| e-texts navigator |
| Wylie |
309a1 གྱུར་ཅིག་ཅིང་འམ་གྲོང་རྡལ་གྱི་གཙོ་བོར་གྱུར་ཅིག་ཅེའམ་རི་བྲགས་ཀྱི་རྒྱལ་པོར་གྱུར་ཅིག་ཅེ་འམ་རྒྱལ་བྲན་དུ་གྱུར་ཅིག་ཅེའམ་རྒྱལ་པོ་བརྩོན་པར་གྱུར་ཅིག་ཅེ་ན། དེའི་སྨོན་ལམ་དེ་བཞིན་དུ་འགྲུབ་པར་འགྱུར་རོ།། གལ
309a2 ཏེ་འདོད་དེ་གླེང་གཅིག་པའི་རྒྱལ་པོར་གྱུར་ཅིག་ཅེའམ་གླིང་གཉིས་ཀྱི་རྒྱལ་པོར་གྱུར་ཅིག་ཅེའམ་གླིང་གསུམ་གྱི་རྒྱལ་པོར་གྱུར་ཅིག་ཅེའམ་འཁོར་ལོས་སྒྱུར་བའི་རྒྱལ་པོར་གྱུར་ཅིག་ཅེ་ན་དེའི་སྨོན་པ་དེ་གྲུབ་པར་འགྱུར་རོ། །
309a3 གལ་ཏེ་འདོད་དེ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་པ་མཉམ་པར་སྐྱེ་བར་གྱུར་ཅིག་ཅེན་ཡང་དེའི་སྨོན་པ་དེ་འགྲུབ་པར་འགྱུར་རོ།། སུམ་ཅུ་རྩ་གསུམ་དང་མཐའ་བྲལ་དང་དགའ་ལྡན་དང་འཕྲུལ་དགའ་དང་གཞན་འཕྲུལ
309a4 དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་གྲུབ་པར་འགྱུར་རོ། ། གལ་ཏེ་འདོད་དེ་བདག་ཚངས་རིས་ཀྱི་ལྷ་རྣམས་དང་བསྐལ་པ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ
309a5 གྲུབ་པར་འགྱུར་རོ། ། ཚངས་པའི་མདུན་ན་འདོན་དང་ཚངས་ཆེན་དང་འོད་ཆུང་དང་ཚད་མེད་འོད་དང་འོད་གསལ་དང་དགེ་ཆུང་དང་ཚད་མེད་དགེ་དང་དགེ་རྒྱས་དང་སྤྲིན་མེད་དང་བསོད་ནམས་སྐྱེས་དང་འབྲས་བུ་ཆེ་བ་དང་མི་ཆེ་བ་དང
309a6 མ་གདུང་བ་དང་གྱ་ནོམ་སྣང་དང་ཤིན་ཏུ་མཐོང་དང་འོག་མིན་གྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་འགྲུབ་པར་འགྱུར་རོ། ། གལ་ཏེ་འདོད་དེ་ནམ་མཁའ་མཐའ་ཡས་སྐྱེ་མཆེད་དང་རྣམ
309a7 ཤེས་མཐའ་ཡས་སྐྱེ་མཆེད་དང་ཆུང་ཟད་མེད་པའི་སྐྱེ་མཆེད་དང་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་འགྲུབ་པར་འགྱུར་རོ། ། གལ
309a8 ཏེ་འདོད་དེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱའོ་ཞེ་ན་ཡང་དེའི་སྨོན་པ་དེ་གྲུབ་པར་འགྱུར་རོ། ། གལ་ཏེ་འདོད་དེ། ལན་ཅིག་ཕྱིར་འོང་བའི་འབྲས་བུ་དང་ཕྱིར་མི་འོང་བའི་འབྲས་བུ་དང་དགྲ་བཅོམ་པའི་འབྲས
iiif viewer powered by OpenSeadragon
