| e-texts navigator |
| Wylie |
302a1 བའི་ཕྱིར་བྱིན་པས་དེའི་ལས་ཀྱི་རྣམ་པར་སྨིན་པས་ལུས་མཛེས་གང་བར་མཐོང་ངོ་། ། འདི་ལྟར་ཚིགས་སུ་བཅད་པ་སྨྲས་པ། ལས་ནི་ཤིན་ཏུ་སྟོབས་ཆེ་སྟེ། རྡོ་རྗེ་ལྟ་བུའི་ལས་རྣམས་ལས།། ག
302a2 བདག་གི་དབང་བྱས་ཀྱང་། ། སྡུག་བསྔལ་བ་ཡི་ལས་རྣམས་མྱོང་།། ཞེས་བྱ་བ་ལྟ་བུ་དང་། འཛད་ག་ཀ་ཤས། རང་སངས་རྒྱས་ཤིག་ཡུལ་བ་ར་ན་སེར་བྱོན་པ་ལ། ཟན་སྤྱད་དེ་སྲིན་ནོ་སྙམ་ནས།། དེ་ལ་རིང་ཞིག་ལོན
302a3 ཏེ་དུས་ཡོལ་པ་དང་ཟན་བྱིན་ནོ། ། དེ་ཡང་ལས་དེས་ཚེ་ཕྱི་མ་ལ་འཕགས་པར་གྱུར་ཀྱང་སྔ་དྲོ་བསོད་སྙོམས་བསླངས་ན། དུས་ཡོལ་ལ་ཐུག་ན་ཟན་རྙེད་པ་ལྟ་བུ་སྟེ།། གང་ཟག་དེ་ལྟ་བུ་ནི་སེམས་བདེ་ལ་ལུས་མི
302a4 བདེ་བའོ། ། གང་ཟག་ལ་ལ་ལུས་ཀྱང་བདེ་ལ་སེམས་ཀྱང་བདེ་བ་ཡོད་དེ།། དེ་གང་ཞེ་ན་འདི་ལ་དགྲ་བཅོམ་པ་ཟག་པ་ཟད་པ་བསོད་ནམས་བྱས་པ་ཡིན་ཏེ།། འདི་ལྟ་སྟེ་དཔེར་ན་རྒྱལ་པོ་ཚེས་གྲགས་ཀྱི་བུ་བཀུལ
302a5 ལ་བུ་སེང་གེའི་སྒྲ་གྲོག་ན། ད་ནི་རབ་ཏུ་བྱུང་ནས་ལོ་བརྒྱད་ཅུ་ལོན་ཏེ། ནམ་ཡང་ཆུང་ངུ་ན་གླད་པ་ན་བ་ཙམ་ཡང་མ་མྱོང་ངོ་ཞེས་ཟེར་བ་ལྟ་བུ་སྟེ།། དེ་ཡང་སྔོན་ཡུལ་བ་རན་སེར་སྤོས་འཚོང་ཞིག་ཏུ་གྱུར་ན།
302a6 སངས་རྒྱས་ལོག་པར་དང་སེལ་ཉན་ཐོས་ཀྱི་དགེ་འདུན་དང་བཅས་པ་ལ་ན་བའི་གསོས་སྨན་ཕུལ་བ་དང་དགྲ་བཅོམ་པ་ལ་ཨ་རུ་ར་ཕུལ་བའི་ལས་ཀྱི་རྣམ་པར་སྨིན་པ་དེས་ནད་མེད་ཅིང་བདེ་བའི་མཆོག
302a7 ཐོབ་པོ་ཞེས་གསུངས་པ་ལྟ་བུ་སྟེ། ། གང་ཟག་དེ་ནི་ལུས་ཀྱང་བདེ་བ་ལ་སེམས་ཀྱང་བདེ་བའོ།། ལས་གང་དང་ལྡན་ན། གང་ཟག་ལུས་ཀྱང་མི་བདེ་ལ་སེམས་ཀྱང་མི་བདེ་བ་ཡོད་དེ། དེ་གང་ཞེ་ན། འདི་ལ
302a8 སོ་སོའི་སྐྱེ་བོ་བསོད་ནམས་མ་བྱས་པ་དང་རིགས་དང་རྒྱུད་ཀྱི་གོས་དང་ཟས་སྐོམ་དང་བྲལ་བ་གཞན་གྱི་ཁྱིམ་རྒྱུ་བ་དག་ཡོད་དེ། འདི་ལྟ་སྟེ་ནད་མཛེ་དང་ལུད་པ་དང་རིམས་དང་ཤུ་བ་དང་གཡན་པ་ལ་སོགས
iiif viewer powered by OpenSeadragon
