| e-texts navigator |
| Wylie |
289a1 འགྱུར་བའོ། ། དེ་ལ་མཛེས་པར་འགྱུར་བའི་ལས་ཡོད་དེ་དེ་གང་ཞེ་ན།། དེ་ནི་མི་ཁྲོ་བ་དང་འཁོན་དུ་མི་འཛིན་པ་དང་མི་འཆབ་པ་དང་མི་འཚིག་པ་དང་གོས་ཀྱི་སྦྱིན་པ་བྱེད་པ་དང་མཆོད་རྟེན་དང་གཙུག་ལག་ཁང་དག
289a2 རྡོ་ཐལ་གྱིས་སྐྱད་ནུལ་བྱེད་པ་དང་སྣོད་སྤྱད་སྡུག་གུའི་སྦྱིན་པ་བྱེད་པ་དང་། སྤོས་དང་བྱུག་པ་དང་གོས་དང་རྒྱན་གྱི་སྦྱིན་པ་བྱེད་པ་དང་། ཕ་མའི་ལེགས་པ་བརྗོད་པ་དང་འཕགས་པ་དང་ཚུལ་ཁྲིམས་དང་ལྡན་པ་དག་གི་ལེགས་པ
289a3 རྗོད་པ་དང་མཆོད་རྟེན་གྱི་གཞི་དང་གཙུག་ལག་ཁང་དང་ཁྱིམ་གྱི་ཕྱག་དང་རྟག་ཏུ་བྱེད་པ་དང་སེམས་ཅན་མི་སྡུག་པ་རྣམས་ལ་ཕྱས་མི་བྱེད་པ་དང་། དེ་བཞིན་དུ་རྒན་པ་འམ་གཞོན་པ་གཞན་དག་ལ་བྱས་མི་བྱེད་པ་དང་།
289a4 གཙང་སྦྲ་ཆེ་བ་སྟེ་ལས་དེ་ལྟ་བུ་ནི་མཛེས་པར་འགྱུར་བའོ།། དེ་ལ་མཐུ་ཆུང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་སེར་སྣ་བྱེད་པ་དང་ཕྲ་དོག་ཆེ་བ་དང་གཞན་གྱིས་ཐོབ་ན་མི་དགའ་བ་དང་གཞན་ལ་མི་སྙན་པར་རྗོད
289a5 ན་ཨ་དགའ་བ་དད་པ་མ་ལ་བརྙས་པ་དང་འཕགས་པ་དང་ཚུལ་ཁྲིམས་དང་ལྡན་པ་ལ་བརྙས་པ་དང་ནད་པ་དང་རྒན་པ་དང་གཞོན་པ་ལ་བརྙས་པ་དང་ཆོས་ངན་པ་དང་མི་དགེ་བའི་རྩ་བའི་ལེགས་པ་རྗོད་པ་དང་བྱང་ཆུབ
289a6 ཀྱི་སེམས་ལས་ཟློག་པ་སྟེ། ལས་དེ་ལ་བུ་ནི་མཐུ་ཆུང་བར་འགྱུར་བའོ།། དེ་ལ་མཐུ་ཆེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཕྲག་དོག་མེད་པ་དང་སེར་སྣ་མེད་པ་དང་གཞན་གྱིས་ཐོས་ན་དགའ་བ་དང་གཞན་གྱིས་མ
289a7 ཐོས་ན་མི་དགའ་བ་དང་གཞན་གྱིས་གྲགས་པ་དང་སྒྲ་དང་ཚིགས་སུ་བཅད་པ་སྙན་པ་ཐོས་ན་དགའ་བ་དང་གཞན་གྱི་ལེགས་པ་རྗོད་པ་ལ་དགའ་བ་དང་། བཅོམ་ལྡན་འདས་ཀྱི་མཆོད་རྟེན་དང་གཙུག་ལག་ཁང་ཅིག
289a8 དང་ཆོས་ཉན་པ་དང་མི་དགེ་བའི་རྩ་བ་ལས་ཟློག་ལ་དང་མཐུཆེ་པ་འགྱུར་བའི་དགེ་བའི་རྩ་བ་ལ་སྩལ་བ་དང་བྱང་ཆུབ་ཏུ་སེམས་བསྐྱེད་པ་དང་དགེ་བའི་རྩ་བ་ཐམས་ཅད་ཀྱིས་མཐུ་ཆེན་པོར་སེམས་བསྐྱེད་པ་འོ། པསདས་བུན་མཐུན་པར་འགྱུར་བ།
iiif viewer powered by OpenSeadragon
