| e-texts navigator |
| Wylie |
311a1 ལ་འདི་སྐད་ཅེས་གསོལ་ཏོ། ། ཀྱེ་གོ་ཏ་མའི་སེམས་ཅན་རྣམས་ལ་ཚེ་ཐུང་བ་དང་ཚེ་རིང་བ་དང་ན་དམང་བ་དང་ནད་ཉུང་བ་དང་མི་སྡུག་པ་དང་བཟང་པོ་དང་། དབང་ཆུང་བ་དང་དབང་ཆེ་བ་དང་། མ་རབས་ཀྱི་རིགས་དང་ཡ་རབས
311a2 ཀྱི་རིགས་དང་། དབུལ་པོ་དང་ཕྱུག་པོ་དང་ངན་པ་དང་ཤེས་རབ་ཆེ་ཆུང་དང་། སྙིང་སྡུག་ལ་སོགས་པ་རྣས་པ་མང་དུ་མཆིས་ན། ཀྱེ་གཽ་ཏཱ་མའི་ལས་ཀྱི་རྣམ་པར་སྨིན་པ་གང་གི་ཕྱིར་ན་སེམས་ཅན་སྣ་མང་པོར་འགྱུར།། བཙམ
311a3 ལྡན་འདས་ཀྱིས་བཀའ་སྩལ་པ། མན་བ་ཁྱོད་ཉོན་ལ་དགེ་བར་ཤིན་ཏུ་ཡིད་ལ་ཟུང་ཤིག་དང་། དེའི་ཕྱིར་ངས་བཤད་དོ།། མན་པ་སེམས་ཅན་རྣམས་ནི་ཚེ་རབས་ཀྱི་ལས་ལས་གྱུར་ཏེ། སྦྱིན་པའི་རྣམས་ཀྱང་ལས། སྐྱེ་བའི
311a4 རྣམས་ཀྱང་ལས། སོ་སོར་རྒྱུ་བ་ཡང་ལས་ཏེ། མ་ན་བ་སེམས་ཅན་རྣམས་ནི་ལས་ཀྱིས་རྣམ་པར་བསྒྱུར་རོ།། དེ་བས་ན་ངན་པ་དང་བར་མ་དང་། བཟང་པོའི་ཕྱིར་སེམས་ཅན་རྣམས་མང་པོ་ཡང་ལས་རྣམ་པ་མང་པོ་དང་།
311a5 མྱ་ངན་རྣམ་པ་མང་པོ་དང་ལྟ་བ་རྣམ་པ་མང་པོར་སྦྱར་བ་དེ་འདི་ལྟར་ནག་པོ་དང་། དཀར་པོ་ལས་རྣམ་པར་སྨིན་པའི་འབྲས་བུ་བཤད་དོ།། མན་པ་འདི་ལྟ་སྟེ་ལས་ནག་པོ་རྣམས་ཀྱིས་ནི་སེམས་ཅན་དམྱལ་བ་དང་། བྱོལ
311a6 སོང་དང་། ཡི་དགས་དང་རིང་དུ་འཁྱམས་པ་དང་། ཨ་སུ་ར་ལ་སོགས་པ་ངན་སོང་དུ་སྐྱེའོ།། ལས་དཀར་པོ་བགྱིས་པ་རྣམས་ཀྱིས་ནི་ལྷ་དང་མིར་སྐྱེའོ།། མ་ན་བ་དེ་ལྟ་བས་ན་ལས་ཀྱི་རྣམ་པར་སྨིན་པས་ཚེ་ཐུང་བ་ཡང
311a7 ཡོད། ལས་ཀྱིས་ཚེ་རིང་པོར་གྱུར་པ་ཡང་ཡོད།། ལས་ཀྱིས་ན་དམང་པོར་གྱུར་པ་ཡང་ཡོད། ལས་ཀྱིས་ནད་ཉུང་ངུར་འགྱུར་བ་ཡང་ཡོད། ལས་ཀྱིས་མི་སྡུག་པར་འགྱུར་བ་ཡང་ཡོད། ལས་ཀྱིས་བཟང་པོར་འགྱུར་བ་ཡང
311a8 ཡོད། ལས་ཀྱིས་དབང་ཆུང་ངུར་འགྱུར་བ་ཡང་ཡོད། ལས་ཀྱིས་དབང་ཆེ་བར་འགྱུར་བ་ཡང་ཡོད། ལས་ཀྱིས་མ་རབས་ཀྱི་རིགས་སུ་འགྱུར་བ་ཡང་ཡོད། ལས་ཀྱིས་ཡ་རབས་ཀྱི་རིགས་སུ་འགྱུར་བ་ཡང་ཡོད། ལས
iiif viewer powered by OpenSeadragon
