| e-texts navigator |
| Wylie |
314b1 གེའོ་ཞེས་མི་བསྟོད་པ་ལོག་པར་ལྟ་བ་ལ་མི་སྨོན་པ། ཡང་དག་པར་ལྟ་བ་ལ་བསྟོད་པ་དང་བཅུའོ།། ཇི་ལྟར་ལས་ཀྱིས་སེམས་ཅན་དམྱལ་བར་སྐྱེ་བར་འགྱུར་ཞེན།། ཆོས་བཅུས་ན་སེམས་ཅན་དམྱལ་བར་འགྱུར་ཏེ། བཅུ་གང་ཞེ་ན་ལུས
314b2 གྱིས་ངན་པ་ཟེར་སྤྱོད་པ་དག་གིས་ངན་པ་ཆེར་སྡོད་པ་ཡིད་ཀྱིས་ངན་པར་ཆེར་སྤྱོད་པ། ཆད་པར་ལྟ་བརྟག་པར་ལྟ་བ། བྱ་བའི་མི་རིགས་པར་ལྟ་བ་ཕན་པ་མེད་པར་བྱེད་པ། མྱ་ངན་བསྲིངས་པ་ལ་ངན་དུ་སྨྲ་བ་འདོད་པས་ལོག་པར
314b3 སྤྱད་དུ་བཅུག་པ་དང་བཅུའོ། ། ཇི་ལྟར་ལས་ཀྱིས་བྱོལ་སོང་དུ་འགྱུར་ཞེ་ན། ཆོས་བཅུས་ན་བྱོལ་སོང་དུ་འགྱུར་ཏེ་བཅུ་གང་ཞེ་ན་ལུས་ཀྱིས་ངན་པ་འབྲིང་དུ་སྤྱོད་པ་དག་གིས་ངན་པ་འབྲིང་དུ་སྤྱོད་པ། ཡིད་ཀྱིས་ངན་པ་འབྲིང་དུ་སྤྱོད་པ་འདོད
314b4 པས་སྣ་ཚོགས་ཀུན་གཡོས་པའི་ལས་བྱས་པ། ཁྲོ་བ་སྣ་ཚོགས་ཀུན་གཡོས་པའི་ལས་བྱས་པ། གླེན་པ་སྣ་ཚོགས་ཀུན་གཡོས་པའི་ལས་བྱས་པ། མི་རིགས་པ་བྱིན་པ་བྱོལ་སོང་དུ་འགྱུར་བ་རྣམས་ལ་ཁྲོ་བ། བྱང་ཆུབ་སེམས
314b5 དཔའི་སྨོན་ལམ་གྱི་མཐུས་སེང་གེར་སྐྱེས་པ། བྲམ་ཟེ་ཆད་པར་བྱེད་པ་ཁ་ངན་པར་བྱས་པའི་ལན་གྱིས་སྤྲེའུར་སྐྱེས་པ་ལྟ་བུ་དང་བཅུའོ།། ཇི་ལྟར་ལས་ཀྱིས་རིང་དུ་འཁྱམས་པའི་འཇིག་རྟེན་དུ་སྐྱེ་བར་འགྱུར་ཞེ་ན། ཆོས་བཅུས་ན་རིང་དུ
314b6 འཁྱམས་པའི་འཇིག་རྟེན་དུ་སྐྱེ་བར་འགྱུར་ཏེ། ལུས་ཀྱིས་ངན་པ་ཆུང་ངུ་སྤྱོད་པ། ངག་གིས་ངན་པ་ཆུང་ངུ་སྤྱོད་པ། ཡིད་ཀྱིས་ངན་པ་ཆུང་ངུ་སྤྱོད་པ། ངན་པ་ལས་དད་པ་ཤིན་དུ་དང་བ་ལོག་པས་འཚོ་བ་སེར་སྣ་ལ་དད་ཅིང་མི་གཏོང་བ།
314b7 སྦྱིན་པ་ལ་གེགས་བྱེད་པ་འདོད་པ་ལ་ཆགས་པ་བཞིན་དུ་ཤིག། བྲུ་བ་ཚ་ཞིང་སྐོམ་བཞིན་དུ་ཤི་བ་དང་བཅུའོ།། ཇི་ལྟར་ལས་ཀྱིས་ཨ་སུ་རའི་འཇིག་རྟེན་པར་འགྱུར་ཞེ་ན། ཚེས་བཅུས་ན་ཨ་སུ་རའི་འཇིག་རྟེན་དུ་སྐྱེ་བར་འགྱུར་ཏེ།
314b8 བཅུ་གང་ཞན་ཐམས་ཅད་ལའང་ལུས་ཀྱིས་ངན་པ་ཆུང་ཟད་སྐྱེད་པ། ཐམས་ཅད་ལའང་དག་གིས་ངན་པ་ཆུང་ཟད་སྤྱོད་པ། ཐམས་ཅད་ལའང་ཡིད་ཀྱིས་ངན་པ་ཆུང་ཟད་སྤྱོད་པ། དང་སེམས་པ། མི་མཚུངས་པ་འདི། བླ་ལས
iiif viewer powered by OpenSeadragon
