 གདན་ལ་བཞུགས་ནས། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཁྱིམ་དེར་དོང་བ་རྣམས་འཐབ་སྟེ། འཚང་འདྲུ་ཞིང་འགྱེད་ལ་རྩོད་པར་གྱུར་ནས་ཁྱེད་འཐབ་སྟེ། འཚང་འདྲུ་ཞིང་འགྱེད་ལ་རྩོད
131a3 ཅིང་འཁོད་དེ། འཚམ་པ་མ་ཡིན་པའི་ལུས་ཀྱི་ལས་དང་། འཚམ་པ་མ་ཡིན་པའི་ངག་གི་ལས་བྱེད་ཅིང་འཁོད་ལ། ཇི་ཙམ་ན་རྡེག་པར་ཡང་བྱེད་པ་བདེན་ནམ། བཙུན་པ་མང་ལགས་སོ།། དེ་ནས་བཅོམ་ལྡན་འདས་ཀྱིས་དགེ
131a4 སློང་རྣམས་ལ་བཀའ་སྩལ་པ། ཁྱིམ་དེར་འདོད་པའི་དགེ་སློང་སྡེ་སྡེར་ཆད་པ་རྣམས་ལ་ཁྲིམས་སུ་བྱ་བའི་ཆོས་རྣམས་ངས་བཅའ་བར་བྱ་སྟེ། དགེ་སློང་སྡེ་སྡེར་ཆད་པ་རྣམས་ཀྱིས་རྩོད་པའི་གཙུགས་ཀྱི་གནས་སོ་ཅོག་སྤོངས
131a5 ཤིག། དགེ་སློང་ཐམལ་པར་འདུག་པ་རྣམས་ཀྱིས་ནི་དགེ་སློང་སྡེ་སྡེར་ཆད་པ་རྣམས་དང་ཉིན་པར་ཡང་མཚན་མོ་ཡང་རུང་ནང་པར་ཡང་རུང་དྲོལ་ཡང་རུང་སྟེ། གཙུག་ལག་ཁང་ཅིག་གམ་དགོན་པའམ་གྲོད་འདབ་གཅིག་ཏུ
131a6 གནས་པར་མ་བྱེད་ཅིག། ལྷན་ཅིག་ཏུ་ཡང་གནས་པར་མ་བྱེད་ཅིག་ལ་མ་ཅིག་ཏུ་ཡང་མ་འགྲོ་ཅིག་ལམ་ཏུ་ཡང་མ་འགྲོགས་ཤིག་བརྡ་ཡང་མ་བྱེད་ཅིག་བརྡའ་སྐད་ཀྱང་མ་ལེན་ཅིག། ཐ་རྒྱལ་བར་གནས་པས་ཅོད་པ
131a7 གཟུགས་དེ་ཁོང་དུ་ཆུད་ནས། ཆོས་བཞིན་དང་འདུལ་བ་བཞིན་དུ་ཞི་བར་བྱང་ནུས་ལ་སྟོན་པའི་བསྟན་པ་བསྲུང་བའི་ཕྱིར་འཐུན་པར་བྱེད་ནུས་ན་ནི། ཞི་བར་བྱེད་པའི་ཐབས་ཅིག་དག་ཅིང་འདུལ་བ་དང་འཐུན་པ་གཅིག་གིས
131a8 རྩོད་པའི་གཙུགས་དེ་ཞི་བར་བྱས་པ་ཞེས་བྱའོ། ། ལས་བརྒྱ་ཐམ་པ་ལས། སྡོམ་གྱི་ཚིགས་སུ་བཅད་པ་བཅུ་པ་སྟེ། ལས་བརྒྱ་པ་རྫོགས་སྷོ།།
iiif viewer powered by OpenSeadragon
