| e-texts navigator |
| Wylie |
290b1 xxx། xxx
290b2 ལས་དེ་ལྟ་བུ་ནི་ཤེས་རབ་ཆུང་བར་འགྱུར་བའོ། ། དེ་ལ་ཤེས་རབ་ཆེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་འདི་ལ་ཡོངས་སུ་འདྲི་བད་པའི་ངང་ཚུལ་ཅན་ལ་ལ་ཞིག་གི་དགེ་སྦྱོང་དང་བྲམ་ཟེ་མཁས་པ་ལ་འདྲི་བ་དང་།
290b3 རབ་འཆལ་བ་ཡོངས་སུ་སྤོང་བ་དང་། དམ་པའི་ཆོས་སྟོན་ཅིང་གསལ་བར་བྱེད་པ་དང་། དམ་པའི་ཆོས་མ་ཡིན་པ་ལ་རྣམ་པར་སྨོད་པ་དང་། ཆོས་སྨྲ་བ་རྣམས་ལ་མི་འཇིགས་པ་ཉེ་བར་སྒྲུབ་པ་དང་། རིགས་པ་ལེགས་སོ་ཞེས
290b4 ཟེར་བ་དང་། མི་རིགས་པ་ཡོངས་སུ་སྤོང་བ་དང་། ཡང་དག་པར་ལྟ་བའི་ལེགས་པ་རྗོད་པ་དང་། ལོག་པར་ལྟ་བ་ལ་ཉེས་པར་སྤད་པ་དང་། གླེགས་བམ་དང་སྡུག་ཅ་དང་སྨྱུག་གུ་ལ་སོགས་པའི་སྦྱིན་པ་བྱེད་པ་དང་ཆང་མི་འབུང
290b5 བ་སྟེ། དཔེར་ན་ཀུན་དགའ་བོའི་མདོ་ལས། ཆང་གི་ཉེས་པ་སུམ་བཅུ་རྩ་ལྔ་གསུངས་པ་དགེ་བའི་ཕྱོགས་སུ་སྦྱར་བ་ལྟ་བུ་སྟེ། ལས་དེ་ལྟ་བུ་ནི་ཤེས་རབ་ཆེ་བར་འགྱུར་བའོ།། དེ་ལ་སེམས་ཅན་དམྱལ་བར་སྐྱེ་བར་འགྱུར་བའི
290b6 ལས་ཡོད་དེ་དེ་གང་ཞེ་ན། དེ་ནི་ཤིན་དུ་ཞེ་སྡང་བའི་སེམས་ཀྱིས་ལུས་དང་ངག་དང་ཡིད་ཀྱི་ཉེས་པ་ཆེར་བྱས་པ་དང་ཆད་པར་ལྟ་བ་དང་རྟག་པར་ལྟ་བ་དང་མེད་པར་ལྟ་བ་དང་སེར་སྣ་ཆེ་བ་དང་དྲིན་དུ་མི་བཟོ་བ་དང་མཚམས
290b7 མེད་པའི་ལས་བྱེད་པ་དང་འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་སྐུར་བ་འདེབས་པ་སྟེ། ལས་དེ་ལྟ་བུ་ནི་སེམས་ཅན་དམྱལ་བར་སྐྱེ་བར་འགྱུར་རོ།། དེ་ལ་དུད་འགྲོའི་སྐྱེ་གནས་སུ་སྐྱེ་བར་འགྱུར་བའི་ལས་ཡོད
290b8 དེ། དེ་གང་ཞེ་ན། ལུས་དང་ངག་དང་ཡིད་ཀྱིས་ཉེས་པ་འབྲིང་དུ་བྱས་པ་དང་། འདོད་ཆགས་ལས་བྱུང་བའི་ལས་སྣ་ཚོགས་དང་།། ཞེ་སྡང་ལས་བྱུང་བའི་ལས་སྣ་ཚོགས་དང་། གཏི་མུག་ལས་ཟུང་འི་ལས་སྣ་ཚོགས་དང་།
iiif viewer powered by OpenSeadragon
