| e-texts navigator |
| Wylie |
302b1 བའི་ནང་རྣམས་ཀྱིས་ཡོངས་སུ་གཟིར་ཅིང་རྐང་ལག་མེད་པ་མིག་དང་བྲལ་བ་དག་ཡོད་དེ། གང་ཟག་འདི་ནི་ལུས་ཀྱང་མི་བདེ་ལ་སེམས་ཀྱང་མི་བདེ་བ་ཡིན་ནོ།། དེ་ལ་གང་ཟག་ལས་གང་དང་ལྡན་ན་ངན་སོང་རྣམས་སུ
302b2 སྐྱེས་ཀྱང་གཟུགས་བཟང་ཞིང་མཛེས་ལ་ཡུས་སྣུམ་ཞིང་མདོག་འཚེར་ལ་མིག་ཏུ་སྡུག་ཅིང་བལྟ་ན་དགའ་བར་འགྱུར་བའི་ལས་ཡོད་དེ། དེ་གང་ཞེ་ན། གང་ཟག་གང་འདོད་ཆགས་ལས་བྱུང་བའི་ངང་ཚུལ་ངན་པ
302b3 དང་ལྡན་པ་དེ་ནི་ངན་སོང་རྣམས་སུ་སྐྱེ་སྟེ། དཔེར་ན་རྨ་བྱ་དང་ནེ་རྩོ་དང་བྱ་ཤ་རི་ཀ་དང་བྱ་ཀར་ན་འདའ་བ་དང་། ངུར་བ་ལ་སོགས་པ་ལྟ་བུ་སྟེ། འདི་ནི་གང་ཟག་ལས་གང་དང་ལྡན་ན། ངན་སོང་རྣམས་སུ་སྐྱེས་ཀྱང
302b4 གཟུགས་བཟང་ཞིང་མཛེས་ལ་ལུས་སྣུམ་ཞིང་མདོག་འཚེར་བ་མིག་ཏུ་སྡུག་ཅིང་བལྟ་ན་དགའ་བར་འགྱུར་བའོ། ། དེ་ལ་གང་ཟག་ལས་གང་དང་ལྡན་ན།། ངན་སོང་དུ་སྐྱེས་ལ་མདོག་མི་བཟང་ཞིང་ལུས་རྩུབ་ལ་བལྟ
302b5 ནམ་སྡུག་པར་འགྱུར་བའི་ལས་ཡོད་དེ། དེ་གང་ཞེ་ན། གང་ཟག་དེ་ནི་ཞེ་སྡང་ལས་བྱུང་བའི་ངང་ཚུལ་ངན་པ་དང་ལྡན་པས་ངན་སོང་རྣམས་སུ་སྐྱེས་པ་སྟེ། འདི་ལྟ་སྟེ་སེང་གེ་དང་སྟག་དང་བྱ་རོ་དང་ཝ་དང་དྲེད་མོ
302b6 དང་སྦྲུལ་ནག་པོ་དང་ཡི་དགས་དང་ཤ་ཟ་ལ་སོགས་པ་ལྟ་བུའོ། ། འདི་ནི་གང་ཟག་ལས་གང་དང་ལྡན་ན། ངན་སོང་རྣམས་སུ་སྐྱེས་ནས་མདོག་མི་བཟང་ཞིང་ལུས་རྩུབ་ལ་བལྟ་ན་མི་སྡུག་པའི་ལས་ཡིན་ནོ།། གང་ཟག
302b7 ལས་གང་དང་ལྡན་ན། ངན་སོང་རྣམས་སུ་སྐྱེས་ནས་ལྕེའི་དབང་པོ་དྲིང་བར་འགྱུར་བ་ཡོད་དེ།། དེ་གང་ཞེ་ན། གང་ཟག་དེ་ནི་གཏི་མུག་ལས་བྱུང་བའི་ངང་ཚུལ་ངན་པ་དང་ལྡན་པས་ངན་སོང་རྣམས་སུ་སྐྱེས་པ་སྟེ།། འ
302b8 ལྟ་སྟེ་སྲོག་ཆགས་ཆུ་ཚུན་ད་རི་དང་སྲིན་བུ་དང་སྦྲུལ་དང་ཤིག་དང་། སྦྲང་མ་དང་མང་ཀུན་ལ་སོགས་པ་དང་། ལུས་ལ་སྲིན་བུའི་རིགས་ཉི་ཤུ་ཡོད་པ་ལྟ་བུ་སྟེ། འདི་ནི་གང་ཟག་ལས་གང་དང་ལྡན་ན། ངན་སོང་རྣམས་སུ
iiif viewer powered by OpenSeadragon
