| e-texts navigator |
| Wylie |
319a1 གང་ཞེ་ན་གཞན་གྱི་ལྷོ་ཤུག་དང་ཉལ་བ་ཡིན། གླགས་ཚོལ་བ་ཡིན། ཁྱོ་ཤུག་དང་འཐབ་པ་ཡིན། ཁྱོ་ཤུག་འཕྲོག་པ་ཡིན། མི་དགེ་བའི་ཆོས་ཀུན་སྐྱེ་བ་ཡིན། དགེ་བའི་ཆོས་བྱེད་ཞིང་འབྲི་བར་འགྱུར་བ་ཡིན།། བདག
319a2 ཀྱང་བདེན་པར་མི་སྲུང་བ་ཡིན། བུ་སྨད་ལ་སོགས་པ་ཡང་བདེན་པར་མ་བསྲུངས་པ་ཡིན། དོགས་པར་འགྱུར་བ་ཡིན། གཉེན་དང་གྲོགས་པོ་དང་། རིགས་གཅིག་པ་དགྲར་འགྱུར་བའི་ལས་སེམས་ཤིང་བྱེད་པ་ཡིན་ཏེ། ཤི་ནས
319a3 ལུས་དང་བྲལ་ན་ལམ་ངན་པར་ལྟུང་ཞིང་སེམས་ཅན་དམྱལ་བར་སྐྱེའོ། ། བརྫུན་བྱས་ན་ངན་པ་བཅུར་འགྱུར་ཏེ་བཅུ་གང་ཞེ་ན་དེའི་ལུས་ལ་ལྷ་རྣམས་མི་འཁོར་བ་མི་མ་ཡིན་པ་རྣམས་འཁོར་བ་གཞན་གྱིས་སླུ་བ། བདག་གི།
319a4 ཚིག་མ་བརྟན་པ། ཁ་མ་ནམ་པ་དྲང་པོར་སྨྲས་ཀྱང་སུ་ཡང་ཡིད་མི་ཆེསོ་བ་བརྫུན་པོ་ཆེ་དེ་ལ་དྲི་བའི་མི་རིགས་ཤེས་ཟེར་བ། དེ་ལ་ཚིགས་སུ་བཅད་ཅིང་བསྟོད་པ་མེད་པར་གྲགས་པར་འགྱུར་བ། སུ་ཡང་མི་ཉན་པའི་ཚིག་དུ
319a5 འགྱུར་བ། ཀུན་ཏུ་ངན་དུ་རྗོད་པའི་ལས་སེམས་ཤིང་བྱེད་པ་ཡིན་ཏེ། ཤི་ནས་ལུས་དང་བྲལ་ན་ལམ་ངན་པར་ལྟུང་ཞིང་སེམས་ཅན་དམྱལ་བར་སྐྱེའོ།། ཆང་འཐུངས་ན་ངན་བསག་མེད་པ་སུམ་བཅུ་རྩ་ལྔར་འགྱུར་བ་ཤེས་པར
319a6 བྱོས་ཤིག། སུམ་ཅུ་རྩ་ལྔ་གང་ཞེ་ན། མངོན་པར་སྣང་བཞིན་དུ་ནོར་ཟད་པ། ནད་མང་བ་འདུ་བ། འཐབ་མོ་དང་རྩོད་པ་རྣམས་སྐྱེ་བ། ཁྲེལ་ཞིང་ངོ་ཚས་མི་འཛེམ་པ། མི་སྙན་པར་གྲགས་པར་བྱེད་པ། ཤེས་རབ་ཉམས
319a7 པར་བྱེད་པ། སྐྱེད་པ་སྔོན་ཆད་མ་གསགས་པ། དེ་ཡང་མི་སོགས་པ། སྐྱིད་པའི་བསགས་པ་ཀུན་ཟད་ཅིང་མེད་པར་བྱས་པ། གསང་བ་རྣམས་སྨྲ་བ། ལས་སུ་བྱ་བ་རྣམས་ཤོར་བ། ཞེན་ཏེ་ཉམ་ཆུད་པར་གྱུར་པ། མྱ་ངན་གྱི
319a8 རྩ་བ་མར་མི་འཛིན་པ། ཐར་པར་ཞུགས་པར་མི་ཤེས་པ། བྲམ་ཟེར་མི་ཤེས་པ། རིགས་བཙུན་པ་ལ་སྟི་སྟང་རིམ་གྲོ་མི་བྱེད་པ། སངས་རྒྱས་ལ་རིམ་གྲོ་མི་བྱེད་པ། ཆོས་ལ་རིམ་གྲོ་མི་བྱེད་པ། དགེ་འདུན་ལ་རིམ་གྲོ་མི་བྱེད་པ།
iiif viewer powered by OpenSeadragon
