| e-texts navigator |
| Wylie |
303b1 པར་སྨིན་པས། ཡིད་དུ་མི་འོང་བའི་སྒྲ་ཐོས་པ་དང་ཡིད་དུ་མི་འོང་བ་མཐོང་བར་འགྱུར་རོ།། ཚིག་ཀྱལ་བར་སྨྲ་བ་མི་དགེ་བའི་ལས་ཀྱི་རྣམ་པར་སྨིན་པས། ས་མཐོན་དམན་དང་སྨན་ལྗོངས་དང་། དམ་གྲོག་དང་གཡངས
303b2 ལས་སོགས་པ་འབྱུང་ངོ་། ། ལས་དེ་ཉིད་ཀྱི་རྣམ་པར་སྨིན་པས། ཚིག་མི་བཙུན་པར་འགྱུར་རོ།། ཆགས་སེམས་མི་དགེ་བའི་ལས་ཀྱི་རྣམ་པར་སྨིན་པས། འབྲས་དང་ནས་དང་གྲོ་ལ་སོགས་པའི་འབྲས་བུ་ཉུང་ཞིང་གྲམ
303b3 དང་སྤུན་པ་ལ་སོགས་པའི་སྐྱོན་མང་བར་འགྱུར་རོ། ། ལས་དེ་ཉིད་ཀྱི་རྣམ་པར་སྨིན་པས། ལོངས་སྤྱོད་གཞན་གྱིས་ཁྱེར་བར་འགྱུར་རོ།། གནོད་སེམས་མི་དགེ་བའི་ལས་ཀྱི་རྣམ་པར་སྨིན་པས། ལེ་ཏོག་དང་འབྲས
303b4 བུ་དགེས་བོན་ཚ་བ་དང་ཁ་བོ་འབྱུང་བར་འགྱུར་རོ། ། ལས་དེ་ཉིད་ཀྱི་རྣམ་པར་སྨིན་པས་མཐོང་ན་མི་སྡུག་པར་འགྱུར་རོ།། ལོག་པར་ལྟ་བ་མི་དགེ་བའི་ལས་ཀྱི་རྣམ་པར་སྨིན་པས། འབྲས་བུ་མེད་པ་དང་ཆུང་བ་དང
303b5 དུག་དང་དགུ་པ་ལ་སོགས་པ་འབྱུང་བར་འགྱུར་རོ། ། ལས་དེ་ཉིད་ཀྱི་རྣམ་པར་སྨིན་པས། མེད་པར་སྨྲ་བ་དང་ཆད་པར་ལྟ་ཞིང་འཇིག་རྟེན་རྒྱད་པན་པའི་གཙུག་ལག་ལ་སོགས་པ་ལ་དད་པར་འགྱུར་རོ།། མི་དགེ
303b6 བའི་ལས་ཀྱི་ལམ་འདི་བཅུ་ཇི་ལྟ་ཇི་ལྟར་བསྒོམས་པ་དེ་ལྟ་དེ་ལྟར་རབ་ཏུ་འཕེལ་བར་འགྱུར་ཏེ། དེའི་ཕྱིར་རྣམ་པར་འཇིག་པའི་ཚེ། ཏིལ་ཡོད་ཀྱང་ཏིལ་མར་མི་འབྱུང་བུ་རམ་ཤིང་ཡོད་ཀྱང་བུ་རམ་མི་འབྱུང་། བུ་རམ
303b7 ཡོད་ཀྱང་གྲགས་དང་ཁར་མི་འབྱུང་། བ་ཡོད་ཀྱང་འོམ་མ་འབྱུང་། འོམ་ཡོད་ཀྱང་མར་མི་འབྱུང་། དེ་ལྟར་མི་དགེ་བ་བཅུའི་ལས་ཀྱི་རྣམ་པར་སྨིན་པས། ཕྱི་རོལ་གྱི་དངོས་པོ་རྣམས་ཆུད་པར་འགྱུར་རོ།།
303b8 དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པའི་རྒྱུས། ཕྱི་རོལ་གྱི་དངོས་པོ་རྣམས་ཕུན་སུམ་ཚོགས་པར་འགྱུར་ཏེ། བཅུ་གང་ཞེ་ན། སྲོག་གཅོད་པ་སྤངས་པའི་རྣམ་པར་སྨིན་པས་ནི་མའི་མཐུ
iiif viewer powered by OpenSeadragon
